JOSHUA 6:4 - Sumi Naga CL (Re-edited) Bible (BSI)

⁴ Achinemi tsüni no afuko lakhikhi pesü Puloshoqhi bohu züu chewulo. Atsala akütsüniu loye, nongu no ghuthu tsüni homxani, tishino achinetomi no afuko ighani.

BAIBEL (BSI)

⁴ Achinemi tsuni no afuko lakhi pesu Puloshoqhi Bohu zuu chenani, atsala akutsuni niye no eno owu ghushimi no aphughi hu ghuthu tsuni homxani eno achinetomi no afuko igha nani.

JOSHUA 6:4 Cross References

BOTHUBO 2:3

Ikehu Alhou no atsala akütsüniu kümghatsü eno tipau pesü akimthe shitsüe, kughengu tipau tsala lono Alhou no pulhoküsü kümla kümtsü tave no akulhoqhilu ke.

KUKAMI ATUGHIU 18:43

Pa no pa qeu vilo pi, “Wuno azüghi küdau jupuwo julo.” Aqeu no juve no ideighi püzü pi, “Ni ye kiumu ithulu amoe.” Pa no ghuthu tsüni kutolo, “Itaghi wujulo,” ipi.

KUKAMI AKINIU 5:10

Elisha no atsapemi puwu no pi, “Jordan lo wuno ghuthu tsüni qhuvelo eno no ye athoputho luve no mithe luve nani.”

KUKAMI AKINIU 5:14

Ikehu pa no Jordan lo iqi no Alhou timi no pikeu kiqi lono, ghuthu tsüni azü alou ilo pütsü, ikelo pa ye athoputho luve, pa phimpi no anga yiko toive, eno pa ye mithe luve.

YEKIKITHI AKINIU 13:12

Julo, Alhou no ni sakipheu shino ni gholo ani, eno Pa chinemi no aghüshi fuko pesü nongu sasü aghü shinike kuniye kutope ani. O Israel nuliqo, Ampeu nongu puasü Lhou sasü aghüshi kevilo, kughengu nongu ye tomla nani.”

YEKIKITHI AKINIU 20:17

Nongu ye hipa ghüshi shimo nani. Mtotoi puthugho lulo, eno nongu züqhushi Ampeu no xakulu tsükeu julo, O Judah ngo Jerusalem timi.’ Msa kevilo eno aghüthisü kevilo. Thoghiu panongu küpüghü nike wulo, eno Ampeu no nongu gholo anani.”

YEKIKITHI AKINIU 20:19

Levi lagha lo Kohath ngo Korah limi no puthugho no asütsa kuloghi lono Ampeu, Israel Lhou sheqhe.

YEKIKITHI AKINIU 20:21

Kughou pa no timiqo sasü küsütsa luve keno, pa no alephemi khami pelo akimthe phimini pepusü ghüshimi züuno Ampeu lau ale ishi phe penike kishe, “Ampeu lau shikimthi tsülo, kughengu Paw iqemokeu kikimiye ye alholo acheni.”

JOB 42:8

Tighenguno itehi ye amshitsü ngo ambetsü tsünini pesü I qeu Job lau wuno nongu ghenguno akipti kümllagho shilo. Eno I qeu Job no nongu ghenguno inikhu tsünani, I no pa kighini chiluve tsüno nonguw mbomzü qhemi akipimi tsümoveni. Kughengu nongu ye I qeu Job toi I ghili pitsümoe.”

ISAIAH 27:13

Tipa tsala lo afuko kuloghi küigha nani, eno khunoqo Assyria yeghi lo pühave momu Egypt yeghi lo haphe sawuve keno, panongu no ighi no Jerusalem lo akimthe toghi lono Ampeu mlla nani.

ACHINE 14:16

eno pa uloti ajeu lakhi tile chosü no Ampeu zülo ghuthu tsüni küzüteni.

ACHINE 4:6

pa no akimthe-a kulaghi lo nhaqhiphi zülono aji lo pa uloti chosü no Ampeu zülo ghuthu tsüni küzüteni.

