Luke 11:2 - Sumi Naga CL (Re-edited) Bible (BSI)

² Pa no panoqo vilo pi, “Kughou nongu no inikhuni keno ishi pilo: “Apuo, O je akimthe shilo, O yekipe ighilo.

BAIBEL (BSI)

² Jisu no panongu vilo pi, “Hitoi akighini shilo: ‘Apu, Oje akimthe shi qhilu pelo, Oyehkipe ighilu pelo.

Sümi Tiqhelimi Bible

² Pa no panongu vilo pi, “Kughou nongu no inikhuni keno ishi pilo: “ ‘Apù, O je akimthe shi pelu pelo, O yekipe ighilo.

Luke 11:2 Cross References

KUKAMI ATUGHIU 8:43

O kungo-a kungugha lono ini tsüno inami huno O lau khukeu kiqi lo kümtsü shitsülo, tishikeu lono ayeghi lo ashiaye kümtsü eno ow timi Israelmi pelo No ithilu eno O sümsa peni, eno panongu no I no aki hipau mla püakeu ye O je ghenguno kepi ithi peni.

KUKAMI AKINIU 19:19

Ikehu O Ampeu, ni Lhou, kimiyeno pa u lono ni xaphe tsülo, tishianguno ayeghi lo kükaqha kümtsü no O likhi no Ampeu Alhou kepi ithi nani.”

YEKIKITHI AKINIU 20:6

eno pi, “O Ampeu, ni puasü Lhou, No ye kungugha lo Alhou ke kumo keshea? Nono ayeghi lo kükaqha kümtsü shou ayepe ani. O u lo aküka eno akumto akeu ghenguno timi khumu o mjochile mlae.

LESHELE 103:20

O nongu Paw kungumiqo, nongu akumtomi Pa tsa pape chekemi, Pa no pikeu tsa gholu chekeqo, Ampeu sheqhelo.

LESHELE 108:5

O Alhou, kungugha shou akughushu shilo! Ayeghiqha kümtsü shou O juküvü alupe lo!

LESHELE 11:4

Ampeu ye Pa kimthe chineki lo ani; Ampeu kükalakhü ye kungugha lo ani; Pa nhethi no timi nuliqo jukuto cheni.

LESHELE 57:11

O Alhou, kungugha shou O je süqhe lo! Ayeghiqha kümtsü lo O juküvü alupe lo!

YETSAPIU 5:2

Nono pimphi lono kümsüju paghilo, eno kümsülu khavi Alhou vilo piqhi kevilo, kughengu Alhou ye kungugha lo ani eno nono ayeghi lo ani kehu o tsapi kümghü lo.

ISAIAH 63:16

No ye ningu papu ke, Abraham no ningu mtha pinamu, eno Israel no ningu kihimo pinamu, O Ampeu, No ye ningu papuke, khaghi nomu niw Xachilekuluu no O je ke.

EZEKEL 36:23

I no I je kimthe khikhi shiyeqo gholo shipixive keno, eno khikhi nongu no panoqo zülono shipixive keno, tipau chipi phuphe nani. Kughou I no nongu vecheo panoqo nhethe lono I kimthe phupheni keno shiyeqo no Ni ye Ampeu kepi ithi nani, ipi Ampeu Alhou no asheshu.

DANIEL 2:28

ikemu Khuu tuqhou küsü püakeu pephe piye cheni keno, Alhou hu kungugha lo ani, eno Pa no akükau Nebuchadnezzar lau ighini keu tsala lo shiniye akeu ithive apeke. O samo eno kungunhetsü nono o lüpa lo ihozü akelo ithulu keu ye hipaqo ke:

DANIEL 2:44

Eno kükami tipaqo ghuloki lono kungugha Lhou no kükaqha lakhi shiqhe nani, ti ye khilemu kütsave monani momu timi kütami lau phesüve monani. Tino kükaqha hipaqo kümtsü kubopinyive nani eno kishekhave tsü nani, eno ti ye alholo puthugho nani,

DANIEL 7:18

Ikemu Shishe Akiqheuw akimthemi no kükaqha ikhiluve no alhokupuju, alholo eno pülhapuju kükaqha pe acheuve nani.’

DANIEL 7:27

Kükaqha ngo ayekipeqha eno atsütsü qholo kükaqhaqo kughushu ye Shishe Akiqheuw akimthemi shiayeqo tsüve nani; pa kükaqha ye lhokta kükaqha shi nani, eno ayekipeqha kümtsü no pa qe eno gholu nani.’

HOSIYA 14:2

Atsa pesü Ampeu lau idewo eno Pa vilo pilo, “Axine kümtsü ikhive tsülo; kiu no alo keno ikhilu tsülo, eno ni kichi lono tushoqhi ketoi nino amshitsü pesü tsüni.

ACHINE 10:3

Moses no Aaron vilo pi, “Ampeu no pikeu ye hike: ‘Khunono I zülo ighini keno, Ni ye akimthe kepi ithi masae, eno timi kümtsü zülo I juküvü piye masae.’” Aaron ye inaqhoi ngove.

