Luke 2:19 - Sumi Naga CL (Re-edited) Bible (BSI)

¹⁹ Mary no hipa vehu kümtsü li mlo lo süpuluve no kümsükuto ache.

BAIBEL (BSI)

¹⁹ ike hi pi keu kumtsu Maria no amlolo qhiluveno kumsukutoju ache.

Sümi Tiqhelimi Bible

¹⁹ Ikemu Mary ye hipaqo kümtsü amlo lo akighipishi qhiluve no kümsükutoju ache.

Luke 2:19 Cross References

BOTHUBO 37:11

Pa mu noqo ye pa ju anheshuve, ikemu pa pu no atsa hipaqo pa mlo lo qhiluve.

LESHELE 119:11

I mlo lo O tsa pekütsü luvae, tishikeu lono ni ye O hebide keu xine shimo niye ke.

AHOLE 4:4

I pu no I shika eno I vilo piche, “O mlo lo I tsaqo tsatsai süpulo; I zakütsü pape no aküxüpu qelulo.

DANIEL 7:28

“Hi no avehu kishekhave ani. Ni, Daniel ghengu ye, I kükümsü no ighono I shithüghüive eno I ju ye kilive, ikemu I no hipa vehu I mlo lo qhiluve.”

HOSIYA 14:9

Khukhumu alokütsüu no hipaqo vethalulo; Khuu no kimchilu cheni keno, pa no ithilo; kughengu Ampeu laghi ye achipi ke, eno müzüchoi xüche kemi no tipau laghi püla cheni, ikemu axinemi ye tipaqo lono küpxalu chenie.

Luke 1:66

Hipa tsa chilu kemi kümtsü no amlo lo xapusü ishi kümsüe, “Imaye anu hipau ye kiu toi nani kelae?” Kughengu Ampeu u no pa gholo ae.

Luke 2:18

Ambekhemi no pikeu tsa chikulumi kümtsü no akümzave.

Luke 2:51

Tileno pa ye pama gholono Nazareth lo iqive no pama qhoqhü ache. Paza no hi kuchopu amlo lo süpuluve.

SAMUEL ATUGHIU 21:12

Atsa hipaqo no David mlo pünave eno pa ye Gath kükau msave.