MATTHEW 2:16 - Sumi Naga CL (Re-edited) Bible (BSI)

¹⁶ Kughou Herod no ayepu kighithimi no pa mqüqhive kepi ithi keno, pa ye ighono axuideve, eno ayepu kighithimi launo pa no ado kihilu keu kiqi lono Bethlehem eno tipa tokukujo kümtsü lo anu kiptimi ampe kini eno tinguno aqhou thaqhü ghiqhi pithi khavepe.

BAIBEL (BSI)

¹⁶ Ayepu kighithimi no Herod muquqhive keu ithivekelo paye mqhumuza axu ideve. Pano ahza tsu puzu Bethlehem lo ngo tipau cheaxulo kiptimi itimi ampe kini shi aghikeqo eno tinguno ayitiuqo kumtsu ghiqhi pithivepe, tiye ayepu kighithimi launo ayepuye kiu ghuloki lono ipeghi keno tipau Herod no ithilukeu kiqiju puzu shike.

Sümi Tiqhelimi Bible

¹⁶ Kughou Herod no alokütsümiqo no pa pishiqhivea ipikeu ithive keno, pa ye muqhumüzaive, eno pa no Bethlehem eno sükümxa lo anu ampe kini eno tinguno aqhouqo kümtsü pìthíve penike azah tsüve, tiye pa no alokütsümiqo lau no ayepu ipeghi keu do ithive keu kiqiju püzü shike.

MATTHEW 2:16 Cross References

BOTHUBO 39:14

li no aki lo kiptimiqo kuno panoqo vilo pi, “Julo, ningu thogha niye I kimi no Hebrewmi ni gholo saghie. Pa no I sasü züniye iloghi, eno I no asütsa kuloghi lono ighae.

BOTHUBO 39:17

eno li no pa vilo atsa athoshi pi, “Hebrewmi aqemi, khuu nono ni gholo saghi keno, I thogha niye I lau ighi.

BOTHUBO 49:7

Pano xukighide ye angusüpue, kughengu ti ye ayiküsae, pano loghu ye angusüpue, kughengu ti ye ayisalo kütüe! Jacob lagha lono I no panongu kijethave tsüno Israel lono panongu haleveni.

KUKAMI AKINIU 8:12

Hazael no pi, “I mpeu ye kushiye qa ani kea?” Pa no khochile, “Kughengu nono Israelmi lau akümla lhoksa shiniye akeu I no ithivae. Nono pano liwo pitive tsü nani, azütakikihi no panow apumiqo ghiqhive nani, itimiqo aleqhi shi vedaqhive nani eno topumi mishipu akeqo kive ghixüve tsü nanie.”

JOB 12:4

I küsami zülo ni ye azükutunupu shivae, Alhou ku kelo Pa no khochile tsüche, achipiu eno atiche kühakeu huye azükutunupu ilhouvae.

AHOLE 28:15

Abongshuu yiküsa no igha momu ava no hache ketoi kixikila yepemi no kumlhomi shou qhasüpe cheni.

AHOLE 28:17

Timi küxü luvetsü keu kipimi xapu chekemi ye akithi kutolo poche nani, khunomu pa kuphu kevilo.

ISAIAH 26:21

Kughengu julo, ayeghi lo küami xine ghenguno panoqo ghime nike Ampeu ye Pa kungo-a qhive no ipecheae, ayeghi no pa shou aji pele püakeu, eno chhuqho püakemi küsü mono lhaphevetsü nani.

ISAIAH 59:7

Panongu pukhu no alhoksa lau powu cheni, eno mighimghai pimihami pithive cheni; panongu kükümsü ye kixikila kükümsü; hexapinyi keu ngo kütsakungoni keu no pano laghi ke.

DANIEL 3:13

Tileno Nebuchadnezzar no axukighide lono Shadrach, Meshach, eno Abednego noqo saighi peniye azah tsü. Ikehu panongu no akükau zülo timi hipaqo saighi.

HOSIYA 10:14

ikehu now timi shou aghüshi ghügha ipeghive nani, eno now sükusho-aqo kümtsü kütsaleve tsü nani, aghüshi tsala lo Shalman no Beth-arbel kütsale akelo; azanoqo ye atianuli gholono mukhumuno shive nani.

AKIKIHI 22:29

Balaam no pi, “Kughengu nono mbomzümi toi I peitha ani. I u lo azütakikihi aghike aye ni ye o ghiqiveni cheke.”

AKIKIHI 24:10

Balak ye Balaam ju amloideve eno pa u kumsho luve. Pa no Balaam vilo pi, “I no o kukeu ye I ghümi müsüini peniye kelaye no ye hi ghuthu küthü panongu kümghave tsüae.

MATTHEW 2:1

Kughou akükau Herod ghuloki lo Judea ghakhu lo Bethlehem lono Jisü punu keno, julo, kipelau no ayepu kighithimi Jerusalem lo ighi,

MATTHEW 2:17

Tishikeu lono Jeremiah tungkupu vecheo pi püakeu shikupuve:

MATTHEW 2:7

Tile akükau Herod no tuqhou shi kipelau kighithimi kusü no ayepu ye kiu tüqhüdo lono ipeghi keno panoqo launo mtsüqhei shiluve.

Piyeküsü 12:4

Pa shomhi no atsütsü lo ayepu kikije küthü lo lakhi ghokütsü luve no ayeghi lo küzaqhive. Pa ye atotiu khuu no pununi ye akeno li no punu keu nga tsüchu nike li zülo puthugho ae.

Piyeküsü 17:6

Atotiu ye küpülümi ji eno Jisüw thopi ghakishimi ji shomzüpe ae. Kughou I no li ithulu keno ni ye shishe akümzave.

XAKUTHAMI 16:10

Delilah no Samson vilo pi, “Julo, no ye akimki tsa I vilo pino I thoghavae. Kimiyeno kishi o tshülu nani keno, I vilo pilo.”