NEHEMIA 13:5 - Sumi Naga CL (Re-edited) Bible (BSI)

⁵ Tobiah ghenguno achebo lakhi achineki lo kutotsü. Ti ye inahuu athi kümllagho, müsüghüta, abohuqo, athi, atsaizü, eno thazü chighi saje sükeqo pekütsü pesü azakütsü lono Levimi, alephemi, khagho khemi, eno achinemi ghenguno qhiche keu chebo ke.

BAIBEL (BSI)

⁵ Pano Tobia pelo achinekilo abo kije tuxatini gho tsukeu, axokutsungu puachekeu bo, achinekilo tinhemgha peitha chekeu, achinemi ghenguno agho tsukeqo, chighi saje tuxatini, aji eno oliv teli Levimi, achinekilo ale kiphemi eno achineki khemi pelo peitha peniye puakeqo Tobia pelo peitha penikeu shive.

NEHEMIA 13:5 Cross References

YEKIKITHI AKINIU 31:11

Tileno Hezekiah no Ampeu kilo acheboqo kuto lopi azah tsü kelo panongu no kutove.

YEKIKITHI AKINIU 34:11

Panongu no asü kümlami ngo aki kishimi pelo hekütha tu ngo asüpa eno Judah kükami no pümave tsükeqo lo sünike akika qhü penike aki kishimi tsüve.

NEHEMIA 10:36

Ayezah lo yepüake toi ningu no niw kiptimi anoghiu eno niw lhoxü dolo piti tüghüu sawo achineki lo achineu tsüni, ti ye niw amishi loji, ambe loji lo piti tüghüu pesü akimthe shi ikhiphepe tsüni.

NEHEMIA 10:37

Athi atüghüu lono asho kunu keu, alulo pekighi qhasü keqo, asübo jeli lono axathiqo, atsaizü eno thazü, kümtsü Alhou chineki chebo lo, achineu lau pewuni. Ayeghi lo pekighi thaqhü chighi saje ye Levimi lau pewuni, kughengu Levimi no ni phughi kümtsü lo chighi saje hekütsü cheni ke.

NEHEMIA 10:38

Kughou chighi saje qhani keno Aaron kughukomi achinemi no Levimi gholo ngoni eno achineki lo peithani ke panongu no qhalu keu lono chighi saje pesü achineki pekükütsü chebo lo pewuni.

NEHEMIA 12:44

Tipa tsalani achineki lo tüqhatüzü jeli, ghile hutüghüu, eno chighi saje kiqhi-a lo hekükütsümi süsüve. Ayezah lo aketoi panongu no mishiphu lo alu lono achinemi ngo Levimi saje pewo qhitsü, kughengu Judah timi no achinemi ngo Levimi shou amlokiqi ake.

NEHEMIA 13:7

Jerusalem lo ideighi. Tileno Eliashib no Tobiah pelo Alhou kilo ngo penike achebo kuto tsükeu lono küsakügha shive keu chilue.

EZEKEL 40:38

Tile achebo lakhi ahukikha shisüpe khagho lo abo ae, tileno akipti kümllagho qhuche.