Luke 17:1 - Sumi Naga CL (Re-edited) Bible (BSI)

¹ Jisü no pa khopemi vilo pi, “Axine lo ghuju sawuve kepu tüqhüdo ighini pütsae, ikemu khuu vecheo ti süghini keno ahasapue!

BAIBEL (BSI)

¹ Jisu no pa khopemi vilo pi: “Timi pelo axinelo ikiqi ilovepe chekeu ighini putsa; ikemu khuno vechesuno tipaqo ighi chenipe keno panoye ahakusapue!

Sümi Tiqhelimi Bible

¹ Jisü no pa khopemiqo vilo pi, “Timi pelo axiné lo ilove pe nikeu thimeqo ye ighini pütsa, ikemu khuno vechewo tipaqo ighini keno panongu ghenguno ahaküsapue.

Luke 17:1 Cross References

MATTHEW 16:23

Ikemu Jisü no tsüghüwo Peter vilo pi, “I launo wuvelo, Satan! No ye I püxa ani, kughengu no ye Alhou kükümsü kumono timi kükümsü ghola lo ani.”

MATTHEW 18:7

“Axine lo ghuju sawuve keu ghenguno ayeghiqha hasapue! Kughengu ghukuju ye ighi masa nani, ikemu khuu vecheo ghukuju ighini keno pa haküsapue!

Luke 16:31

Abraham no pi, ‘Panongu no Moses ngo Tungkupmi tsa ini move aye, akithi lono ithughive aghi namu panoqo züiza mla nani.’”

Rommi 14:13

Tighenguno, itehi ye ningu lakhino lakhi shou küghathabe moveni nolo, eno athiküzümi la lo küpxalu momu kütüsülu kepu kiumu qhitsümoni.

Rommi 16:17

Athiküzümiqo, I no nongu ghutu anike khunono kijetha cheni eno akülü tsa nongu shikave keqo kumono bidelau tsa pesü aküküpna shicheni keno, tipaqo launo putosüve lo.

1 Kor. 10:32

Jewmi na, Greekmi na, Alhou kukuhou namu, khuu laumu akipimi tsü kevilo,

1 Kor. 11:19

kughengu nongu dolo amqo kütüta aghini cheni, tishino khunono kuchou keno tipaqo kimchilu peniye ke.

1 Kor. 8:13

Tighenguno achuqupu no I thiküzümi pelo küpxa lupe aghi aye, ni ye khilemu ashi chumo nani, tikumo aye I no I thiküzümi küpxalu nosae.

1 Tim. 4:1

Aghungu no mtsüqhei pikeu no hithiu timi khami ye pishikiqhi ghawuqo tsa ini eno tüghami shiküka lo amlo tsüuve keu lono aküpülü pheve nani.

Piyeküsü 2:14

Ikemu Ni ye thime hami pesü o shou xube kepu ani: timi khami khunono Balaam kükütsü pape cheni keno tilau o gholo ani. Balaam no Israelmi zülo apukhu küpsüpu qhitsüni ye Balak kipe, tishianguno panongu pelo asüatu julho mllave keu chuqupu chuno shupu salhauve peniye ke.

Piyeküsü 2:20

Ikemu Ni ye o shou xube kepu hi ani: Jezebel, khuu ampi no li ye tungkupliu ipi cheni keno, li no I qemi pelo shupu-salha eno asüatu julho mllave keu chuqupu chusho peniye shikabide eno müsü kutho chekeghi nono juzüve tsü cheni.