MATTHEW 24:7 - Sumi Naga CL (Re-edited) Bible (BSI)

⁷ Kughengu shiye lakhi no lakhi sasü aghüshi nani, kükaqha lakhino lakhi le nani, püqümiye ngo ayeghi küghütha no a-a kütüta lo ipeghi nani.

BAIBEL (BSI)

⁷ Kughengu ashiayeh lakhino ashiayeh lakhi sasu aghushi nani, ayehkipeqha lakhino ayehkipeqha lakhi le nani. Puqumiyekeu ngo ayeghi ithakeuno aqha kumtsulo anani.

Sümi Tiqhelimi Bible

⁷ Shiye lakhi no shiye lakhi mjochile ipeghi nani, eno kükaphu lakhi no kükaphu lakhi mjochile ipeghi nani. Püqümiye keu eno ayeghi küghüthaqo a-a kütüta lo anani.

MATTHEW 24:7 Cross References

YEKIKITHI AKINIU 15:6

Panongu pesü atachu shi hephove, shiye no shiye qhasü eno aphughi no aphughi qhasü, kughengu Alhou no aküküpna jeli pesü panongu pünaqhi ke.

ISAIAH 19:2

I no Egyptmi pesü Egyptmi xukutho püzü panoqo dolo, akisüghümi dolo, aphughi momu kükaqha dolo kichighipe nani;

ISAIAH 29:6

tsütsüküsü, ayeghi küghütha, aghügha kuloghi, pasapagha ngo miyitsü, eno piti-maha chekeu miküqü lono aqokitikhi MPEU no nongu xuju ighi nani.

EZEKEL 14:21

“Kughengu Ampeu no ishi piani: I no Jerusalem lo timi eno tüghashi kütsaveni kehu tile I mhekiqi küghakütha bidi: azütakikihi, püqümiye, tüghashi, eno püsa puwu kelo ti ye kishi alhoksa shinani kelae!

EZEKEL 21:27

Ixapinyi, ixapinyi, I no tipau ixapinyive tsü nani. Küghakütha ye milakhi khuuw keno pa no ighi moke kutolo, hipau ghi tishi pemo nani, eno I no tipau pa tsüve nani.

ZEKHARIA 14:13

Tipa tsalani Ampeu launo phiküghüzü keu kije panoqo shou ikughi nani, tishikeu lono lakhino lakhi u tsüqü luve nani, eno lakhino lakhi mjochile thuve nani.

Luke 21:11

Ayeghi küghütha kije ighi nani, a-a kutomo lo püqümiye ngo püsa jeli ighi nani, eno shithüghüi keu sütsa ngo amchipu kije atsütsü lono ipeghi nani.

Apostolmi 11:28

Panongu gholo Agabus ipikeu no puthugho no ayeghiqha kümtsü lo püqümiye kije chenie pi Aghungu vecheo pichho tsü (hi ye Claudius ghuloki lono shikupuve).

Apostolmi 2:19

I no kunguu atsütsü lono akichiqhipu piye nani eno aqhou ayeghi lo aji, ami, eno amchhi phoboi amchipu piye nani;

IBRIMI 12:27

“Itaghi ghuthu lakhi,” ipikeu tsa ye süküghütha kulupu thime ye ikhive nanie pikeu kiqi, ti ye lhosü keu thime, tishianguno süküghütha mlakeu thime no acheuve peniye ke.

Piyeküsü 6:12

Kughou Ambeti no michida akütsüghou xükho keno, ayeghi küghütha kije ighikeu I no ithulu, khetsünhe no kumshophi tsübui keu toi zümoive, aqhi huno aji toi huchuyive,

Piyeküsü 6:5

Kughou Ambeti no michida aküthüu xükho keno, aküxüküa lhoxü aküthüu no, “Ighilo!” pikeu I no chilu. I no jupuwo kelo khurshi tsübui keu lakhi aghi. Ti sakicheu u lo ahu kimghipu ae.

Piyeküsü 6:6

Eno aküxüküa lhoxü bidi dolono ipeghi aketoi asütsa lakhi I no chilu, “Atsala kupuju lo qelu keu huye ashothi ahu lakhi, momu barley ahu küthü me shivae, ikemu olive ngo atsailu küma ye shipüsa kevilo!”

Piyeküsü 6:8

I no jukelo khurshi phalai keu lakhi aghi. Ti sakicheu je ye Akithi, eno Hades no pa papeche. Ayeghi lo küxümi tushoqü ye pama pelo aghükishi, püqümiye, asa-agha, eno tüghashiqo u lono pithive penike aküka tsüve.