MATTHEW 7:2 - Sumi Naga CL (Re-edited) Bible (BSI)

² Kughengu nongu no küghathabe keu kiqi lono nongu shou küghathabe nani, eno nongu no akimghipu peitha keu qhemi lono nongu mighiju nani.

BAIBEL (BSI)

² Kughengu nonguno kutami shou kughathabe keu pesu Alhou no nongu shou kughathabe nani, nonguno kutami shou kiu qhemi mighibeni keno Alhou no tipa qhemi nongu shou mighibe nani.

Sümi Tiqhelimi Bible

² Kughengu nono kütami shou küghathabe keu qhemi O shou küghathabe nani. Nono kütami shou kiu qhemi mighibeni keno titoi Alhou no tipau qhemi O shou mighibe nani ke.

MATTHEW 7:2 Cross References

SAMUEL AKINIU 21:5

Panongu no akükau vilo pi, “Khuu no ningu kütsave niye kughu eno Israel yeghi kupuju lo ningu-a qhitsü moniye shikeno,

LESHELE 109:17

Pa ye ghushoni keu kimiye; müsüinive keu pa shou ikughive pelo! Pa ye kümgha tsüni keu mithi; kükümgha ye pa launo putosüve pelo!

IPEKULU 21:24

anhethi theli lo anhethi, ahu theli lo ahu, au theli lo au, apukhu theli lo apukhu,

ISAIAH 33:1

Khunomu o theqhive mphi keu, no kütsakungo kicheu, khunomu o thechuve mphi keu, no thekuchuu ghenguno ahae! Kughou nono kütsakungo taveni keno o küghape kütsave nani; eno kughou nono thechu taveni keno o pesü thechuve nani.

JEREMIYA 34:17

“Tighenguno Ampeu no ishi piani: No ye I gholu ghi athiküzümi eno akisüghümi lau kuqhokiphe pikülha move; julo, I no azütakikihi, püsa, eno püqümiye lono ikiqiveni keu kuqhokiphe pesü o kütüghü ani, ipi Ampeu no sheshu. I no o pesü ayeghi lo kükaqha kümtsü lau kümsapu shitsü nani.

JEREMIYA 51:24

“Babylon ngo Chaldea lo küami no Zion lo alhoksa shike ghenguno I no nongu nhethe lono lochile nani, Ampeu no sheshu.

Obadiah 1:15

Kughengu Ampeu tsala ye shiye kümtsü kupunuvae. Nono mlake toi o lau mla nani; o kümla ye o kütsü lo ideikughi nani.

MATTHEW 6:14

Kughengu kütami no nongu shou axine shive kelo nongu no pano kipimi pevetsü aye, nongu Papu kungugha lo akeu ghi nongu kipimi pevetsü nani,

Mark 4:24

Jisü no panoqo vilo pi, “Nongu no kiuala chilu kelo amlo tsüqhiyi shilo: nongu no akimghipu peitha keu pesü nongu mighiju nani, eno tinguno alaumu küphatsü nani.

Luke 6:38

tsülo, eno o tsü nani. Akimghi bohu chili, inadasü, kunosü, eno yele-qole nongu u lo sütsü nani. Kughengu nongu no akimghipu peitha keu pesü nongu lau mighi chile puwu nani.”

2 Kor. 9:6

Atsa ye hike: khuu no aghulo xusüni keno aghulo xolu nani, eno khuu no kutomo xusüni keno kutomo xolu nani.

James 2:13

Kughengu khunono akipimi qhitsü moni keno küghakütha lo pano kipimi qhitsümo nani. Akipimi qhikütsü no küghakütha shou tokulu cheni.

Piyeküsü 18:6

Li no kütami lau tsü püakeu qhemi tsüchile lo, li kümla pesü kinino küghüsü no lochilelo; kiu qhemi pesü ajukhu lo kitetsü keno ti veküghüsü no li jukhu lo lesü tsülo.

XAKUTHAMI 1:7

Tileno Adoni-bezek no pi, “Kükami pano 70 auloqu ngo apukhuloqu ghithave kemi no I no ilhu cheke-a lo ikiqive keqo kiche chuche. I no panongu lau mlake toi itehi ye Alhou no I lau mlavae.” Eno panongu no pa sasü Jerusalem lo ighi no pa ye tilauno thive.

XAKUTHAMI 5:27

Li pukhu dolono pa ye ikiqive no ithamo no ngove; li pukhu dolono pa ye ikiqive; pa no khile ikiqive keno tilehi no thive.

SAMUEL ATUGHIU 15:33

Samuel no pi, “O zütakikihi no totimi pelo anuhami shivepe ketoi o za ghi totimi dolo anuhami shive nani.” Eno Samuel no Gilgal lo Ampeu zülono aleqhi shi Agag ghekuchove.