MATTHEW 8:2 - Sumi Naga CL (Re-edited) Bible (BSI)

² Eno julo, apüghami lakhi no ighi püzü pa zülo qhoqhünhe luve no pi, “Ampeu, nono pulo aye, I shikimthe luve nani.”

BAIBEL (BSI)

² Tile apughami lakhi pa lau ighi eno pa zulo qhoqhunhe puzu ishipi, “Akijeu, nono pulo aghi aye noye ishikimthevetsu lunanie.”

Sümi Tiqhelimi Bible

² Ikelo apügha kupumi lakhi no ighi püzü pa zülo qhoqhünhe no pi, “Ampeu, nono pulo aghí aye, no ye I shipivive tsülu nanie.”

MATTHEW 8:2 Cross References

SAMUEL AKINIU 3:39

Eno akükau lakhi shi nukishe püaghimu ishi tsala lo ni ye aghüthi süvae. Zeruiah nuli, timi hipaqo ye I nguno alau mkamihi ke. Ampeu no küsakügha kümlami lau paw küsakügha kiqi lono tsüchile peniu!”

KUKAMI AKINIU 15:5

Ampeu no akükau buve, ikelo pa shou apügha ikughive eno tino pa küxü kupuju acheuve. Pa ye pa ki kütashi ngoche. Pa nu Jotham no aghakhu vehu kümtsü jukütsü, eno timiqo shou ayepe che.

KUKAMI AKINIU 5:1

Syria kükau ghüshimi shou zatsüu, Naaman ye pa kükau zülo akighichemi eno amlo kuchuu lakhi, kughengu Ampeu no pa vecheo tokulu pesü Syriami tsüe. Pa ye aghütomi ikemu apügha puche.

KUKAMI AKINIU 5:27

Tighenguno Naaman pügha ye alholo ghenguno no eno o lagha shou ikughi niae.” Ikehu pa ye apügha no mürasü kimiye toi xapusü Elisha launo wuve.

AKIKIHI 12:10

Kughou khüngküsü no Aphiki lono ikuve keno, Miriam yiko lo mürasü toi apügha ipeghive. Aaron no li küdau jupuwo kelo julo, li ye apügha pu aghive.

MATTHEW 10:8

Küsükinimi shipivi lo, kithimi xüputhu lo, apüghami shikimthe lo, tüghami haphelo. Ame tsümono nongu no ithulu kehu ame lumono tsülo.

MATTHEW 13:58

Eno panoqo no pülü mlaveke ghenguno pa ye tile akümzapu kümla kutomo shimove.

MATTHEW 14:33

Ashuka lo akeqo no Jisü sheqhe ghi pi, “Kuchou no no ye Alhou Nue.”

MATTHEW 15:25

Ikemu li no ighi no pa zülo qhoqhünhe püzü pi, “Ampeu, I kuphu tsülo.”

MATTHEW 18:26

Ikelo aqeu huno pa mpeu zülo qhoqhünhepe qhüiniju pi, ‘I no o lokhave nanike kimiye no kutuu tsü aghilo.’

MATTHEW 2:11

Panongu no aki alou ilo anu gholo paza Mary ithulu, tileno panongu no itsaqi pa mlla. Tishino panongu no agho jeli puche keqo ameshoyi, tsüngqüikeu mukhu, eno müsüghüta ikhiphepe pa chhe.

MATTHEW 20:20

Tile Zebedee nuliqo paza no li nuli sasü Jisü lau ighi, eno pa vilo kiuala inijuni ke pa zülo qhoqhünhe.

MATTHEW 26:6

Kughou Jisü no Bethany lo apüghau Simon kilo akeno,

MATTHEW 28:17

Kughou panongu no pa ithulu keno pa mlla, ikemu khami ye lipive.

MATTHEW 28:9

Eno julo, Jisü no panoqo sasü kusholu no pi, “Aloino lo!” Panongu no ighi no pa pukhu tsüqüpe pa mlla.

MATTHEW 4:9

Eno pi, “Nono itsaqi no I mllave aye, I no hi kümtsü o tsüveni.”

MATTHEW 8:1

Kughou Jisü no naghuto lono iqighi keno, aqokitikhi kije no pa papeche.

MATTHEW 8:25

Akhopemi no wuno pa küdaputhu eno pi, “Ningu xalulo, Ampeu; ningu ye pühave cheae.”

MATTHEW 9:18

Jisü no hipa tsa panoqo vilo pi akelo, julo, yepemi lakhi pa lau ighi no pa zülo qhoqhünhe no pi, “I nga ye itehi no thivae, ikemu ighi no o u pesü li shou betsülo, eno li ye xüluve nani.”

Luke 4:27

Itaghi tungkupu Elisha ghuloki lo apüghami kutomo Israel lo ache kelo khumu shikimthe tsümoe, ikemu Syriami Naaman likhi ke.”

John 9:38

Pa no pi, “Ampeu, I no pülübe ani,” eno pa no Jisü mllae.

Apostolmi 10:14

Ikemu Peter no pi, “Khilemu shimlae, Ampeu; kughengu ni ye kitiqeve keu momu mithekumo kiumu chuju mphie.”

Apostolmi 10:25

Peter no aki alou iloghi kelo Cornelius no pa sasü kusho, eno pa pukhu philo itsaqi no pa mlla.

1 Kor. 14:25

Pa mlo lo tuqhouqo lhepheve akehu pa ye agi pishiqhope Alhou mlla no kuchou no Alhou ye nongu gholo anie pi shuphe nani.

Piyeküsü 19:10

Ikehu I no pa mllani ke pa pukhu philo itsaqi, ikemu pa no pi, “Tishi kevilo! Kughengu no eno o thiküzümi khunoqo Jisü no kuchou shepe shikeu pecheni keno, nongu gholo nighi aqemi lakhike. Alhou mllalo!” Kughengu Jisü no kuchou shepe shikeu pelu kemi no tungkuptsa pikulupu ghungu achenie.