JOSHUA 11:20 - Sumi Naga CL (Re-edited) Bible (BSI)

²⁰ Kughengu ti ye Ampeu no kughu keu kiqi lono Pa no tipaqo mlo shikümkave tsüno panongu pelo Israelmi sasü aghüshi peniye ke, tishianguno Ampeu no Moses azah tsüke toi panoqo kipimi qhitsü mono kütsave peniye ke.

BAIBEL (BSI)

²⁰ AMPEU no panongu pelo Israilmi sasu tsaqui aghu shinike kutope, tishianguno kimiyekini panongu shou kuhano pithi khaveni keu shive. Tiye AMPEU no Muse lau ahza tsuve keuke.

JOSHUA 11:20 Cross References

SAMUEL AKINIU 17:14

Ikelo Absalom eno Israelmi kümtsü no pi, “Arkhimi Hushai kükümsü no Ahithophel kükümsü nguno akiviu shi ani.” Kughengu Ampeu no Ahithophel kükümsü kivi theqhive peniye kughuve ke, tishianguno Ampeu no Absalom shou aghimepu süghi niye ke.

KUKAMI ATUGHIU 12:15

Ikehu akükau no timiqo tsa initsü move, kughengu ti ye Ampeu no Nebat nu Jeroboam vilo tungkupu Ahijah Shilohmi vecheo pikeu tsa shikupu niye ke.

YEKIKITHI AKINIU 22:7

Ikemu Joram pütsa niye wuke lono Ahaziah pelo ikiqive penike Alhou no kughuve. Ikehu kughou pa no tilau ighi keno, pa no Jehoram gholono Nimshi nu Jehu pütsa niye ipe; Jehu ye Alhou no Ahab kibo kütsave peniye nukishe ke.

YEKIKITHI AKINIU 25:16

Ikemu pa no pi aphi lono Amaziah no ghechile, “Ningu ye o pelo akükau mijekütsüu shivepe akea? Tavelo! Kushiye o pithive apeni kea?” Ikehu tungkupu no tave, ikemu ishi pi, “I no ithi anike Alhou ye o kütsave niye shivae, kughengu nono hi shive no Iw mijekütsü ini movae.”

IPEKULU 10:1

Tithiu Ampeu no Moses vilo pi, “Pharaoh lau ilolo, kughengu I no pa ngo pa qemi mlo shikümkave tsüae, tishikeu lono panoqo lau Iw amchipu hipaqo piyeni,

IPEKULU 11:10

Moses ngo Aaron pama no Pharaoh zülo akümzapu hipaqo shie, eno Ampeu no Pharaoh mlo shikümkave tsü, eno pa no pa yeghi lono Israelmi puwumoe.

IPEKULU 14:17

Eno I no Egyptmi mlo shikümkave tsü nani, tishikeu lono panongu no Israelmi pape ilo nani, eno Pharaoh ngo paw aqokitikhi, khurkulu eno khurshimi shou I no ajuküvü ithuluve nanie.

IPEKULU 14:4

Eno I no Pharaoh mlo shikümkave tsüno pa no panoqo hawu nani, eno Pharaoh ngo paw aqokitikhi vecheo I no ajuküvü ithuluve nani, Egyptmi no Ni ye Ampeu kepi ithi nani.” Ikehu panongu no titoi shive.

IPEKULU 14:8

Ampeu no Egypt kükau Pharaoh mlo shikümkave tsü, eno Israelmi no akumto shi wuche kelo pa no Israelmi hasü ighi.

IPEKULU 4:21

Ampeu no Moses vilo pi, “Kughou nono Egypt lo idewo keno, amchipu kümla I no o u lo sütsü keu kümtsü Pharaoh zülo shikepu shi jukuto lo. Ikemu I no pa mlo shikümka tsü nani, tishikeu lono pa no timiqo puwumo nani.

IPEKULU 9:12

Ikemu Ampeu no Pharaoh mlo kuthovive tsü, eno Ampeu no Moses vilo pi ketoi, pa ye pama tsa initsü move.

IPEKULU 9:16

Ikemu I no I küka o piye, eno tishikeu lono ayeghiqha kümtsü lo I je sheshu peni keu kimji ghenguno I no o saputhu ke.

ISAIAH 14:24

Aqokitikhi MPEU no ashoqhi shivae: “I no kughu püake toi eno I no miji püake toi tishi nani,

ISAIAH 34:2

Kughengu Ampeu ye shiyeqo eno pano ghüshimi kümtsü shou axuide ani, Pa no tipaqo kütsave penike ikhipe tsüvae.

Rommi 9:18

Hi ghenguno Alhou ye khukhumu Pa no pulo keu lau küpükini tsü cheni, eno khukhumu Pa no pulo keu lono shikümkave cheni.

ZAKINIU 2:30

Ikemu Heshbon kükau Sihon no ningu pelo pa ghakhu katha pemoe, kughengu Ampeu nongu Lhou no pa pelo kuthovi eno hebideve pe, tishikeu lono Pa no ishi kutolo tishi acheke toi panoqo pesü nongu u lo süvetsü niye ke.

ZAKINIU 7:16

Ampeu nongu Lhou no nongu u lo sütsü keu shiaye kümtsü kütsave lo. Nongu nhethi no kimiyeqhiyi pano jumoni, momu pano lhouqo mlla moni, kughengu tino nongu meluve nani.

XAKUTHAMI 14:4

Hi ye Ampeu launo kepi pa puaza ye vethamlae, kughengu Ampeu ye Philistiami sasü aghü shini keu tüqhüdo phuju ake. Tipa ghuloki lo Philistiami no Israelmi shou ayepe che.

SAMUEL ATUGHIU 2:25

Tsala milakhi no lakhiu lau axine shive aye, Alhou no pa ghenguno alaki kipiu shitsü cheni, ikemu khuana no Ampeu lau axine shive aye, khuu no pa ghenguno alaki shitsüni kea?” Ikemu pama no apu tsa ini tsümove, kughengu pama shou akithi süghini keu ye Ampeu pulou shiveke.