YETSAPIU 11:2 - Sumi Naga CL (Re-edited) Bible (BSI)

² Ayeghi lo kiu nguküsa tsala ighini keno mtha kehu o chuqupu saje pesü timi tsüni momu tache mu tsülo.

BAIBEL (BSI)

² Kughono angkusa tsala ighini keno mthake a-a kutomolo lhidi jeli shipe pualo.

YETSAPIU 11:2 Cross References

NEHEMIA 8:10

Pa no timiqo vilo pi, “Idewolo, achuqupu kivi chulo, akungo tsaizü yelo, eno küha kemi sasü küsaje lo, kughengu atsala hipau ye ni Mpeu lau akimthe shikeu tsala ke. Amloiju kevilo kughengu Ampeu lokivi no nongu kükakumto ke.”

ESTHER 9:19

Tighenguno Jewmi aphulomi, khunono aphu lo xü akeno, panongu ye Adar qhi atsala chighiabidiu loye alokivi eno aghulhu tsala shi ikhilu, eno lakhino lakhi lau achuqupu gho pesü tsükile keu tsala shilu.

ESTHER 9:22

ti ye Jewmi no aghümi launo akulhoqhilu keu tsala, panongu mloghime pesü alokivi shilu keu, eno amloksa lono akulhokiqhi ithulu keu tsala shi ghi panongu pelo aghulhu eno alokivi shilu, achuqupu pesü kumlhomi lau eno lakhino lakhi lau tsükilelu peniye ke.

JOB 5:19

Pa no aküküpna tsügho lono o xaphe luve nani; iyei akütsüniu loye alhoksa no o bumo nani.

LESHELE 112:9

Pa no ame lumono kümsano kijetsü cheni; pa no kumlhomi tsüke; pa chipiu mikucho ye alhokuthu acheni; pa kibo ye agigihu lono süqhe cheni.

AHOLE 19:17

Ililai kumlhomi tsü-je kemi ye Ampeu püna ani, Pa no tipau ghenguno lochile nani.

AHOLE 6:16

Ampeu no mithi chekeu thime tsügho ani, Pa ghenguno aphikümqhüpu tsüni ani:

YETSAPIU 11:3

Khüngküsü no azü likhive aye, ayeghi shou ghuqhive cheni, asübo ye apeu ilaqi na ahuu ilaqi namu tipa-a lo likhi anani.

YETSAPIU 11:8

Timi lakhi no ampe kutomo xülu aye, pa ye amlo kiqishi amasae; ikemu aküzü tsala no tinguno akushuu kepi ithi pelo. Tithiu ye kümtsü adoue.

YETSAPIU 12:1

Nono lhothemi shiaphi lono, aküzü tsalaqo sholu mphi lono, eno nono, “Ni ye aküxü azüzüvae,” ipiuve kepu ghuloki ighi mphi lono o Lhoküsüu ghi kümsülu lo,

DANIEL 4:27

Ikehu, O akükau, I kükümsü o lau ikhikulupu shitsülo: achipiu mikucho pape keu vecheo o xine phevelo, eno aghime no qhasüpe akeqo lau kikimiye pephe keu vecheo ow küsaküghaqo phevelo, tishiaye ow küakini ye pepushu luvike.”

MICAH 5:5

Eno Pa no panow külakishiu shive nani. Assyriami no ni yeghi lo ighi no niw kükakiqo lo nesü kelo, nino pa shou ambekhemi tsüni eno kükapumi tache puwuni;

MATTHEW 18:22

Jisü no pa khochile, “Ni ye o vilo ghuthu tsüni piamoe, ikemu lhotsüni no ghuthu tsüni piani.”

MATTHEW 5:42

Khuana no o qhüiniju khu ighi aye tsülo, eno o lau tüsütüna shi ighi kelo mili kevilo.

Luke 17:4

Tsala pa no atsala lakhi lono o lau ghuthu tsüni kutolo axine shive no itaghi tijehi o lau ighi no, ‘I no xaideni,’ ipi aye, no ye pa kipimi qhivetsü masae.”

Galatiami 6:1

Athiküzümiqo, khuana no axine lo ikiqive aye, nongu aghungu lomi no mtshaminhei pa sachile saghilo. Nongu jukuto lo tikumo aye nongu ghi ghukuju lo ilove nosae.

Ephesiami 5:16

ado lhoksa shive akehu akivishi ado peitha lo.

IBRIMI 13:3

Nongu no akughumi gholo akughushi akeshi panoqo kümsü lulo, nongu ampi no shilusa akeshi aghimeshi akeqo kümsü lulo.

SAMUEL ATUGHIU 25:8

Ow timiqo vilo iniju lo, eno panongu no pi nani. Tighenguno Iw apumiqo lau kikimiye piye tsülo, kughengu ningu ye aghulhu ghuloki lono ighi ani. Kimiyeno o u lo kiu kiumu aghi keu pesü o qemi eno o nu David tsülo.’”