MATTHEW 8:11 - Sumi Naga CL (Re-edited) Bible (BSI)

¹¹ I no nongu vilo piani, kutomo no kipelau eno kulolau no ighi no kungugha yekipe lo ilo Abraham, Isaac, eno Jacob gholo chunike iqa nani,

BAIBEL (BSI)

¹¹ Ino nongu vilo pini, timi kutomono tsukinhe kipelau ngo kulolauno ighi puzu Kungugha yehkipelo Abraham, Isak eno Jakob ishi sasu iqano kuchukusho shi nani.

Sümi Tiqhelimi Bible

¹¹ I no nongu vilo pìní, kipelau eno kulolau no timi kutomo ighi nani, eno panongu no kungugha kükaphu lo Abraham, Isaac eno Jacob noqo gholo iqa no aghulhu shi nani.

MATTHEW 8:11 Cross References

BOTHUBO 12:3

Khunono o kümgha tsüni keno I no kümgha tsüni, khuu no o thaighani keno I no ghushoni, eno o launo ayeghi lo akibolomi kümtsü mügha peni.”

BOTHUBO 22:18

o tikughuko vecheo ayeghi lo shiye kümtsü no müghalu nani, kughengu nono I gholuke.”

BOTHUBO 28:14

O tikughuko no ayeghi lo ayeghimkhu jehi nani, eno no ye aghacheu kulolau ngo kipelau, eno ahuu ngo apeu qhawo nani, no eno o tikughuko vecheo ayeghi lo akibolomi kümtsü müghalu nani.

BOTHUBO 49:10

Sükusho süqha Judah lau süghi moke kutolo kükaküsü ye Judah phevemo, momu yepeu küsü ye pa pukhu dolono kühave monani; eno ashiayeqo no pa lau aghokulu shi nani.

LESHELE 22:27

Ashiaye kümtsü no kümsülu eno Ampeu lau xaidelo, shiye jeli kümtsü no O zülono O mlla nani.

LESHELE 98:3

Pa no Israel kibolomi shou Paw iqemokeu kikimiye eno pükhükulu kümsüchilelue. Ayeghiqha shekichi kümtsü lono ni Lhouw xakulu ithuluvae.

ISAIAH 11:10

Tipa ghuloki lo shiye kütami no Jesse kuhu, khuu ashiayeqo ghenguno amchipu shi ithughi nani keno, pa jekipi kungo-a lo pa phusü ighi nani.

ISAIAH 49:12

Julo, hipaqo ye aghacheu no ighi nani; ahuu eno kulolau no ighi nani; eno Syene yeghi lono ighi nani.”

ISAIAH 49:6

Pa no pi: “I no O pelo Jacob shiaye xaqhe eno Israelmi püxü püakeqo sachile saghi peniye I qeu shipekeu ye mthülo ke; ikehu I no o pelo shiyeqo lau aküvü ghi shipeni, tishikeu lono Iw xakulupu no ayeghi shekha tolu peni.”

ISAIAH 52:10

Ampeu no shiyeqo zülono Pa u kimthe xachhovae, eno ayeghi shekha kümtsü lono Alhouw xakulupu ithulu nani.

ISAIAH 59:19

Tishikeu lono kulolaumi no Ampeu je sümsa nani; eno khetsünhe kipelaumi no Pa juküvü sümsa nani; kughengu Ampeu mülhü no fukucho kelo, aghoki no iqhaighu qoiqi aketoi Pa ye ighi nani.

JEREMIYA 16:19

O Ampeu, I kumto eno I liwo, I veküsa tsala lo I kicheqho, ayeghi shekhau no shiyeqo no O lau ighi no pi nani: “Ni puasüqo ye akimki, ala küha keu ameküküha thimeqo kumo aye kiumu ighilu moe.

