JOSHUA 22:5 - Sumi Naga CL (Re-edited) Bible (BSI)

⁵ Nongu no shinikeu ye hi likhie, Moses no azah tsükeu kutokughoi papelo; ti ye, nongu mlo kümtsü eno angulho kümtsü pesü Ampeu nongu Alhou kimiye lo, Pa laghi lo chelo, Pa zakütsü papelo, Pa phe kevilo eno Pa huthu alo.”

BAIBEL (BSI)

⁵ Muse no ahza tsukeu nongu no mutsumishei aghokulu shi alo, nongu Lhou AMPEU qhuivu alo. Pa pulou shilo, pa zahqo lulo, pa lau amikucho shilo, omlo eno ongulho kumtsu pe pa ghoshilo.”

JOSHUA 22:5 Cross References

LESHELE 106:3

Khuu no kuchou xakütha ikhilu, eno atüqhüdo kümtsü lo achipiu mikucho shicheni keno pano lokivipue!

LESHELE 78:7

Tileno panongu no panow pükhükibe Alhou lau qhilu nani Alhou kümla kümsüma monani, eno Pa zakütsüqo papelu nani;

IPEKULU 15:26

ghi pi, “Tsala nongu no amlo tsüqhiyi Ampeu nongu Lhou tsa ini eno Pa nhethe lo kiu no achipi keno tipau shi aye, eno Pa yezah lo nongu mlo tsü eno tipaqo kümtsü pelu aye, I no Egyptmi lau aküsü puwu keqo kiumu nongu lau süghimo nani, kughengu Ni ye Ampeu, nongu shikipiviu ke.”

IPEKULU 20:6

ikemu khunono I kimiye eno I zakütsü pape cheni keno tipaqo lau iqemokeu kikimiye tiqheli qhethonhe kutolo piye cheni.

IPEKULU 23:13

“I no nongu vilo pikeu kümtsü lo amlo tsülo, eno kütau lhouqo jeku moni, momu nongu kichi lono pikeu chilupe kevilo.

IPEKULU 23:25

Nongu ye Ampeu nongu Lhou qeni, eno Pa no chuqu-kusho pesü nongu kümghatsü nani, eno I no küsükini nongu gholono ikhivetsü nani.

AHOLE 4:23

O kükümsü kütsü kiyipe jukuto alo, kughengu tipau lono aküxü züpuki ipeghi cheni.

ISAIAH 55:2

Kushiye asho lono kumono kütau lono pisa peveni kea? kushiye kiumu aghapiqimla keu lo mlapuku ani kea? Tsaqüi I tsa inilo eno kiu no akivi keno ti chulo, eno achuqupu kivi pesü nongu lopivilu lo.

JEREMIYA 12:16

Ti ye shikupu nani, panongu no amlo tsüqhiyi Iw timiqo laghi shikalu, eno Iw timiqo pelo Baal lau tushoqhi peke toi, I je lono tushoqhi, ‘Ampeu xü anike,’ ipi aye, panongu ye Iw timiqo gholono shiqhe pukutsü nani.

MATTHEW 22:37

Jisü no pa vilo pi, “No ye o mlo kuchopu, o ngulho kümtsü, o kükümsü kümtsü eno o kumto kümtsü pesü Ampeu o Lhou kimiyeni.

MATTHEW 4:10

Tileno Jisü no pa vilo pi, “Chevelo, Satan! Kughengu ishi yepüani, ‘No ye Ampeu o Lhou mlla lo eno pa likhi huthu lo.’”

MATTHEW 6:24

“Khunomu ampeu kini qeküqha mlae, kughengu pa ye lakhi mithive no lakhiu kimiye nani, momu lakhi qhoqhü no lakhiu thogha nani. Nongu ye Alhou ngo küakini qeküqha mlae.

Luke 1:74

ni ghümi u lono xaphe luve akehu, ningu ye msaichi keu kühano Pa huthu peniye;

John 12:26

Khuu no I qeni keno pa ye I pape masae; I no khile ani keno I qemi ghi tile anani. Khuu no I qeni keno I pu no pa gihu nani.”

John 14:15

“Nongu no I kimiye aye, I zakütsüqo pape nani.

Apostolmi 11:23

Kughou pa no ighi no Alhouw küpükini ithulu keno, pa mloqive eno panongu vilo itha mono Ampeu ghokulu shilopi pa no kümtsü shikumto,

Apostolmi 27:23

Kughengu itiji Alhou, khuu I no mlla cheni eno ni ye Paw shi acheni keno, Paw kungumi no I phivilo puthugho,

Rommi 1:9

Kughengu I nguagha kümtsü pesü Anu tsakiviu sheshu keu vecheo Alhou khuu I no huthu acheni keno, Pa no Iw thopike ni ye tamono nongu jeku

Rommi 12:9

Kikimiye ye mtsümishei shilo. Alhoksa mithilo, eno kiu no akivi keno tsüqülu lo.

