Luke 7:7 - Sumi Naga CL (Re-edited) Bible (BSI)

⁷ Tipa ghenguno ni ghi o lau ighini keu mu kümsüju moveke. Ikemu qeti nono atsa lakhi piqhive tsü aye I qeu ye viluve nani.

BAIBEL (BSI)

⁷ momu ni ampino olau ighi nikeu ghi akuzupu kumoe. Ikemu atsauno pivetsulo eno iqeuye viluve nani.

Sümi Tiqhelimi Bible

⁷ Ni ampi no O lau ighi nikeu ghí aküzüpu kumoe. Ikemu nono azah tsüve aye I qeu ye viluve nanie.

Luke 7:7 Cross References

LESHELE 107:20

Pa no Pa tsa piqhi eno panoqo shipivi tsüe, eno kütsakungo keu lono panoqo xaphelue.

LESHELE 33:9

Kughengu Pa no atsa pi kelo shikupuve; pa no azah tsükelo ti ye akumtoshi puthughove.

IPEKULU 15:26

ghi pi, “Tsala nongu no amlo tsüqhiyi Ampeu nongu Lhou tsa ini eno Pa nhethe lo kiu no achipi keno tipau shi aye, eno Pa yezah lo nongu mlo tsü eno tipaqo kümtsü pelu aye, I no Egyptmi lau aküsü puwu keqo kiumu nongu lau süghimo nani, kughengu Ni ye Ampeu, nongu shikipiviu ke.”

Mark 1:27

Ikelo timi kümtsü no akümzave püzü panoqo dolo ishi ighiju kile, “Hi ye kiu kea? Kükagha pesü akükütsü kithe tsü ani nokua! Pa ye tüghaküsaqo ghi azah tsü ani, eno tipaqo ghi pa gholu anie.”

Luke 4:36

Timi kümtsü no akümzave no panongu dolo pikile ae, “Hi ye kiu tsa kea? Kughengu pa no aküka akumto lono mithekumo ghawuqo azah tsü kelo tipaqo no ipeghive ani!”

Luke 5:13

Jisü no pa u chhope pa buno pi, “Ni ye pulo ani; mithelu lo.” Paikhavi no pa philo apügha kühave.

Luke 7:6

Jisü no panoqo gholono wuche, eno kughou aki kupunuve keno, zatsüu no Jisü vilo pi penike pa küsami puwu, “Ampeu, I ki kicheqho lo o sasüni keu ni ye aküzüpu kumo keke o püna akevilo.

Luke 7:8

Kughengu ni ghi kijemi qholo akemi eno I qholo ghüshimi akhani: I no khuana vilo, ‘Wulo,’ ipi aye pa no wucheni; eno lakhiu vilo, ‘Ighilo,’ ipi aye pa no ighi cheni; eno I qeu vilo, ‘Hi shilo,’ ipi aye pa no shicheni.”

ZAKINIU 32:39

“‘Itehimu Ni ye Pa huke julo, I nguno alau kütau lhou kühae; I no pithive eno püxüve cheni; I no ghüzave no shipivi cheni; khunomu I u lono xaphe mlae.

SAMUEL ATUGHIU 2:6

Ampeu no pithive eno püxü tsü cheni; Pa no Kithigha lo saiqive no saputhu cheni.