JOSHUA 7:2 - Sumi Naga CL (Re-edited) Bible (BSI)

² Joshua no Jericho lono timi khami Beth-aven kupunu lo Bethel kipelau Ai lo puwu no pi, “Iqho no ayeghi pujulo.” Ikehu panongu no iqho no Ai puju.

BAIBEL (BSI)

² Joshua no Jerikho lono timi khami Bethaven kupunulo Bethel kipelau aphughi lakhi Ai phu pujuu penike puwu. Panonguno juveke thiu,

JOSHUA 7:2 Cross References

BOTHUBO 12:8

Tilehi no pa no Bethel kipelau atoghi ghakhu lo iqesü wuve, eno Bethel no kulolau shi, Ai no kipelau shino pa phiki tshü. Eno pa no Ampeu lau akümlla-khache shiqhe no Ampeu je kue.

BOTHUBO 28:19

Pa no tipa-a je pesü Bethel kuvetsü, ikemu atüghü loye mishighüna tipau je Luz ipiche.

KUKAMI ATUGHIU 12:29

Pa no lakhi no Bethel lo, eno lakhiu no Dan lo qhitsü.

NEHEMIA 11:31

Benjamin kughukomi no küghüna keu ye Geba lono huthusü Michmash, Aija, Bethel, eno tipau hokümxa lo aphuqo lo,

AHOLE 20:18

Mijekütsü lono akukughu huthu phelu cheni, alokütsü shi kichemije keu lono aghü küpüghülo.

AHOLE 24:6

alokütsü shi mijekeu lono no ye aghü küpüghülu nani, eno mijekütsümi kutomo akeu vecheo tokulu shicheni.

ISAIAH 10:28

Aghümi no Aiath lo ighivae; panoqo ye Migron kathasü wuvae; Michmash lono akho kuto ani;

JEREMIYA 49:3

“O Heshbon, mloqa lo, kughengu Ai ye pighivae! O Rabbah limiqo, ighamkulo! Yeqhiyephi pepuno aveghüzü shi poiqho poiqi mloqa lo! Kughengu Milcom ye pa chinemi ngo hiyampemi gholono haphe sawuve nani.

HOSIYA 4:15

O Israel, nongu no kütüqha cheghi namu, Judah pelo pimive pe kevilo. Gilgal lo ilo kevilo, tike kumono Beth-aven lo iqho kevilo, eno “Ampeu ye xüküau” ipi ashoqhi shi kevilo.

MATTHEW 10:16

“Julo, ambe no tüngtügha dolo ilolu akeshi I no nongu puwu ani, tighenguno apighi toi tsükhüi lo eno miqhedu toi ivünheilo.

Ephesiami 5:15

Tishiaye nongu no kishi checheni keno jukuto lo, mbomzümi toimo no alokütsümi shi püzü

JOSHUA 12:9

Jericho kükau, lakhi; Bethel phivilo Ai kükau, lakhi;

JOSHUA 18:12

Ahuu pano lughi ye Jordan lono huthu eno tileno iqho Jericho nguno ahuu atoghi kutolo, tishino iqho atoghi ghakhu kulolau küdau kuto, eno Beth-aven sayeqha lono kishekhave ani.

JOSHUA 2:1

Tithiu Nun nu Joshua no pukujumi kini Shittim lono puwu eno pama vilo pi, “Wulo, ayeghi pujulo eno akhoto no Jericho pujulo.” Ikehu pama no wuve eno chesü kütüqhaliu Rahab kilo ighi eno tile ngove.

JOSHUA 7:3

Eno panongu no Joshua lau ideighi no pi, “Timi kümtsü Ai lo iqhope kevilo, ikemu 2,000 momu 3,000 likhi puwu no leve pelo. Aghüshi penike ghüshimi kümtsü puwu kevilo kughengu panongu ye aghulo likhi ani.”

SAMUEL ATUGHIU 13:5

Philistiami no Israel sasü aghü shinike kuloqu luve, khurkulu 30,000 eno khurshimi ngo ghüshimi loji 6,000 no azüghi mkülo asaye toi ngove. Panongu no ighi no Michmash lono Beth-aven kipelau kutolo aghazü shipe ngove.

SAMUEL ATUGHIU 14:23

Ikehu tipa tsalani Ampeu no Israelmi xalue. Eno Beth-aven ghi vechesü aghüshie.

SAMUEL ATUGHIU 30:27

Ti ye hipaqo lo akemi tsüe: Bethel, Apeu Ramoth, Jattir;