Mark 1:8 - Sumi Naga CL (Re-edited) Bible (BSI)

⁸ I no azü pesü nongu baptiz shive tsüae, ikemu pa ye Aghungu Kimthe pesü nongu baptiz shitsü nani.”

BAIBEL (BSI)

⁸ Ino azu pesu nongu baptiz shivetsuae, ikemu paye Aghungu Kimthe pesu nongu baptiz shitsu nani.”

Sümi Tiqhelimi Bible

⁸ Ni ye azü lono nongu baptiz shitsü ani, ikemu pa ye Aghungu Kimthe lono nongu baptiz shitsü nani.”

Mark 1:8 Cross References

AHOLE 1:23

I no sakiyi kelo nongu no tsüghü ighilu aye, julo, I no nongu shou I ghungu lepuku tsünani; nongu pelo I tsa ithilupe nani.

ISAIAH 32:15

Ni shou Aghungu lepuku tsümoke kutolo eno asayeqha no aghüma luza ilhouve no aghasü kimihi shimoke kutolo titoi anani.

ISAIAH 44:3

Kughengu I no tüghüthi akeu yeghi lo azü leqhitsü nani, eno qhaike yeghi shou azüpuki qopipe tsü nani; o tianuliqo shou I no I ghungu lepuku nani eno o lagha shou Iw kükümgha puku tsü nani.

JOYIL 2:28

“Ado hami thiu I no timi kümtsü shou I Ghungu lepuku tsü nani; no tianuli kiptimi totimiqo no tungkupu tsa pi nani, now muchomiqo no asamo pumo eno lhothemiqo no kungunhetsü ithulu nani.

MATTHEW 3:11

“Aküxü xaide penike I no azü pesü nongu baptiz shitsüe, ikemu I thiu khuu cheni keno, pa no I nguno akumtou, eno pa pukhukuqho mu ni ye peküzüpu kumoe. Pa no Aghungu Kimthe eno ami pesü nongu baptiz shitsü nani.

Mark 1:7

Pa no ishi kütsü, “I thiu khuu cheni keno, pa ye I nguno akumtou kehu ni ye itsaqi no pa pukhukuqho kighi mu kuqho küzüpu kumoe.

Mark 1:9

Tipa ghuloki lo Jisü ye Galilee qhalo Nazareth lono chesü ighi no Jordan ghoki lono John no baptiz shive tsü.

Luke 3:16

John no kümtsü khochile pi, “I no azü pesü nongu baptiz shitsü ani, ikemu I nguno akumtou lakhi cheni, khuu pukhukuqho kighi mu ni ye kuqho küzüpu kumo keno, pa no Aghungu Kimthe eno ami pesü nongu baptiz shitsü nani.

John 1:26

John no panoqo khochile, “I no azü pesü baptiz shicheni, ikemu nongu ye nongu gholo puthugho akeu milakhi mthae,

John 1:33

Ni ampi ye Pa mtha ikemu khuu no I pelo azü pesü baptiz shipeniye puwu keno, Pa no I vilo pi, ‘Aghungu Kimthe no khuu shou iqighi no ngokeu nono ithulu keno, Pa no Aghungu Kimthe pesü baptiz shitsü nani.’

Apostolmi 1:5

kughengu John no azü pesü baptiz shitsüe, ikemu ado kushuo kumo lo Aghungu Kimthe pesü nongu baptiz shitsü nani.”

Apostolmi 10:45

Peter gholo ighi kemi küpülümi aphighüyiko ghave kemi no akichiqhive, kughengu Jewkumomi shou ghi Aghungu Kimthe gho lepuku tsüke.

Apostolmi 2:17

“‘Alhou no sheshu, ashekha tsala lo hitoi nani, I no timi kümtsü shou I Ghungu lepuku nani, no tianuli no tungkuptsa pi nani; now apumiqo no kungunhetsü ithulu nani, eno now muchomiqo no asamo pumo nani;

Apostolmi 2:4

Aghungu Kimthe no panongu kümtsü shepichhive no Aghungu no panongu pelo pilupe kehu amili kütau no pithuve.

1 Kor. 12:13

Kughengu Aghungu lakhi lono ningu kümtsü aphimpi lakhi lo baptiz shisüe—Jewmi momu Greekmi na, aqüaxemi momu ghoshixümi namu—eno kümtsü pelo tipau Ghungu yelu peke.