MATTHEW 2:4 - Sumi Naga CL (Re-edited) Bible (BSI)

⁴ eno pa no achinetomi ngo Ayezah shikükami kümtsü kukumqo no panoqo vilo Khristo ye khileno punu nanie piche keno ighiju.

BAIBEL (BSI)

⁴ Herod no achinetomi ngo Ayezah kutsuchekemi ku kutsu puzu panoqo vilo ishi iniju, “Mesiya ye khileno pununi cheni kya?”

Sümi Tiqhelimi Bible

⁴ Herod no achinetomi eno ayeza kükütsümiqo kümtsü ku kumqove, eno pa no panongu vilo Messiah ye khilehi no punúni cheni keno iniju.

MATTHEW 2:4 Cross References

YEKIKITHI AKINIU 34:13

panongu no akho kupumi ngo kütau kümla jeli kümtsü shou jukütsüpe, eno Levimi dolo khami no yekikithimi, hiyampemi eno khagho khemi shipe.

YEKIKITHI AKINIU 34:15

Tileno Hilkiah no Shaphan vilo pi, “I no Ampeu ki lono Ayezah Kaku ithulue.” Hilkiah no kaku pesü Shaphan tsüve.

YEKIKITHI AKINIU 36:14

Tipa shouno achinemi gholo hiyampemi eno timiqo kümtsü shiye kütami no aphikümqhüpu shiche keqo pape wuve eno akumou pükhükümla shive. Ampeu no Jerusalem lo Pa ki shikimthe tsükeu panongu no shipixive.

EZRA 10:5

Tileno Ezra no ithu no achinetomi, Levimi eno Israelmi kümtsü pelo panongu no pive keu shi penike ashoqhi tsü. Ikehu panongu no tushoqhive.

EZRA 7:6

Ezra hipau ye Babylon lono iqhoghi. Pa ye Ampeu, Israel Lhou no tsükeu Moses Yezah kighithimi lakhi, eno pa no khukeu kümtsü akükau no pulotsüe, kughengu Ampeu pa Lhou u no pa gholo ake.

NEHEMIA 12:7

Sallu, Amok, Hilkiah, Jedaiah. Timi hipaqo no Jeshua ghuloki lo achinemi gholo sakiphemi eno pano thiküzümi ke.

LESHELE 2:2

Ayeghi lo kükami no pano ampi süqhe, eno yepemi no mije küqhano Ampeu eno Paw Nukikishe lachile pi,

JEREMIYA 8:8

“Nongu ye kishino, ‘Ningu ye alokütsü, eno Ampeu yezah ye ni gholo ani,’ ipini kea? Ikemu julo, akiyemiw yesüta no akimki shivae.

MALAKI 2:7

Kughengu achinemi lakhi kichi loye akighithi tsa pükha phetsü masa, eno timiqo ye pa tsapi lono akükütsütsa phu masae, kughengu pa ye aqokitikhi Mpeu tsapeu ke.

MATTHEW 13:52

Pa no panoqo vilo pi, “Tighenguno Ayezah shikükami khuu pesü kungugha yekipe ghenguno qophe luve akeno, pa ye aki mpeu toike. Pa kinikhuki lono thime kiu no akithe eno kiu no aqa keno kümtsü ikhiphelu cheni.”

MATTHEW 2:3

Kughou akükau Herod no hi chilu keno, Jerusalem aqha no pa gholo küqhano amlosave;

MATTHEW 2:5

Panongu no pa khochile, “Judea ghakhu Bethlehem lono ke, kughengu ti ye tungkupu vecheo ishi yepüani:

MATTHEW 21:15

Jisü no akümzapu kümla shikeu eno itimiqo no achineki lo “David Nu sheqhelo!” ipi ighakeu achinetomi ngo Ayezah shikükami no ithulu kelo, panongu ye shishe axuideve,

MATTHEW 21:23

Kughou Jisü no achineki lo iloghi no timiqo kütsü akeno, achinetomi ngo layemi no pa lau ighi no pi, “No ye kiu küka lono hipaqo shi ani kea? Khuu no kükagha hipau o tsü kea?”

MATTHEW 26:3

Tile achinetomi ngo Jewmi layemi ye achinetou Caiaphas kilo kumqo,

MATTHEW 26:47

Jisü no atsapi aphi lono, chighikini gholo lakhi Judas ighive, eno pa gholo achinetomi ngo Jewmi layemi no puwu kemi timi kutomo no azütakikihi ngo asüthalu pesü ighi.

MATTHEW 27:1

Inaqhe itheno achinetomi ngo Jewmi layemi kümtsü no Jisü pithive nike ghenguno kughu.

MATTHEW 7:29

kughengu Ayezah pesü panoqo kütsü chekemi toi mono pa ye kükagha akemi toi panoqo kütsü ke.

Mark 8:31

Tithiu Jisü no Timi Nu ye aghime shimasa keu, layemi eno achinetomi ngo Ayezah shikükami no kileve no pithiveni keu, eno atsala küthü thiu itaghi xüthuveni keu tsa pesü akhopemi kütsü thuve.

Luke 20:19

Ayezah shikükami ngo achinetomi no Jisü ye panoqo küla ghi kimghikipiye hipau pie pi vethalu keu lono tipa tüqhüdo lono pa küghaluve niye shiju kemu aqokitikhi msave.

Luke 23:10

Achinetomi ngo Ayezah shikükami no akumou pa nguku ae.

John 18:3

Ikehu Judas no achinetomi ngo Phariseemi launo ghüshimi amqo lakhi eno kijemi khami sasü amizükulu ngo akuluqhe eno azüta angu pesü tile wu.

John 3:10

Jisü no khochile, “No ye Israelmi shikükau keghi hipaqo vethalumo keshea?

John 7:32

Phariseemi no aqokitikhi gholo Jisü ghili kügha akeu chilu, eno achinetomi ngo Phariseemi no pa kügha penike aghukhemi puwu.

John 8:3

Ayezah shikükami ngo Phariseemi no totimi lakhi salha aghi kelono küghape ighi no panongu mta lo qhino

Apostolmi 23:9

Tile shishe mqhumza ipeghive, eno Phariseemi mqo lo Ayezah shikükami khami no puthugho no aghoshi pi, “Ningu ye timi hipau shou akipimi kiumu phumlae. Aghungu momu kungumi no pa pütsa püaghi aye kiu pini kea?”

Apostolmi 4:5

Thoghiu panow yepemi ngo layemi eno Ayezah shikükami no Jerusalem lo hekütsü,

Apostolmi 6:12

Panongu no timiqo, layemi, eno Ayezah shikükami xukutho sasü Stephen lau ighi no pa tsüqü luve, eno hoho zülo sawuve.