JOSHUA 11:6 - Sumi Naga CL (Re-edited) Bible (BSI)

⁶ Ampeu no Joshua vilo pi, “Panongu jumsa kevilo, thoghiu hipa ghuloki lo I no panongu kümtsü pithive no Israelmi tsüveni. No ye panow khurshiqo pukhu micheve tsü eno khurkuluqo pitive tsülo.”

BAIBEL (BSI)

⁶ AMPEU no Joshua vilo pi, “Panongu jumsa kevilo, thoghiu hipau ghulokilo ino Israilmi ghenguno panongu kumtsu pithiveni. Noye panongu wu khurshiqo pukhu kighicheve tsulo eno khurkuluqo pitive tsulo.

JOSHUA 11:6 Cross References

SAMUEL AKINIU 8:4

Eno David no pa launo khurshimi 1,700 eno ghüshimi qhethonhe muku luvetsü. David no khurkulu sala khurshiqo qhiluve no kümtsü apukhu hechheve tsü.

KUKAMI AKINIU 6:16

Elisha no pi, “Msa kevilo, kughengu panongu gholo chekemi ye, ni laumi pachi ani.”

YEKIKITHI AKINIU 20:16

Thoghiu panongu küpüghü nike wulo. Panongu ye Ziz kita lono iqhoghi nani. Nongu no akhila shekha, Jerual sayeqha kipelau no panongu sasü kusholu nani.

LESHELE 46:10

“Iqüghai lo, eno Ni ye Alhou kepi ithilo. Shiyeqo gholo I je süqhe nani, ayeghi lo I je süqhe nani!”

LESHELE 46:11

Aqokitikhi Mpeu ye ni gholo ani; Jacob Lhou ye ni sükusho liwo ke.

LESHELE 46:9

Ayeghi shekha kutolo Pa no aghükishi kishekhave tsüe; Pa no shexilika ngo angupa hechheve tsü; Pa no khurkulu ami lono pitive tsüe.

AHOLE 20:7

Amikuchomi khuu no akikhishi xücheni keno pa tianuli pa thiu chekemi ye akümghapue!

ISAIAH 30:16

no pie, “Moe! Ningu ye khurshi lono poveni”, “Khurshi kümthü sasü poveni”, ikehu nongu no ponani ikemu nongu hani kemiu no akümthüu shinani.

ISAIAH 31:1

Israelmiw Akimtheu, Ampeu pükhümo momu inijumo no Egypt lo khurkulu kutomo aghikeu eno khurshimi no ighono mtotoi aghikeu pükhüpe akukuphu lakuju lono tilau iqi kemi hasapue!

EZEKEL 39:9

“Tithiu Israel mishighünaqo lo küghüna akemi no ami pesü aghünanuqo pitivetsü nani, azüto kije-kitila, shexilika eno apiji, asüthalu eno angupa; hipaqo ye ampe tsüni kutolo shipiti nani,

HOSIYA 14:3

Assyria ye ni xamla nani; ningu ye khurshi samo nani; eno ningu ye, ‘Ni Lhou’ ipi ni u no mlakeu vilo pimo nani. O launo mighimi no küpükini ithulu chenie.”

NAHUM 2:13

Aqokitikhi Mpeu no sheshu, Julo, Ni ye o mjochile ani, eno I no ow khurkuluqo pitileve tsü nani, eno azütakikihi no ow abongshuu lhotheqo kütsave nani. Nono xulepughi keu I no ayeghi lono pühave tsü nani, eno o ghinimi sütsa ye khilemu chilu kithe move nani.

ZAKINIU 7:16

Ampeu nongu Lhou no nongu u lo sütsü keu shiaye kümtsü kütsave lo. Nongu nhethi no kimiyeqhiyi pano jumoni, momu pano lhouqo mlla moni, kughengu tino nongu meluve nani.

JOSHUA 10:8

Ampeu no Joshua vilo pi, “Panongu msa kevilo, I no panoqo pesü o u lo süve tsüae. Panongu lakhimu o zülo puthugho lumo nani.”

JOSHUA 11:5

Eno kükami kümtsü küqhano Israelmi sasü aghü shiniye Merom ghoki phivilo aghazü shive.

JOSHUA 11:7

Tighenguno Joshua ngo paw ghüshimi kümtsü no züleno Merom ghoki lo ighi no panongu lethuve.

JOSHUA 11:9

Ampeu no azah tsüke toi Joshua no tishive: pa no khurshiqo pukhu micheve tsüno khurkulu pitive.

JOSHUA 3:5

Tishino Joshua no timiqo vilo pi, “Nongu shikimtheve lo, kughengu Ampeu no thoghiu nongu gholo akümzapu kümla mla nani,”

XAKUTHAMI 20:28

Aaron nu Eleazar nu Phinehas no Alhouw puloshoqhi bohu lo hukuthu kümla shiche kehu pa no pi, “Ningu ye ni thiküzümi Benjaminmi sasü aghü shini keo taveni kea?” Ampeu no khochile, “Iqholo, kughengu thoghiu ye I no panongu pesü nongu u lo süve tsüni.”

XAKUTHAMI 7:9

Tipa ji Ampeu no pa vilo pi, “Ithulo, iqi aghazü leve lo, kughengu I no pano pesü o u lo süve tsüae.

SAMUEL ATUGHIU 11:9

Panongu no atsapemi ighi keqo vilo pi, “Jabesh-gileadmi vilo pilo: ‘Thoghiu khetsünhe kümka dolono nongu no xakulupu ithulu nani.’” Kughou atsapemi no ighi no Jabeshmi vilo pi keno, panongu no alovive.