Luke 1:51 - Sumi Naga CL (Re-edited) Bible (BSI)

⁵¹ Pa no Pa u mlo lo aküka pephe; amlo alou no qheza chekemi Pa no kutholevae;

BAIBEL (BSI)

⁵¹ Pano pa kumto-u chhopuwono aqhekuzami kukughu hexave tsue,

Sümi Tiqhelimi Bible

⁵¹ Pa no Pa kumto u chhopuwo no akümzapu kümlà mülae; pa no akükümsü lo qheza chekemiqo apanaghave tsüe,

Luke 1:51 Cross References

BOTHUBO 11:8

Tighenguno Ampeu no tilehi no panoqo pesü ayeghiqha kümtsü lo apanaghave tsü, eno panongu no mishighüna mlapishepe qhive.

BOTHUBO 6:5

Ampeu no ayeghi lo timiw küsakügha kije ithulu, eno pano kükümsü kupulo ye alhokuthu lo küsakügha likhie.

BOTHUBO 8:21

Kughou Ampeu no tsüngqüi keu xo münalu keno, Ampeu no Pa mlo lono ishi pi, “Ni ye itaghi khilemu timi xine ghenguno ayeghi müsüini moae, kughengu alhothe lonomu timi kükümsü kupulo ye küsaküghae. Ti kumono Ni ye I no shike toi itaghi khilemu lhoxüqo pügha kithemae.

LESHELE 118:15

Amikuchomi phiki loye xakulu lokivi lekungo acheni: “Ampeu u ajeu no akughushu shi mlavae.

LESHELE 33:10

Shiyeqow kichekütsü Ampeu no adou shive tsüe; pa no timi kukughu hexave tsü.

LESHELE 52:9

I no alholo O shikimthini, kughengu Nono hi shive tsüe. I no O je lono Alhou küpülümi gholono lajukhe nani, kughengu hi ye akivi ke.

LESHELE 63:5

I ngulho no atha ngo aqü chulu akeshi aghaqilu nani, eno alokivi mütsü pesü I kichi no O sheqhe nani,

LESHELE 89:10

Nono kithikumo toi aghawu Rahab munudaqhi; Nono O küka kumto pesü O ghümi haleve.

LESHELE 89:13

No ye akughushu küka ani; O u ye akumto, O u ajeu ye qhemghai ke.

LESHELE 98:1

O ale kithe phepe Ampeu shipili lo, kughengu Pa no akümzapu thimeqo shike; Pa u ajeu eno Pa kimthe u no pa ghenguno xakulu süghike.

IPEKULU 18:11

Itehi ye I no ithive ake Ampeu ye alhouqo kümtsü nguno akijeue, kughengu hipau vehulo panongu no ngukangugha shi timiqo peitha ke.”

ISAIAH 40:10

Julo, Ampeu Alhou no Pa kükakumto lono ayepe nike cheni; julo, Pa no xaphelu keu timiqo, asaxü shi ghi Pa no sasü cheni.

ISAIAH 51:9

Ithulo, ithulo, ni shikumto tsülo, O Ampeu küka; khaghilo toi eno wovekeu tiqheli lo toi ithulo. Rahab aleqhishi ghithave keu eno dragon jipilive keu ye Noke kumo keshea?

ISAIAH 52:10

Ampeu no shiyeqo zülono Pa u kimthe xachhovae, eno ayeghi shekha kümtsü lono Alhouw xakulupu ithulu nani.

ISAIAH 63:12

Pa no Moses u ajeu Pa kükakumto tsüve, Pa likhi Pa je shekhaha ghenguno ache penike panongu zülono azüghi kijethave tsüke.

JEREMIYA 49:15

Julo, shiyeqo dolo I no o pesü aghulo shive tsüni, timi kümtsü no thogha peni.

DANIEL 4:37

Itehi ni, Nebuchadnezzar no kungugha Kükau sheqhe eno agigihu tsü ani, kughengu Pa kümla kümtsü kuchou eno Pa laghi ye achipi; khunono no aqheküza lono checheni keno Pa no kuchunive cheni.

Rommi 1:21

Kughengu panongu no Alhou ithi anamu Pa ye Alhou kepi agigihu momu shikimthi tsümove, tike kumono pano kükümsü ye ame kühave, eno pano mbomzü mlo huno zümoi kitheve.

2 Kor. 10:5

Akikighe eno akükümsü qhemghai keu pesü Alhou kighithi lakha chekeu ghuthu ningu no tulavetsü cheni, eno akükümsü kümtsü tshü sawo Khristo gholupe cheni.

ZAKINIU 4:34

Momu khuno lhou no pekuju, amchipu, akümzapu kümla eno aghüshi vecheo Pa u kumto pesü kümsapu kümla pephe, eno Paw shiniye shiye dolono shiye kishephe kea? Hi kümtsü Ampeu nongu Lhou no Egypt lo nongu nhethe lono shike kumo?

1 Peter 5:5

Tihutoi, nongu khunono alhothe keno kichimi qhoqhülo. Kümtsü no lakhino lakhi huthuni ke aqhokighe nanu pepulo, kughengu “Alhou ye aqheküzami mjochile cheni, ikemu aqhokighemi lau küpükini tsü chenie.”

Piyeküsü 18:8

Hi ghenguno li tsüni keu püsa akithi, akumlo eno püqümiye, kümtsü ghulo lakhi lono ighive nani, eno li ye ami pesü pitiqhive nani; kughengu Ampeu Alhou Khuu li shou küghathabeve akeno, Pa ye Akughushu ke.”