Luke 8:3 - Sumi Naga CL (Re-edited) Bible (BSI)

³ Chuza nipu Joanna, Herod kibo jukükütsüu; eno Susanna ishi, tinguno alau kütami kutomo no pano u ghi lono ipeghi keu pesü panoqo kuphu tsüe.

BAIBEL (BSI)

³ Herod ti anuli jukutsuu Chuza nipu Joana, Susana eno kutami kutomo ishi che. Totimi hipaqono panongu kua kini pesu Jisu ngo pa khopemi kuphu che.

Sümi Tiqhelimi Bible

³ Herod kibo püghükütsüu Chuza nipu Joanna, tinguno alau Susanna eno kütami kutomo ghí che. Totimi hipaqo no panonguw küakini laghi akeu pesü Jisü ngò pa khopemi kuphu che.

Luke 8:3 Cross References

YEKIKITHI ATUGHIU 29:14

“Ikemu ni ye khuue pi eno Iw timiqo ye kiue pi ningu no hi kutolo puloniqhiyi O mlla kulupu shi kea? Kughengu thime kümtsü O launo ighi cheni, eno ningu no Ow pesü O tsüchileve ani.

ISAIAH 23:18

Li no kimje kelono ala shilu keu eno li jume ye pekütsü momu kike mono akimthe shi Ampeu tsü nani. Khunono Ampeu nhethe lo acheni keno, tipau pesü pano chuqupu ngo aphimini kivi kupukuno shi qhütsü nani.

MATTHEW 14:1

Tipa ghuloki lo Galilee Tokukujo yepeu Herod no Jisü jekipi chilu,

MATTHEW 14:3

Kughengu Herod no John küghaluve no tshüpe akughu shive keu ye pa thiküzüu Philip nipu Herodias ghenguno ke,

MATTHEW 14:6

Ikemu kughou Herod punu tsala ighi keno, Herodias nga no timiqo zülo ilheno Herod mlo piqitsü,

MATTHEW 2:11

Panongu no aki alou ilo anu gholo paza Mary ithulu, tileno panongu no itsaqi pa mlla. Tishino panongu no agho jeli puche keqo ameshoyi, tsüngqüikeu mukhu, eno müsüghüta ikhiphepe pa chhe.

MATTHEW 20:8

Kughou tsüzüve keno, atsailu mpeu no jukükütsüu vilo pi, ‘Aqekiqemi kulo eno ashekhashi hukemi launo huthusü atüghümi kutolo panoqo jume tsüwolo.’

MATTHEW 25:40

Akükau no panoqo khochile nani, ‘Kuchou no I no nongu vilo piani, nongu no I thiküzü chelimi hipaqo gholo akitilau lau kiu shi keno, nongu ye I lau shive tsüae.’

MATTHEW 26:11

Kughengu kumlhomi ye alhokuthu nongu gholo anani, ikemu ni ye alhokuthu nongu ani chemoe.

MATTHEW 27:55

Tilehi totimi kutomo no putou ngono juae, panongu ye Galilee lono Jisü pape ighi no pa tucho chekeqo ke.

Luke 24:10

Totimi hipaqo no apostolmi lau piwu keqoe: Mary Magdalene, Joanna, James paza Mary, eno totimi kütamiqo.

John 12:6

Pa ye kumlhomi ghenguno alomsü kehu hi pike kumoe, ikemu pa ye küpkami, aqow pisabo puche eno tilehi sükeu pesü pa vehu shiche ke.

Apostolmi 13:1

Antioch kukuhou lo tungkupmi ngo shikükami hipaqo ae: Barnabas, Simeon khuu Niger ipiche keno, Cyrenemi Lucius, yepeu Herod poshuu Manaen, eno Saul.

2 Kor. 8:9

Kughengu nongu no Ampeu Jisü Khristow küpükini ithi anike Pa ye kinimi shi akeghi nongu ghenguno kumlhomi shive ke, tishianguno Pa qüagha vecheo nongu pelo kinimi shilu peniye ke.

FILIPIAMI 4:22

Küpülümi hilau akeqo, akhoto no Caesar kibolomi no petha tsüpuwu ani.

1 Tim. 5:10

li ye akümla kivi hitoike ghenguno ajuaje kivi aghi masa: atianuli akivishi saputhu kemi, inami sasü kinimi, Alhou qemi pukhu qhutsü kemi, shiluküsami kuphu kemi, eno thokha lo akümla kivi shi kemi.