JOSHUA 9:1 - Sumi Naga CL (Re-edited) Bible (BSI)

¹ Jordan kulolau naghuto lo eno aqa lo Azüghi Kije mkü lono Lebanon küdau kutolo kükami kümtsü no ti chiluve; ti ye Hittimi, Amorimi, Canaanmi, Perizimi, Hivimi, eno Jebusimi kükamiqo ke.

BAIBEL (BSI)

¹ Israilmino toluakeu Jordan kulolau kukami kumtsuno ithive, naghuto ngo naghuto pukhulo kuami, azughi mukuqalo kuami Libanon kutolo ithive, tipaqoye Hatimi kukami, Perizimi, Havimi, Amarimi, Kananmi eno Jebushimi kukamiqo ke.

JOSHUA 9:1 Cross References

SAMUEL AKINIU 24:7

eno Tyre liwo lo ighi no Hivimi ngo Canaanmi phughi kümtsü lo wu; tishino Judah yeghi apeu Beersheba lo Negeb lo wue.

IPEKULU 23:23

“Kughou Iw kungumi no nongu züuno wuno Amorimi, Hittimi, Perizimi, Canaanmi, Hivimi, eno Jebusimi lau nongu sasü ighini keno, I no panoqo pühave nani,

IPEKULU 23:31

Akuhu Züghi lono Philistiami Züghi kutolo eno asayeqha lono Euphrates kutolo, I no nongu ghuthu shitsü nani, kughengu I no aghakhu lo küxümi pesü o u lo süvetsü nani, eno nongu no panoqo hapheve nani.

IPEKULU 3:17

eno I no tushoqhi shi anike Egyptmi no ghimeqhi akeu lono I no nongu saipe Canaanmi, Hittimi, Amorimi, Perizimi, Hivimi, eno Jebusimi yeghi, akichhizü ngo akhingozü qowu akeu lo qhinani.”’

IPEKULU 34:11

“I no ishi azah nongu tsükeu pape lulo. Julo, I no nongu zülono Amorimi, Canaanmi, Hittimi, Perizimi, Hivimi eno Jebusimi hapheve nani.

AKIKIHI 13:29

Negeb yeghi lo Amalekmi no ani. Hittimi, Jebusimi, eno Amorimi no ato yeghi lo ani. Canaanmi no azüghi phivilo eno Jordan ghoki sükümxa lo anie.”

AKIKIHI 34:6

“Kulolau ye Azüghi Akijeu eno tipau mkü no alughi shini.

ZAKINIU 1:7

Aghazü xave no aghüzüla lo wuve lo, Amorimi ato yeghi eno Arabah lo pano sümxape akemi, ato eno aqa yeghi lo, Negeb eno azüghimkü lo, Canaanmi ngo Lebanon yeghi lo, eno aghoki akijeu, Euphrates ghoki kutolo wulo.

ZAKINIU 3:25

Kimiyeno I pelo katha iku Jordan kukuu ayeghi kivi, ti ato yeghi kivi ngo Lebanon ithulu pelo.’

ZAKINIU 4:49

eno Jordan kipelau Arabah qha lono Pisgah pukhu philo Arabah Züghi kutolo ke.

ZAKINIU 7:1

“Kughou nongu no pükha niye akeu yeghi lo Ampeu nongu Lhou no nongu sailoghi nike nongu nguno akumtou eno timi kütsasa akemi shiye tsüni, Hittimi, Girgashimi, Amorimi, Canaanmi, Perizimi, Hivimi eno Jebusimi hapheni keno,

JOSHUA 1:15

eno Ampeu no nongu kulhoqhi tsüke toi, nongu thiküzümi kulhoqhi tsülu kemtsa eno Ampeu no panongu tsü akeu yeghi leluve kethiuno nongu ye Ampeu qeu Moses no Jordan kipelau ayeghi nongu tsükeu lo ideighi no ngolu nani.”

JOSHUA 1:4

O ghuthu ghiphi ye apeu asayeqha lono ahuu Lebanon naghuto kuto eno kipelau Euphrates ghoki lono kulolau Hittimi yeghi kümtsü vechesü Azüghi Kije kutolo ke.

JOSHUA 10:23

Panongu no tishive eno Jerusalem, Hebron, Jarmuth, Lachish ngo Eglon kükamiqo khalau saipeghi no

JOSHUA 11:17

Seir küdau kujosü iqho akeu, Halak naghuto lono Hermon nguno apeu Lebanon khila lo Baal-gad kutolo. Pa no tipaqo lo kükami kümtsü küghaluve no ghiqhi pithi khave.

JOSHUA 13:5

Gebalmi yeghi, Lebanon kuchopu, khetsünhe kipelau Hermon Toghi philo Baal-gad lono Lebo-hamath kuto,

JOSHUA 15:12

Kulolau ghuthu no Azüghi Akijeu mkü qha. Hi no Judah shiaye, ali kiqi lo kijetsü keu mheghi.

JOSHUA 22:4

Eno itehi ye Ampeu nongu Lhou no Pa no piqhive ketoi no thiküzümi kulhoqhive tsüae. Tighenguno itehi ye Ampeu qeu Moses no Jordan kukuu nongu tsükeu yeghi lo nongu pusho lo idewove lo.

JOSHUA 22:7

Manasseh shiaye tüxa lo kikije lakhi lau Moses no Bashan tsüve eno kikije lakhiu lau Joshua no Jordan kulolau pano thiküzümi phivilo ayeghi tsüve. Kughou Joshua no panongu kümgha tsüno aki lo puwo keno,

JOSHUA 23:4

Julo, I no nongu shiaye ghenguno khipaqo achili aghi keno pesü amheghi shive tsüae, tinguno alau aghakhu I no lelu kepu shiye kothape püakeqo kümtsü, ti ye Jordan lono Azüghi Akijeu kuto pesü nongu tsüvae.

JOSHUA 24:11

Tishino nongu no Jordan kathasü Jericho lo ighi, eno Jericho lo sakiphemi no nongu sasü aghüshi, tihutoi Amorimi, Perizimi, Canaanmi, Hittimi, Girgashimi, Hivimi eno Jebusimi ghi nongu sasü aghüshi. Ikemu I no panongu kümtsü nongu u lo süvetsü.

JOSHUA 3:10

Joshua no pi, “Aküxüpu Lhou no nongu gholo ani kepi hileno ithi nani, ti ye Pa no nongu zülono Canaanmi, Hittimi, Hivimi, Perizimi, Girgashimi, Amorimi eno Jebusimi hapheve tsü nani.

JOSHUA 3:17

Israelmi kümtsü no aghoki katha iku moke kutolo, eno shiye kümtsü no Jordan kathalu moke kutolo achinemi no Ampeuw Puloshoqhi Bohu pesü Jordan mta lo qhaike yeghi lo puthughoe.

JOSHUA 5:1

Jordan ghoki kulolau Amorimi kükami eno azüghi mkülo Canaanmi kükami kümtsü Ampeu no Israelmi no Jordan kathalu mphi kutolo Ampeu no qhaive tsükeu sütsa chilu kemtsa, panongu mlo hauve eno Israelmi ghili kümsüpe aghungu aphi ije move.

JOSHUA 6:27

Ampeu no titoi Joshua gholo ae eno pa jekipi no ayeghiqha kümtsü lo acheke.

JOSHUA 9:7

Ikemu Israelmi no Hivimi vilo pi, “Nongu ye ni phivilo xüküami shi aghi luvike ningu ye kishino nongu sasü visho shini kea?”