Luke 10:3 - Sumi Naga CL (Re-edited) Bible (BSI)

³ Wulo; eno ithilo, ambetiqo no tüngtügha loji dolo ilolu ketoi I no nongu puwu ani.

BAIBEL (BSI)

³ Bheritiqono atineqo gholo ilolukeu toi, ino nongu puwu anike, wulo!

Sümi Tiqhelimi Bible

³ Wulo! Ambeti no tüngtügha gholo ilolu ake toi I no nongu puwu anie.

Luke 10:3 Cross References

LESHELE 22:21

Abongshuu kichi lono I xaphe tsülo! Nono aviala kibo launo I xalue!

ZEFANIA 3:3

Li qholo hiyampemi akeqo ye abongshuu toi keqoe; xaküthami no avela tüngtüghaqo, tsütho mono külhüve chekeqo.

MATTHEW 10:16

“Julo, ambe no tüngtügha dolo ilolu akeshi I no nongu puwu ani, tighenguno apighi toi tsükhüi lo eno miqhedu toi ivünheilo.

MATTHEW 10:22

I je ghenguno timi kümtsü no nongu mithi nani. Ikemu khuu no ashekha kutolo puqhe luni keno, pa xalu nani.

MATTHEW 7:15

“Kichile tungkupmi khunoqo ashou ye ambe yiko xapu ikemu alou ye tüngtügha yiküsa toi ighi cheni keno, nongu ye tipaqo jukutolo.

Luke 10:4

Pisabo na, aphikumsho na, apukhuqho namu pemoni, eno ala lo khumu sasü petha shimoni.

John 10:12

Aqekiqemi ye akheu kumo eno ambe kipighiu kumo kehu, kughou tüngtügha cheghi keu ithuluni keno pa ye ambeqo qhive no pove cheni, eno tüngtügha no ambeqo tsüqü luve no hapiyepighive cheni.

John 15:20

I no nongu vilo pikeu tsa kümsü lulo: ‘Aqemi ye pa mpeu nguno akijeu kumoe.’ Panongu no I pishipuju aye, nongu ghi pishipuju nani. Panongu no I tsa pelu aye, nongu tsa ghi pelu nani.

John 16:2

Panongu no sinagog lono nongu haphe nani. Mtsüqheino khunono nongu pithiluni keno, pa ye Alhou huthulu ani kepi kümsüni keu tüqhüdo hu cheni.

Apostolmi 20:29

I no ithi anike I no cheve kethiu tüngtügha yiküsa no nongu gholo ighi no küpülümi lojiqo püxümo nani,

Apostolmi 9:16

Pa ye I je ghenguno khijehi ime masa keno I no pa piye nani.”

Apostolmi 9:2

Damascus sinagog lo tsüpuwu kepu yesü khu, tishianguno khuana Alaghi laumi, kiptimi na totimi namu, pa no phulu aye küghape Jerusalem lo ighi niye ke.