MATTHEW 6:9 - Sumi Naga CL (Re-edited) Bible (BSI)

⁹ Tishiaye hitoi inikhu lo: “O ni Pu kungugha lo küau, O je akimthe shilo,

BAIBEL (BSI)

⁹ Tishiaye hitoi inikhulo; O niPuh kungughalo kuau, Oje akimtheshi pelu pelo,

Sümi Tiqhelimi Bible

⁹ “Tishiaye, nongu ye hitoi inikhu moayesae: “ ‘O ningu Papù kungugha lo küau, O je akimthe shi pelu pelo,

MATTHEW 6:9 Cross References

SAMUEL AKINIU 7:26

Eno O je ye alholo kije shikithe pi nani, ‘Aqokitikhi Mpeu ye Israel Lhou ke,’ eno O qeu David lagha ye O zülo mtotoi nani.

KUKAMI ATUGHIU 8:43

O kungo-a kungugha lono ini tsüno inami huno O lau khukeu kiqi lo kümtsü shitsülo, tishikeu lono ayeghi lo ashiaye kümtsü eno ow timi Israelmi pelo No ithilu eno O sümsa peni, eno panongu no I no aki hipau mla püakeu ye O je ghenguno kepi ithi peni.

YEKIKITHI ATUGHIU 17:24

eno O je ye pülhapuju kije shikithe hitoi pi cheniae, ‘Aqokitikhi Mpeu, Israelmi Lhou ye kuchou no Israel Lhoue,’ eno O qeu David laghami yekipe ye Nono iqhikumto tsü anani.

YEKIKITHI AKINIU 20:6

eno pi, “O Ampeu, ni puasü Lhou, No ye kungugha lo Alhou ke kumo keshea? Nono ayeghi lo kükaqha kümtsü shou ayepe ani. O u lo aküka eno akumto akeu ghenguno timi khumu o mjochile mlae.

NEHEMIA 9:5

Tishino Levimi Jeshua, Kadmiel, Bani, Hashabneiah, Sherebiah, Hodiah, Shebaniah, eno Pethahiah noqo no pi, “Puthugho lo eno alho lono alholo Ampeu nongu Lhou shelo. O jekipi je sheqhelo, kughengu O je ye shekiqhe eno akishe kümtsü nguno akiqheu lo peqhe püanike.

LESHELE 111:9

Pa no Paw timiqo lau qhüchilekulu tsüke; Paw puloshoqhi ye alholo ache penike Pa no azah tsüe. Pa je ye akimthe eno akümzapu ke!

LESHELE 115:3

Ni Lhou ye kungugha lo ani; eno Pa no pulo keu kümtsü shicheni.

LESHELE 72:18

Ampeu, Israel Lhou sheqhelo, Pa likhi no akümzapu thimeqo shi cheni.

ISAIAH 37:20

Ikehu itehi pa u lono ni xalu tsülo O Ampeu ni Lhou, tishianguno ayeghi lo kükaqha kümtsü no O likhino Ampeu kepi ithi nani.”

ISAIAH 57:15

Kughengu akiqheu eno süqhepe püakeu, khuu shekhaha acheni eno Pa je Akimtheu keno, Pa no ishi piani: “Ni ye akiqheu eno akimthe-a lo acheni, ikemu Ni ye mloqa kemi ngo aqhokighemi gholo ghi ani, Ni ye aqhokighemi ghüthi püxü kithetsü, eno mloqa akemi mlo püxü kithe tsüniye ke.

ISAIAH 6:3

Panongu dolono ighamku pi: “Aqokitikhi MPEU ye akimthe, akimthe, akimthe ke; ayeghiqha ye Pa jekipi küka no chhitoi ani!”

ISAIAH 63:16

No ye ningu papu ke, Abraham no ningu mtha pinamu, eno Israel no ningu kihimo pinamu, O Ampeu, No ye ningu papuke, khaghi nomu niw Xachilekuluu no O je ke.

ISAIAH 64:8

Ikemu itehi O Ampeu, No ye ningu papu ke; ningu ye aghani eno Nono alikümlau ke; Ningu kümtsü Nono mla keqoke.

ISAIAH 66:1

Ampeu no ishi piani: “Kungugha no I kükalakhü, eno ayeghi no I pukhu kinepu ke; tishiaye nongu ye I ghenguno kiu toikeu ki shitsü luni kea? Eno kiutoi keu lo I pelo ngopeni kea?

EZEKEL 36:23

I no I je kimthe khikhi shiyeqo gholo shipixive keno, eno khikhi nongu no panoqo zülono shipixive keno, tipau chipi phuphe nani. Kughou I no nongu vecheo panoqo nhethe lono I kimthe phupheni keno shiyeqo no Ni ye Ampeu kepi ithi nani, ipi Ampeu Alhou no asheshu.

EZEKEL 38:23

Ikehu I no I kughushu eno I kimthe piye nani eno shiye kutomo pelo Ni ithipe nani. Tileno panongu no Ni ye Ampeu kepi ithi nani.

ACHINE 10:3

Moses no Aaron vilo pi, “Ampeu no pikeu ye hike: ‘Khunono I zülo ighini keno, Ni ye akimthe kepi ithi masae, eno timi kümtsü zülo I juküvü piye masae.’” Aaron ye inaqhoi ngove.

HABAKUK 2:14

Kughengu azü no azüghi pichhi püake toi Ampeu juküvüpu kighithi no ayeghi shepichhi nani.

