NEHEMIA 1:11 - Sumi Naga CL (Re-edited) Bible (BSI)

¹¹ O Ampeu, O kini kughope O qeu kighini chilu tsülo, O qemi kütami O je sümsa chekemi kighini ini tsülo, ishi no ni O qeu lau tokulu puwu tsülo, eno timi hipau zülo ow kimiyekini I tsülo.” Ni ye akükau jukhu kipeu shi cheke.

BAIBEL (BSI)

¹¹ Itehi ikighini chilu tsulo eno oqemi kutami ogihu nishi akemiqo kighini initsulo. Ishino ni oqeu pelo tolu pelo eno akukatou Ahaserus pelo ikimiyelu pelo.” Tipa ghulokilo niye akukatou wu ajukhu kipeu shi ache.

NEHEMIA 1:11 Cross References

BOTHUBO 24:42

“Ishi I no azüpuki lo ighi no pi, ‘O Ampeu, I mpeu Abraham Lhou, tsala Nono itehi I no wuche keu la heshetsü aghi aye,

BOTHUBO 32:11

Kimiyeno I mu Esau u lono I xaphe tsülo, kughengu ni ye pa msa anie, pa ye ni eno atianuli ngo azanoqo leighi luvike.

BOTHUBO 32:28

Tile pa no pi, “O je ye Jacob kumoae, ikemu Israel ipi kuniae, kughengu nono Alhou eno timi sasü kumjo no toluvae.”

BOTHUBO 40:1

Ado hami thiu, Egypt lo akükau jukhu kipeu ngo asho kümlau pama ye pano mpeu, Egypt kükau hebide keu kipimi shive.

BOTHUBO 40:2

Pharaoh ye paw hiyampemi, ajukhu kipeu atou ngo asho kümlau atou pama shou axuideve,

BOTHUBO 40:21

Pa no ajukhu kipeu atou pesü pa-a lo süsüve eno pa no Pharaoh u lo pa jukhu süvetsü.

BOTHUBO 40:23

Ikeghi ajukhu kipeu atou ye Joseph kümsülu move, pa ye qhoi kümsümave.

BOTHUBO 41:9

Tithiu ajukhu kipeu atou no Pharaoh vilo pi, “Ishi I no I kipimi kümsüchilelu ani.

BOTHUBO 43:14

Akughushu Lhou pelo timi hupau zülo küpükini nongu tsü peniu, eno pa pelo nongu thiküzüu lakhiu ngo Benjamin kighide puwo peniu. I ghengu ye, tsala I no I tianuli pühave kepu shive namu pühave niae.”

YEKIKITHI AKINIU 6:40

O I Lhou, itehi O nhethi tsükho no O kini kughope aki hipau lono inikhu keu ini tsülo.

EZRA 1:1

Persia kükau Cyrus mpe atüghüu lo, Ampeu tsa Jeremiah kichi lono pikeu shikupu niye, Ampeu no Persia kükau Cyrus ghungu xukutho, ikehu pa no pa kükaqha kümtsü lo ashekushu lakhi shino tipau akiye lo süve:

EZRA 7:6

Ezra hipau ye Babylon lono iqhoghi. Pa ye Ampeu, Israel Lhou no tsükeu Moses Yezah kighithimi lakhi, eno pa no khukeu kümtsü akükau no pulotsüe, kughengu Ampeu pa Lhou u no pa gholo ake.

NEHEMIA 1:6

O qeu no akighini shi akeu chilutsü penike, O kini kughope tsaqüi inilo eno o nhethi tsükhope ngo tsülo, kughengu I no O lau putho pucho O qemi Israelmi ghenguno inikhu ani. Eno I no piphe anike ningu Israelmi no pimivae eno O zülo axine shivae. Ni ampi eno I puasüqo ghi axine shivae.

NEHEMIA 2:1

Akükau Artaxerxes yepe mpe amkuu eno aqhi abidiu lo kughou atsaiji pa zülo pewo qhitsü keno, I no atsaiji lesüpe akükau tsüe. Ni ye khilemu pa zülo I mloküsa piye mphie.

NEHEMIA 2:8

eno akükau ghasü kheu Asaph lau ghi yetsülo, tishianguno pa no achineki hukikha khagho, aphughi kupuwu, eno I no ngokepu ki ghenguno akika shikulupu sü I tsüpenie.” Akükau no I no khukeqo pulove tsü, kughengu Alhou u no I shou ake.

LESHELE 106:46

Panoqo khathape akughu shikemi kümtsü zülo Pa no panoqo kimiyevepe.

LESHELE 130:2

O Ampeu, I sütsa chilu tsülo! Kimiyeqhiyi tsü penike I no inikhu akeu sütsa küdau O kini kugho puwo tsülo!

LESHELE 61:5

Kughengu, O Alhou, Nono I shoqhi chiluvae; Nono O je sümsa chekemi mheghi pesü I tsüvae.

LESHELE 86:6

I kighini lo O kini kugho puwo tsülo, O Ampeu; küpüqhiyi tsü penike qhüiniju keu ini tsülo.

AHOLE 1:29

Kughengu panongu no akighithi mithi eno Ampeu sükümsa kishelumo,

AHOLE 21:1

Akükau mlo ye Ampeu u lo aghoki zü aketoi, khilekhile mu Pa gholau no sawu cheni.

JEREMIYA 42:12

I no nongu kimiyeqhiyi nani tishianguno pa pelo nongu kimiyepe eno no ghakhu lo küghüna lupe nani.

MALAKI 3:16

Ampeu sümsa chekemi lakhino lakhi sasü küptsae. Ampeu no amlo tsüqhiyi shino panoqo tsa chiluvae, eno Pa zülo Pa sümsa no gihu chekemi ye kümsüchilekulu kaku lakhi lo yesüve tsüe.

IBRIMI 13:18

Ni ghenguno inikhu tsülo, ningu mlo ye tsüghükhüi ani kepi thebei ani, eno alaghi kümtsü lo gihuküzüpu shinike kümsü acheni.