Rommi 8:28

Eno nino ithi akeu no Alhou kimiye chekemi khunoqo Pa kimji kupulo kiqi lono kuluve akeno, panongu ghengu ye thokha kümtsü Alhou no akivipu ghenguno mla küqhatsü cheni.

ZAKINIU 10:20

Ampeu nongu Lhou sümsa lo. Pa huthu eno mtulu lo, eno Pa je lono tushoqhi lo.

ZAKINIU 11:1

“Ampeu nongu Lhou kimiye lo eno alhokuthu Pa khuaye, pimheye, eno azakütsü pelu lo.

ZAKINIU 11:13

“Ishi tsala lo nongu mlo kuchopu eno angulho kuchopu pesü Ampeu nongu Lhou kimiye eno huthu penike I no tsü akeu zakütsü nongu no pelu aye,

ZAKINIU 11:22

Kughengu I no tsü akeu zakütsü kümtsü nongu no tsaqüi pelu, Ampeu nongu Lhou kimiye, eno Pa laghi lo chelu no mtotoi Pa mtulu aye,

ZAKINIU 13:4

Ampeu nongu Lhou papelo, Pa sümsa no Pa zakütsüqo pelu lo, Pa tsa inilo, Pa huthu no Pa tsüqüpe lulo.

ZAKINIU 4:29

Ikemu tilauno nongu no Ampeu nongu Lhou phu nani, eno nongu no amlo eno angulho kuchopu pesü Pa phu aye phulu nani.

ZAKINIU 4:4

Ikemu nongu khunoqo Ampeu no Lhou lau amikucho shikeno, ishi tsala kutolo xü anie.

ZAKINIU 4:6

Tipaqo pelu lo kughengu ashiayeqo zülo tino nongu lokütsüpu eno vethakulupu shinani, panongu no tipaqo chilu no pi nani, ‘Kuchou no shiye kije hipau ye alokütsü eno vethakulu timiqoe.’

ZAKINIU 4:9

“Kutokughoi lo, eno müamzü nongu küxü jukuto lo, tikumo aye nongu nhethi no ithuluve keqo kümsümave nosa, eno no küxü tivilo nongu mlo lono hauve nosake. Tipaqo ye no tianuli eno atilimi pelo ithi pelo.

ZAKINIU 5:10

Ikemu I kimiye eno I zakütsü pelu kemi lau tiqheli qhethonhe kutolo Iw iqemokeu kikimiye piye cheni.

ZAKINIU 6:17

Nongu ye amlo tsüqhiyi Ampeu nongu Lhou zakütsü, Pa shepe eno akhuayeqo pelulo.

IBRIMI 12:15

Alhouw küpükini lono tsüghüve monike kutokupuilo. Kukhukimji sütsünibo toi ipeghi no tipau tüghü no kütami shipüsalu nosake kutokupuilo.

James 1:12

Pujupeju kelo puqhelu kemi kümghapue, kughengu pekuju lo puthugholu kemi ye Alhou no Pa kimiye chekeqo tsünie pi püakeu aküxüpu kütsükuqho ithulu nani.

James 2:5

I qhuu athiküzümiqo, inilo, Alhou no ayeghi lo kumlhomi kishelu no aküpülü lo kinimi shilupe eno Pa kimiyekemi tsüni keu shi piqhi püakeu kükaqha mheghi kiyighimi shilupe kekumo keshea?

JOSHUA 23:8

Ikemu ishi kutolo shi aketoi, nongu ye nongu Lhou Ampeu süijepe ngolo.

Piyeküsü 15:3

Panongu no Alhou qeu Moses ngo Ambeti shikipili le ishi phe, “O kümla ye kije eno akümzapue, O Ampeu Alhou Akughushuu! O laghi ye achipi eno kuchoue, O shiyeqo shou Akükau!

SAMUEL ATUGHIU 12:20

Samuel no timiqo vilo pi, “Msa kevilo; nongu no küsakügha hi kümtsü shivae. Ikemu Ampeu pape mono tsüghüve kevilo, nongu mlo kuchopu pesü Pa qelo.

SAMUEL ATUGHIU 12:24

Ampeu sümsake likhi shilo eno nongu mlo kuchopu no pükhü kulupu shi Pa qelo. Kughengu Pa no thime kije kiu nongu ghenguno mlatsü keno kümsüju lo.

SAMUEL ATUGHIU 7:3

Samuel no Israel laghami kümtsü vilo pi, “Tsala nongu no nongu mlo kümtsü pesü Ampeu lau xaide aye, nongu ye inami lhouqo eno Ashtaroth phevelo, nongu mlo pesü Ampeu tsülo eno Pa likhi qelo, tishiaye Pa no Philistiami u lono nongu xaphetsü nani.”