ZEKHARIA 14:9

Ampeu no ayeghiqha kümtsü shou akükau shive nani. Tipa tsalani Ampeu ye lakhi eno Pa je ye lakhi shive nani.

MALAKI 1:11

Kughengu khetsünhe ipeghike lono ilo moke kutolo I je ye shiyeqo dolo kije shi nani, eno a-a kümtsü lo tsüngqüi keu kümllagho eno akimthe kümllagho I je lono mlla nani. Kughengu I je ye shiyeqo dolo kije shi nani, aqokitikhi Mpeu no pi.

MATTHEW 10:29

Tüghashoqhi kini ye pisa muno me qhemike kumo? Ikeghi nongu Papu sümo keloye tipaqo lakhimu ikiqimo nani.

MATTHEW 23:9

Eno ayeghi lo khuu vilomu ‘Apu’ ipi kevilo, kughengu nongu ye kungugha lo akeu Apu lakhi ani.

MATTHEW 26:29

I no nongu vilo piani, I Pu yekipe lono nongu sasü anileshi shomoke tsala kutolo, ni ye hipa tsaibo lo pekighi zü shomoae.”

MATTHEW 26:42

Itaghi, ghuthu akiniu Jisü no wuno ishi inikhu, “I Pu, ajukhu hipau I no shomo kelo ikhiluve tsümla aye, o pulou shilo.”

MATTHEW 5:16

Tipaphi lono, kütami zülo nongu kulu vüqailu pelo, tishikeu lono panoqo no nongu kümla kivi ithulu no ajuküvü pesü nongu Papu kungugha lo akeu tsü nani.

MATTHEW 5:48

Tighenguno kungugha lo nongu Papu no kupukülai ketoi nongu ghi kupukülai masae.

MATTHEW 6:14

Kughengu kütami no nongu shou axine shive kelo nongu no pano kipimi pevetsü aye, nongu Papu kungugha lo akeu ghi nongu kipimi pevetsü nani,

MATTHEW 6:6

Ikemu kughou nono inikhuni keno, o chebo lo ilolo eno aki khaveno tuqhoushi achekeu o Pu lau inikhu lo. Eno tuqhou no ithulu chekeu o Pu no ajume o tsü nani.

MATTHEW 7:11

Nongu alhoksami thotsü kishi thime kivi pesü nongu tianuli tsükepu keno ithi aghi aye, khuu kungugha lo ani keno, nongu Papu huye Pa vilo khukeqo lau tinguno alau tsü nani.

Luke 15:18

Ni ye ithu no I pu lau woni, eno pa vilo ishi pini, “I pu, I no Alhou eno o zülo ghi axine shivae.

Luke 15:21

Anu no pa vilo pi, ‘I puo, I no Alhou eno o zülo axine shivae. Itehi ni ye o nue pi kuni keu aküzüpu kumovae.’

Luke 2:14

“Kungugha akiqheu lono Alhou sheqhelo, eno ayeghi lo Pa mlo chulu chekeqo gholo aloino keu alo!”

John 20:17

Jisü no li vilo pi, “I bu kevilo kughengu ni ye Apu lau iku mphie. Ikemu I thiküzümi lau wuno panoqo vilo pilo, ‘Ni ye I Pu eno nongu Papu lau, I Lhou eno nongu Lhou lau iku cheae.’”

Rommi 1:7

Rome lo khunoqo Alhou no qhuivü keu lono akimtheshi xü peniye kulu keno: ni Pu Alhou eno Ampeu Jisü Khristo launo ighi keu küpükini eno aloinokütsü nongu gholo alo.

Rommi 8:15

Kughengu nongu ye akümsapu lo ideilove peniye aqüaxekishi ghungu ithulu ke kumoe, ikemu Alhou no atianuli shi saluve keu Ghungu ithulu ke, tishikeu lono ningu no “Apuo! Apuo!” ipi ighamku cheni.

Galatiami 1:1

Paul, timi launo momu timi vecheo kumono Jisü Khristo eno Apu Alhou, khuu no akithi lono pa xüputhu keno, pa launo apostol shilu keu,

Galatiami 4:6

Nongu ye anuli akehu Alhou no Pa Nu Ghungu ningu mlolo sütsü no, “Abba, Apuo!” ipi ighalupe cheni.

1 Tim. 6:16

Pa likhino thimoni keu küka ani, Pa ye aphivilo wumla keu küvü lo acheni, khunomu pa ithulu mphi eno Pa shou jupuku mlae. Agigihu eno lhokta kükaqha, Pa lau alo. Amen.

1 Peter 1:17

Nongu no Apu Khuu agiju mono kümtsü lau pütüta kümla kiqi lono küghathabe cheni keno Pa lau inikhu acheni aye, now kupokiche küxü tivilo Pa sümsaqhiyi keu süqesüli pepulo,

Piyeküsü 4:11

“Ni Mpeu eno Alhou, ajekipi, agigihu eno aküka ye Nono ithulu küzüe, kughengu Nono thime kümtsü pulhosü, eno tipaqo ye O pulou lono acheghi eno pulhosü ke.”

Piyeküsü 5:12

panoqo no iqhaighu pi, “Aküka, küakini, alokütsü, akumto, agigihu, ajekipi eno shekiqhe ye Ambeti Khuu ghiqhive keno, Pa no ithulu küzüe!”