NEHEMIA 8:8 - Sumi Naga CL (Re-edited) Bible (BSI)

⁸ Panongu no Alhou Yezah kaku lono mtsümishei phisü no timiqo no vethakulupu shi hepho piye.

BAIBEL (BSI)

⁸ Panonguno Alhou Yezah pano phisuve keu tsauno pekidesu eno hephopiye tishianguno timiqo pelo vethalu peniyeke.

NEHEMIA 8:8 Cross References

KUKAMI AKINIU 23:2

Akükau no Ampeu kilo wu, pa gholo Judah lo kiptimi eno Jerusalem lo xüküami kümtsü, achinemi ngo tungkupmi, eno timi kije kitila kümtsü wue. Eno kümtsü no chikulupu shi pa no Ampeu ki lono ithulu keu puloshoqhi kaku lo yepüa keu tsaqo phisü.

EZRA 4:18

yesü khikhi nongu no ni lau tsüpuwu keno I zülo mtsümishei phisüvae.

NEHEMIA 8:12

Timi kümtsü no alokivi kije lono chusho eno kütami sasü küsaje nike wokhave, kughengu kiu pi keno panongu no vethaluve ke.

NEHEMIA 8:7

Levi laghami hipaqo ghi timiqo lau Ayezah hepho piyekeu lo kuphutsü, Jeshua, Bani, Sherebiah, Jamin, Akkub, Shabbethai, Hodiah, Maaseiah, Kelita, Azariah, Jozabad, Hanan, eno Pelaiah.

NEHEMIA 8:9

Angh Nehemiah ngo Achineu Ezra gholo Ayezah kiyemi eno timi shika akeqo Levimi no timi kümtsü vilo pi, “Atsala hipau ye nongu Lhou Ampeu lau akimthe shikeu tsalae, tighenguno mloqa momu ighaqa kevilo.”

NEHEMIA 9:3

Panongu no puthughope ayikihedo küthü kutolo panongu Mpeu Alhou Yezah phisü; eno itaghi ayi kihedo küthü panongu xine piphe no Ampeu Alhou mllae.

EZEKEL 46:10

Kughou panongu no iloghini keno, kükapuu ye panoqo gholono iloghini, eno kughou panongu no ipeveni keno, pa ghi ipeveni.

HABAKUK 2:2

Eno Ampeu no I khochile: “Atulupha shou kungunhetsü mtsümishei yepuku lo, tishino philu kemi pelo pove pelo.

Luke 24:27

Pa no Kuchoyesü lo Khristo vehu kümtsü aboake shi Moses kaku lono huthusü Tungkupmi no yekeqo kutolo pama lau hepho piye.

Luke 24:32

Pama no ishi pikile, “Ala lo pa no Kuchoyesü lo akeu tsa piche kelo ni mlo alou no ami iqü ketoi ke kumo?”

Luke 24:45

Tileno Kuchoyesü ithikuthulu penike pa no panoqo kükümsü xükhotsü,

Apostolmi 28:23

Kughou pa sasü kushoni ke kihikütha tsala tove keno, panongu kutomo shesü pa kungo-a lo ighi. Inaqhe no avelau kutolo, pa no apasü shi Alhou yekipe shepe shitsü eno Moses Yezah ngo Tungkupmi kaku lono Jisü ghili pesü panongu züiza nike pükapütsa.