ZEKHARIA 4:2

Eno I vilo pi, “No ye kiu ithulu ani kea?” I no khochile, “Ameshoyi kulukibepu lakhi I no ithulu ani, tipau kütsüqa lo akhu lakhi eno akulu tsüni no tipa shou ani, akulu lakhikhi lo ayihu kichi tsüni ani.

ZEKHARIA 4:6

Ikehu pa no I vilo pi, “Hi ye Zerubbabel tsükeu Ampeu tsa ke: Akumto no kumo, momu aküka nomu kumoe, ikemu I Ghungu vecheo noe, ipi aqokitikhi Mpeu no pi.

AKIKIHI 23:1

Balaam no Balak vilo pi, “I ghenguno hilehi akiptia tsüni mla tsülo eno amshitsü tsüni, ambetsü tsüni saghilo.”

JOSHUA 6:13

Achinemi tsüni no afuko tsüni pesü Ampeuw Puloshoqhi bohu züu chesü afuko tamono igha. Eno ghüshimi no panongu züu cheche, Puloshoqhi bohu thiu ghi ghüshimi no khesasü che eno tamono afuko igha ae.

JOSHUA 6:3

No eno ow ghüshimiqo no mishighüna hipau ghuthu lakhi homxalo. Eno titoi atsala tsügho dolo ghuthu lakhikhi homxalo.

JOSHUA 6:5

Kughou panongu no ambetsü kibo lono kushuo ighani keno, eno nongu no ti afuko ghügha chilu keno, timi kümtsü no aghügha kije lono ighamku lo. Tishino mishighüna liwo ye ilaqive nani eno nongu no pütüta-a lono müzüchoi aphughi lo chesü iloni.”

Piyeküsü 1:20

I u ajeu ayepu tsüni pe akeu eno ameshoyi kulukibepu tsüni nono ithuluve keu lo tuqhou vehu akeu ye hike: ayepu tsüni huye akukuhou tsüniw kungumi eno akulukibepu tsüni huno akukuhou tsüni ke.”

Piyeküsü 1:4

John no Asia bocho lo akukuhou tsüni lau: Küpükini eno aloino keu tsülu ani, ti ye Alhou Khuu acheghi, Khuu acheni eno Khuu ighi nani keno Pa launo ighikeu, Pa kükalakhü zülo akimthe ghungu tsüni akeqo launo,

Piyeküsü 10:3

eno abongshuu ghügha toi asütsa kuloghi lono asheshu. Pa no asheshu kelo tsütsüküsü tsüni huno igha.

Piyeküsü 15:1

Tileno atsütsü lo amchipu kije eno akümzapu lakhi I no ithulu, kungumi tsüni no püsa tsüni khikhino ashekhau shi akeno, tipaqo pesü Alhou loghu kishekhave tsüniye aküphashi pecheghi.

Piyeküsü 15:7

Tile aküxüküa lhoxü bidi gholo lakhi no ameshoyi kiptibo tsüni lo Alhou Khuu pülhapuju eno alholo xüacheni keno Pa loghu chhitoi akeu pesü kungumi tsüni aküphashi tsü,

Piyeküsü 16:1

Tileno asütsa kuloghi lakhi achineki lono kungumi tsüni vilo ishi pikeu I no chilu, “Wulo eno Alhou loghu akeu kiptibo tsüni pesü ayeghi lo leqhilo!”

Piyeküsü 5:1

Tileno kükalakhü lo iqa akeu u ajeu liküküzü kaku lakhi, azüu athiu ghi atsa yesü no michida tsüni no chishidave keu pe aghike I no ithulu.

Piyeküsü 5:6

Kükalakhü ngo aküxüküa lhoxüqo dolo eno layemi gholo Ambeti lakhi, ghiqhive ke paphishi, puthugho aghikeu I no ithulu. Ambeti huye akibo tsüni eno anhethi tsüni xapua, tipaqo ye Alhou Ghungu tsüni ayeghiqha kümtsü lo puwu püakeqo ke.

Piyeküsü 8:2

Tileno kungumi tsüni khunoqo Alhou zülo acheni keno I no ithulu, eno afuko tsüni pesü panongu tsü.

Piyeküsü 8:6

Ikelo kungumi tsüni khunoqo no afuko tsüni pe akeno tipaqo küighani ke kutoluve.