JOSHUA 23:10 - Sumi Naga CL (Re-edited) Bible (BSI)

¹⁰ Nongu dolo milakhi no timi qhethonhe haleve, kughengu piqhi püake toi Ampeu Alhou no nongu ghenguno aghüshi tsüke.

BAIBEL (BSI)

¹⁰ Nongu dolo lakhinomu timi 1000 havelu nani kughengu piqhipua ketoi AMPEU Alhou no nongu ghenguno aghushitsu ani.

JOSHUA 23:10 Cross References

SAMUEL AKINIU 23:8

Hipaqo no Davidw aghükivimiqo je: Tahkhemonmi Josheb-basshebeth; pa ye sakiphemi küthü gholo atou. Pa no angupa pesü timi 800 sasü küpüghü no kümtsü ghulo lakhi lono pithive.

YEKIKITHI ATUGHIU 5:20

Panongu no Hagritmi ngo pano gholo akemi shou toluve, kughengu panongu no aghüshiqa lono Alhou lau pükhübe no kuphu penike khekulhoshi khu kelo Alhou no chilu tsüno aghümi pesü pano u lo sütsüe.

YEKIKITHI ATUGHIU 5:22

Tile aghümi kutomo ikiqive, kughengu aghüshi tipau ye Alhouw ke. Tithiu panongu ye haphe sawuve moke kutolo tile acheuve.

LESHELE 35:1

O Ampeu, I sasü kütsala akeqo sasü kütsala lo; khunono I mjochile ani keno pano mjochile lo!

LESHELE 46:7

Aqokitikhi Mpeu ye ningu gholo ani; Jacob Lhou ye niw sükusho liwo ke.

IPEKULU 14:14

Ampeu no nongu ghenguno aghüshi nani, nongu ye iqünhei ngoke likhi shikepue.”

ISAIAH 30:17

Milakhi no kichi kelo qhethonhe no kuhapo; mipungu no kichi kelo kümtsü no kuhave nani, nongu ye naghuto lo michiphi sü toi, atoghi lo amchipu toi pülalaive nani.

ACHINE 26:7

Nongu no aghümi halelu no panongu ye ghüyi lono wonani.

ACHINE 26:8

Nongu mipungu no timi aqhe halelu nani, eno aqhe no qhethonhe chighi halelu nani, no ghümi ye ghüyi lono wove nani.

ZEKHARIA 12:8

Tipa tsalani Ampeu no Jerusalem lo küami süsho nani, tishianguno pano dolo miqemlei kemi no tipa tsalani David toi nani, eno David laghami no Alhou toi, eno AMPEUw kungumi no panongu züu wucheke toi nani.

Rommi 8:31

Tishi aye, hipa vehulo ningu ye kiu pini kea? Alhou no ni küdau aghi aye, khuu no ningu mjochile kulupu kea?

ZAKINIU 20:3

‘Inilo, O Israel, ishi tsala lo nongu ye aghümi sasü küpüghü nike cheni, amlo loti kevilo. Msa kevi, amlo hauve kevi momu pano jukichive kevilo,

ZAKINIU 20:4

kughengu Ampeu nongu Lhou no nongu züqhushi aghü shinike no gholo wucheni eno tokulu nongu tsü nani.’

ZAKINIU 28:7

“Ampeu no aghümi nongu leighi kemi nongu zülono theqhive tsü nani. Panongu no ala lakhi lono nongu leighi namu ala tsüni lono pove nani.

ZAKINIU 3:22

Panongu msa kevilo, kughengu Ampeu o Lhou no o züqhushi aghüshi nani.’

ZAKINIU 32:20

Pa no pi, “I no panongu launo I gi küsüveni; pano shekuho I no jutsüni, kughengu panongu ye hekibide tiqhelimi ke, pano lolo pükhübekulu kühae.

ZAKINIU 32:30

Ampeu no panongu phevemo aye eno pano Tuqu no pano jepuwu moaye, kishino milakhi no qhethonhe halelu, eno mikini no qhethonhe chighi hale luni kea?

JOSHUA 10:42

Joshua no ghuthu khavino kükami hipaqo eno pano yeghi kümtsü leluve, kughengu Ampeu Israel Lhou no Israel züqhushi aghüshi tsüke.

JOSHUA 23:11

Tighenguno Ampeu Alhou qhuivü nike kutokupui lo.

JOSHUA 23:3

Nongu Lhou Ampeu no nongu ghenguno shiye hi kümtsü lau kiu shi keno nongu no ithuluvae, kughengu Ampeu nongu Lhou no nongu züqhushi aghüshi tsüke.

XAKUTHAMI 15:15

Pa no tile khurha anileshi thive keu mükhüghi lakhi ithulu no pa u chhopiqi ti ikhipe timi 1,000 heqhi pithive.

XAKUTHAMI 3:31

Pa shelo sakipheu Anath nu Shamgar ighi, pa no ayikümtsü küsü pesü Philistiami 600 heqhi pithive tsüno Israelmi xalue.

SAMUEL ATUGHIU 14:6

Jonathan no apumi pa ghünanu kupuu vilo pi, “Ighilo, nikujo aphighüyiko ghamo kemi lau ikuni. Ampeu no nikujo ghenguno akümla shitsü peni, kughengu Ampeu no xaluni keu ye kutomo vecheo shi aghina aghulo vecheo shi aghi namu lakha chile mlae.”