ACHINE 22:23

Pulokini kümllagho loye nongu no lhoxü thuwumo momu kupukülai mokeu tsüluvi, ikemu ashoqhi kümllagho lo ti ye ikhilutsü mlae.

HABAKUK 2:14

Kughengu azü no azüghi pichhi püake toi Ampeu juküvüpu kighithi no ayeghi shepichhi nani.

MATTHEW 10:32

Tishiaye khukhumu aqha zülono I je piphetsü keu ye ni ghi I pu khuu kungugha lo ani keno, Pa zülono piphetsü nani,

MATTHEW 3:2

“Xaidelo, kughengu kungugha yekipe ye kupunuvae.”

MATTHEW 5:16

Tipaphi lono, kütami zülo nongu kulu vüqailu pelo, tishikeu lono panoqo no nongu kümla kivi ithulu no ajuküvü pesü nongu Papu kungugha lo akeu tsü nani.

Luke 11:1

Ghuthu lakhi Jisü no a-a lakhi lono inikhua, pa no tave kethiu pa khopemi lakhi no pa vilo pi, “Ampeu, John no pa khopemi shika ketoi akighini ningu shika lo.”

Rommi 1:7

Rome lo khunoqo Alhou no qhuivü keu lono akimtheshi xü peniye kulu keno: ni Pu Alhou eno Ampeu Jisü Khristo launo ighi keu küpükini eno aloinokütsü nongu gholo alo.

Rommi 8:15

Kughengu nongu ye akümsapu lo ideilove peniye aqüaxekishi ghungu ithulu ke kumoe, ikemu Alhou no atianuli shi saluve keu Ghungu ithulu ke, tishikeu lono ningu no “Apuo! Apuo!” ipi ighamku cheni.

1 Kor. 1:3

Ningu Papu Alhou eno Ampeu Jisü Khristo launo küpükini ngo aloino keu nongu tsü ani.

2 Kor. 1:2

Ni Pu Alhou eno Ampeu Jisü Khristo launo küpükini ngo aloino keu nongu tsü ani.

Galatiami 1:4

pa no itehi tiqheli lhoksa lono ningu xaphe lunike ningu xine ghenguno pa ikhiphepe tsüve, ti ye ni Lhou eno Apu pulou kiqi lonoke,

Ephesiami 1:2

Ni Pu Alhou eno Ampeu Jisü Khristo launo ighikeu küpükini ngo aloinokeu pesü nongu tsü ani.

FILIPIAMI 1:2

Ni Pu Alhou eno Ampeu Jisü Khristo launo ighikeu küpükini eno aloino keu no nongu gholo apelo.

FILIPIAMI 4:20

Ningu papu Alhou lau alho lono alholo ajuküvü apelo. Amen.

Kolosiami 1:2

Colossae lo Khristo küpülümi eno pükhükulumi athiküzümi lau: Ningu Papu Alhou launo küpükini eno aloino keu tsü ani.

1 Thes. 1:1

Paul, Silvanus eno Timothy no, Thessalonia lo Apu Alhou eno Ampeu Jisü Khristo kukuhou lau: Küpükini eno aloino keu tsü ani.

1 Thes. 1:3

ningu Papu Alhou zülo nongu küpülü kümla, kikimiye ghime, eno ni Mpeu Jisü Khristo lau iqemokeu lajupu akeu nino kümsülu cheni.

2 Thes. 2:16

Itehi ye ni Mpeu Jisü Khristo ampi, eno ni Pu Alhou, khuu no ningu kimiye no küpükini vecheo lhokta lokughuno eno lajupu kivi ni tsü keno,

Piyeküsü 11:15

Tileno kungumi akütsüniu no pa fuko küigha kelo kungugha lono asütsa vekipighi pi, “Ayeghiqha yekipe ye ni Mpeu eno Paw Khristo yekipe shivae, eno Pa no alholo eno pülhapuju ayepe nani.”

Piyeküsü 15:4

Khuu no O msa moni eno O jepipi moni kea O Ampeu? Kughengu O likhi no akimthe ke. Shiye kümtsü ighi no O mlla nani, kughengu O chipiu mikucho kümla ye pephe piyevae.”

Piyeküsü 19:6

Tile I no aqokitikhi sütsa toike lakhi chilu, ti ye azüghi kuloghi ghügha toi eno tsütsüküsü ghügha toi igha pi, “Hallelujah! Kughengu Ampeu ni Lhou Akughushuu huno ayepe anie.

Piyeküsü 20:4

Tishino I no kükalakhüqo ithulu, eno küghathabe kepu kükagha pesü khuno tsüpüa keno panoqo no tile iqa aghi. Itaghi timi khunoqo Jisü shepekishi ghenguno, Alhou tsa shekushu ghenguno, tüghashi momu tipau julho mllamo eno pano kishe lo momu au lo amchipu shimoke ghenguno ghiqhi khave keno, tipaqo ngulho I no ithulu. Panongu ye xüchile luve no Khristo gholo ampe qhethonhe ayepe thuve.