DANIEL 2:44

Eno kükami tipaqo ghuloki lono kungugha Lhou no kükaqha lakhi shiqhe nani, ti ye khilemu kütsave monani momu timi kütami lau phesüve monani. Tino kükaqha hipaqo kümtsü kubopinyive nani eno kishekhave tsü nani, eno ti ye alholo puthugho nani,

MALAKI 1:11

Kughengu khetsünhe ipeghike lono ilo moke kutolo I je ye shiyeqo dolo kije shi nani, eno a-a kümtsü lo tsüngqüi keu kümllagho eno akimthe kümllagho I je lono mlla nani. Kughengu I je ye shiyeqo dolo kije shi nani, aqokitikhi Mpeu no pi.

MATTHEW 21:41

Panongu no pa khochile, “Pa no akithi kijiküsa pesü küsaküghami tipaqo tsü nani, eno atsailu pesü mishikulumi khunono axathi xoluke tusho lo asaje achipishi pa tsü nani keno tipaqo pichive nani.”

MATTHEW 24:31

Afuko ghügha vekipighi igha no pa no paw kungumi puwu nani, ayeghi cheku bidi lono, eno atsütsü shekichi lono paw kishekiphemi panongu no hekütsü nani.

MATTHEW 3:2

“Xaidelo, kughengu kungugha yekipe ye kupunuvae.”

MATTHEW 8:10

Jisü no hi chilu kelo ighono pa kümza qhiyive no pa papeche keqo vilo pi, “Kuchou no I no nongu vilo piani, Israel lo hitoi keu küpülü akemi ni ye khumu ithulu mphi.

Luke 12:37

Aqemi khunono kutope khe ake lono ampeu ighi püzü ithuluni keno, pano kümghapue. Mtsüqheino I no nongu vilo piani, ampeu no chighiche khapu püzü aghulhu lüpa lo panoqo küghüqa no huthu nani.

Luke 16:22

Ado hami thiu kumlhomi hu thive, eno kungumi no pa sawo Abraham phivilo qhive. Tithiu akiniu ghi thive no shiqhove,

Apostolmi 10:45

Peter gholo ighi kemi küpülümi aphighüyiko ghave kemi no akichiqhive, kughengu Jewkumomi shou ghi Aghungu Kimthe gho lepuku tsüke.

Apostolmi 11:18

Panongu no hi chilu kelo inaqhoive, eno Alhou sheqhe ghi pi, “Tishiaye Alhou no Jewkumomi lau ghi aküxüpu lo wulu kepu xaidekulu tsüvae.”

Apostolmi 14:22

Hi kümtsü lo akhopemi mlo shikumto tsüno aküpülü lo cheche penike pama no pi, “Aghime kitikhi kutomo vechesü ningu ye Alhou yekipe lo ilo masae.”

Apostolmi 14:27

Pama no ighi no akukuhou kukumqo püzü Alhou no pama peitha keu pesü sheshu, eno Jewkumomi lau kishi Alhou no aküpülü hukikha khaqhi tsü keno lhepiye.

1 Kor. 15:20

Ikemu mtsüqheino Khristo ye akithi lono xüputhuvae, zühuve kemi gholo Pa no amsüu xathi ke.

1 Kor. 6:9

Amikucho kumomi ye Alhou yekipe ighimla nanie pi nongu ye mtha keshea? Nongu pishiqhipe kevilo: kipti-toti dolo mithekumomi na, ajulho kümllami na, küsalhami na, kiptimi no kiptimi sazü kemi na,

Ephesiami 3:6

Tuqhou hipau ye Jewkumomi ghi amheghi kiyighimi; aphimpi lakhi lo kuloji küqha kemi; eno atsakiviu vecheo Khristo Jisü gholo Alhou shoqhi küsajelu kemiae.

Kolosiami 3:11

Hipau loye Greekmi eno Jewmi, aphighüyiko ghave kemi eno ghamo kemi, ayekümthami, tüghashi toi xükemi, aqemi eno ililai kemi kühae; ikemu Khristo no thokha ke, eno kümtsü lo ani.

2 Thes. 1:5

Hi kümtsü Alhouw küghakütha ye achipi kepi mtsüqhei shitsü ani, tishianguno nongu no Alhou yekipe ghenguno ime akeu lo tile ilolu peniye ke.

Piyeküsü 7:6

Asher lagha lono 12,000, Naphtali lagha lono 12,000, Manasseh lagha lono 12,000,