NEHEMIA 8:1 - Sumi Naga CL (Re-edited) Bible (BSI)

¹ Timi kümtsü no Azü Khagho zülo kobidi-a lo lakhishi kumqo. Panongu no Ayezah kiyeu Ezra vilo Alhou no Moses vecheo Israelmi tsükeu Ayezah kaku pesü ighilo pi.

BAIBEL (BSI)

¹ Aqhi akutsuniu loye Israilmi kumtsuno panongu taun qolo ngoluve. Tipaqhi atsala atughuni panongu kumtsu Jerusalem lo kuhokumqolu, tiye Azu Khagho lo kodibo akeulo kuholu. Panonguno Ezra achineu eno Ayezah ithishevekemi vilo AMPEU no Muse vechewo Israil tsukeu yezah iniju.

NEHEMIA 8:1 Cross References

KUKAMI AKINIU 23:2

Akükau no Ampeu kilo wu, pa gholo Judah lo kiptimi eno Jerusalem lo xüküami kümtsü, achinemi ngo tungkupmi, eno timi kije kitila kümtsü wue. Eno kümtsü no chikulupu shi pa no Ampeu ki lono ithulu keu puloshoqhi kaku lo yepüa keu tsaqo phisü.

YEKIKITHI AKINIU 34:15

Tileno Hilkiah no Shaphan vilo pi, “I no Ampeu ki lono Ayezah Kaku ithulue.” Hilkiah no kaku pesü Shaphan tsüve.

YEKIKITHI AKINIU 34:30

Akükau no pa gholo Judah ngo Jerusalem lo xüküami kümtsü, achinemi, tungkupmi, eno kije kitilami kümtsü sasü Ampeu kilo wue. Ampeu ki lono Puloshoqhi Kaku ithulu keu lo yepüa keu tsaqo pa no kümtsü zülono phisü.

EZRA 7:1

Hipa thiu, Persia kükau Artaxerxes yekipe ghuloki lo Ezra, pa ye Seraiah nu, Seraiah no Azariah nu, Hilkiah nu,

EZRA 7:10

Ezra ye Ampeu Yezah phino tipau pape eno Israel lo Pa yezah shika nike amlo tsüqhiyi shike.

EZRA 7:11

Hi ye akükau Artaxerxes no Ezra achineu, ayezah kükütsüu, Ampeu zakütsü eno Israelmi tsükeu yezah ithisheve keu lau yesü yekeu kiyepa ke:

EZRA 7:6

Ezra hipau ye Babylon lono iqhoghi. Pa ye Ampeu, Israel Lhou no tsükeu Moses Yezah kighithimi lakhi, eno pa no khukeu kümtsü akükau no pulotsüe, kughengu Ampeu pa Lhou u no pa gholo ake.

NEHEMIA 12:26

Hipaqo no Jozadak nu Jeshua nu Joiakim ghuloki lo, Nehemiah no angh shiake ghuloki lo, eno Ayezah kiyeu ngo achineu Ezra ghuloki lono ke.

NEHEMIA 12:37

Azüpuki Khagho lono panongu no David phughi lo iqho chekeu nepa lo vejoi cheiqho eno David kükaki vechesü kipelau Azü Khagho lo wuve.

NEHEMIA 3:26

ngo achineki lo aqemiqo no kipelau Azü Khagho ngo achineki juche keu ghukhemi ki kutolo mla kitheve.

NEHEMIA 8:16

Timiqo no wuno alokaqo pighepe pütüta ki kütsüqa lo, aki khala lo, achineki khala lo, Azü Khagho kobidi lo, eno Ephraim Khagho kobidi lo apusho mlave.

NEHEMIA 8:3

Pa no Azü Khagho zülo puthughope kobidi küdau juno inaqhe no puchomghü kutolo kiptimi, totimi eno vethakulumi kümtsü lau phisü. Eno timi kümtsü no akini kughope tsaqüi Ayezah Kaku inie.

ISAIAH 8:20

Ampeuw shiküka eno ashepe lulo! Panongu no hipau kiqi lono pimo aye, panongu ye alolo aküvü küha kemie.

ACHINE 9:5

Moses no kuposhukulu phiki zülono azah tsüke toi aqoaho kümtsü no tipaqo pesü Ampeu kupunu ighi.

MALAKI 4:4

“I qeu Moses Yezah, xaküthaza eno akhuayeqo I no Horeb lono Israelmi kümtsü lau tsükeu kümsülu lo.

MATTHEW 13:52

Pa no panoqo vilo pi, “Tighenguno Ayezah shikükami khuu pesü kungugha yekipe ghenguno qophe luve akeno, pa ye aki mpeu toike. Pa kinikhuki lono thime kiu no akithe eno kiu no aqa keno kümtsü ikhiphelu cheni.”

MATTHEW 23:13

“Ikemu nongu Ayezah shikükami ngo Phariseemi hasapue, keghilishi chekeqo! Nongu no timiqo launo kungugha yekipe hukikha khavetsü, nongu ampi no iloke kumono ilo niye akeqo ghi ilope chemoe.

MATTHEW 23:2

“Ayezah shikükami ngo Phariseemi no Moses lakhü lo iqa ani,

MATTHEW 23:34

Ikehu I no nongu lau tungkupmi, alokütsümi, eno akükütsümi puwu nani, tipaqo khami ye nongu no pithive tsü nani, khami ye kros lono yedave nani, eno khami ye now sinagog lono heqhi no mishiphu atsütsü lo tipaqo hakuqoqhi nani,

ZAKINIU 31:11

kughou Israelmi kümtsü no Ampeu nongu Lhou no kishetsü keu-a lo ighini keno, Israelmi kümtsü no chikulupu shi nongu no Ayezah hipau phisüni.

XAKUTHAMI 20:1

Tithiu Israelmi kümtsü no hekütsü, Dan lono Beersheba kuto, eno Gilead yeghi ghi Ampeu zülo lakhi shi Mizpah lo kumqo.

XAKUTHAMI 20:8

Timi kümtsü no lakhi shino pi, “Ningu khumu pa phiki lo womoe, eno khumu pa kilo idewo moe.