Luke 2:9 - Sumi Naga CL (Re-edited) Bible (BSI)

⁹ Tile Ampeuw kungumi lakhi no panoqo zülo ipeghi, eno Ampeu juküvü no panongu homxape yepüvü luve kelo panoqo ye ighono msaichive.

BAIBEL (BSI)

⁹ Tile Ampeu wu kungumi lakhi panongu phivilo ipeghi eno Ampeu jukuvuno panongu homxa yepuvu luveno panonguye shishe musave.

Sümi Tiqhelimi Bible

⁹ Tile Ampeu’w kungumi lakhi panongu lau ipeghi, eno Ampeu juküvü no panongu homüxa yepüvüluve, eno panongu ye shishe akichiqhive.

Luke 2:9 Cross References

KUKAMI ATUGHIU 8:11

ikehu achinemi ye khüngküsü no nhaluve no akümla shimlave, kughengu Ampeu juküvü no Pa ki nhapho luve ke.

IPEKULU 16:10

Aaron no Israelmi qoaho kümtsü pütsa khavi, panongu no asayeqha küdau jupuwu, eno julo, khüngküsü lono Ampeu juküvü ipeghi.

IPEKULU 16:7

eno inaqhe no nongu no Ampeu juküvü ithulu nani, kughengu nongu no Ampeu shou muchho keu Pa no chiluvae. Kughengu nikujo ye kiue pi nongu ye nikujo shou muchho ani kea?”

ISAIAH 35:2

asayeqha no amlokiqi shi ale phe eno axamunu kupu toi juvi nani. Tino Lebanon eno Carmel ngo Sharon nguno alau juvive nani. Timiqo no Ampeu juküvü eno ni Lhou kükanguagha ithulu nani.

ISAIAH 40:5

Tileno Ampeu juküvü piye nani, eno timi kümtsü no tipau ithulu nani, kughengu Ampeu kichi no pivae.”

ISAIAH 60:1

Ithu no yepüvü lo, kughengu o küvü ye ighivae, eno Ampeu juküvü ye o shou yepüvü ani.

EZEKEL 3:23

Ikehu I no ithu no akhila lo iqive, eno julo, Khebar züla lo I no ajuküvü ithulu ketoi Ampeu juküvü tilau aghie, eno I no I gi pishiqho luve.

MATTHEW 1:20

Ikemu pa no hipa vehu kümsükuto ake lono julo, Ampeuw kungumi lakhino asamou no pa lau ipeghi no pi, “David nu Joseph, Mary pesü o nipu shinikeu msa kevilo, kughengu li no khikhi mishipu ani keno ti ye Aghungu Kimthe launo ke.

Luke 1:28

Kungumi huno li lau ighi no pi, “O Ampeu mlo kuchuu, alovi lo, Ampeu no o gholo ani!”

Luke 2:8

Tipa qhau aluza lo ambekhemi no putho lo pano loji jukuto kheae.

Luke 24:4

Ikehu panongu ye phiküghüzüpe ake lono züleno timi kini phuphushi keu phi pusü panongu phivilo aghive.

John 12:41

Isaiah no hipaqo pikeu ye pa no Jisü jekipipu ithulu eno pa ghili pike.

Apostolmi 12:7

Paikhavi Ampeuw kungumi no pa phivilo puthugho aghi eno aküvü no achebo yepüvüve. Pa no Peter tukini küdaputhu no pi, “Mtazü ithulo.” Tile pa u lono ayikichhe iko ikiqive.

Apostolmi 27:23

Kughengu itiji Alhou, khuu I no mlla cheni eno ni ye Paw shi acheni keno, Paw kungumi no I phivilo puthugho,

Apostolmi 5:19

Ikemu putho lono Ampeuw kungumi no akughuki hukikha khaqhive no panongu saipeghi no pi,

2 Kor. 3:18

Eno ningu khunoqo agi nhamo no Ampeu juküvü ithulu cheni keno, kümtsü ajuküvü lakhi lono lakhiu kutolo Pa jukimihi lo kilisüve tsü ani. Kughengu hi ye Ampeu khuu Aghungu keno, Pa launo ighi anike.

2 Kor. 4:6

Kughengu, “Aküzü lono aküvü vüipeghi lo,” ipikeu Lhou no Jisü Khristo gilo Alhou juküvü kighithi küvü tsünike ghenguno ni mlo lo yepüvü tsüke.

1 Tim. 3:16

Achineye lo tuqhou ningu no piphe chekeu ye kuchou no kije ke: Pa ye timi phi-ashi shi ighi, Aghungu no ashe petsü, kungumi no ithulu, shiyeqo gholo sheshu püani, ayeghi lono pa pülü, ajuküvü lono pa saikuve.

IBRIMI 12:21

Ti ye shishe aküighüpu kehu Moses no pi, “Ni ye akümsa no khokho shive.”

Piyeküsü 18:1

Tithiu I no kungumi kütau lakhi kungugha lono iqi cheghi keu ithulu, pa ye kükagha kije akemi eno pa küvü no ayeghi kuchopu yepüvüve.

Piyeküsü 20:11

Itaghi I no kükalakhü metsüghoike kije lakhi eno tipau lo Khuu iqa akeno ithulu. Atsütsü eno ayeghi ye Pa küa lono hauve no ithumlave.