JOSHUA 9:18 - Sumi Naga CL (Re-edited) Bible (BSI)

¹⁸ Ikemu Israelmi ye panongu lemove kughengu panow sakiphemi no pano sasü Ampeu Israel Lhou je lono visho shiveke. Tighenguno timi kümtsü no pano sakiphemi shou nhenheshiu khave.

BAIBEL (BSI)

¹⁸ Ikemu Israilmiye panongu pithimlave kughengu panongu sakiphemino pano sasu Israil Lhou jelono visho shive kehu timi kumtsuno nhenheshiu khave.

JOSHUA 9:18 Cross References

SAMUEL AKINIU 21:7

Ikemu akükau no Jonathan nu, Saul tilimi Mephibosheth ye püxüve, kughengu ti ye David ngo Saul nu Jonathan pama dolo ashoqhi akeu ghenguno ke.

LESHELE 15:4

pa nhethe lo kixikilami mithi, eno Ampeu sümsa chekemi qhoqhü gihu cheni; khunono pa ampi ghüzave namu pa no piqhikeu iqeve chemo;

YETSAPIU 5:2

Nono pimphi lono kümsüju paghilo, eno kümsülu khavi Alhou vilo piqhi kevilo, kughengu Alhou ye kungugha lo ani eno nono ayeghi lo ani kehu o tsapi kümghü lo.

YETSAPIU 5:6

O tsa no o sasü axine lo ilovepe kevilo eno hithiuno Alhou chinemi vilo nono pimive keu pi kevilo. Kushiye Alhou pelo o shou amloide no o u no mlapüa keqo kütsapinyive apeni kea?

YETSAPIU 9:2

Hi ye kümtsü ghenguno aphiphi ke, amikuchomi ngo kixikilami, akivimi ngo alhoksami, mqhamqhi kemi ngo mithekumomi, aghakishimi ngo shimo kemi, kümtsü aphiphi ke. Kivimi no axinemi nguno akiviu ke kumoe, eno ashoqhi shikemi no shimo kemi nguno akiviu ke kumoe.

AKIKIHI 30:3

“Tsala ilimi lakhi no li papu kilo aphi lono Ampeu lau ashoqhi shino li ampi no akütsügha shoqhi shiveni,

ZAKINIU 23:22

Ikemu nongu no tushoqhi moaye, tipau ghenguno akipimi shimo nani.

ZAKINIU 23:23

Kiu pive akeno shinike kutokupui lo, kughengu nongu kutoshi no Ampeu lau piqhive ake.

ZAKINIU 23:24

“Nongu no nongu kisüghüu tsailu lo ilo kelo, chuni shike thaqhü chulu nani, ikemu süqhu loye süpu kevilo.

JOSHUA 9:17

Tighenguno Israelmi no chesü tipaqo no küghüna akeu mishighünaqo lo ighi kelo atsala küthü shive. Mishighüna tipaqo ye Gibeon, Chephirah, Beeroth, eno Kiriath-jearim.

JOSHUA 9:19

Ikemu sakiphemi kümtsü no khochile, “Ningu no Ampeu Israel Lhou je lono panongu lau ashoqhi shivae. Itehi ningu ye panongu sapüsa mlae.