JOSHUA 11:12 - Sumi Naga CL (Re-edited) Bible (BSI)

¹² Joshua no kükami tipaqo phughi kümtsü leluve no azütakikihi pesü ghiqhi khave eno tipaqo kütsave tsü, eno ti ye Ampeu qeu Moses no azah tsükeu kiqi lono tishive.

BAIBEL (BSI)

¹² Joshua no aphughi tipaqo lo kukami kuchopu leve eno timi kumtsu pithive. Muse Alhou qeuno ahza tsuke toi tishive.

JOSHUA 11:12 Cross References

ZAKINIU 7:2

eno kughou Ampeu nongu Lhou no tipaqo nongu u lo süve tsüno nongu no tipaqo leluveni keno, nongu ye kümtsü kütsave masae. Nongu ye pano sasü puloshoqhi shimoni eno kimiyekini piye moni.

ZAKINIU 9:3

Tighenguno ishi tsala lo hi ithilo, khuu amiküqü toi nongu züu cheni keno, Pa ye Ampeu nongu Lhou ke. Pa no nongu zülono panongu kütsave no qhasüve nani. Pa no nongu vilo piqhive ketoi, nongu no panoqo hapheve no paikhavi püghave nani.

JOSHUA 10:20

Joshua ngo Israelmi no ighono akumto shi panongu kümtsü ghiqhi pithive, ikemu khami ye aphughi liwo alou ilove no xüluve.

JOSHUA 10:28

Joshua no tipani Makkedah leluve eno akükau küghaluve. Pa no azütakikihi no timi kümtsü ghiqhive; tile mi lakhimu püxü move. Eno pa no Jericho kükau lau shi ketoi, tile akükau lau ghi tishive.

JOSHUA 10:30

Ampeu no tipa phughi eno akükau pesü Israelmi tsüve. Panongu no lakhimu ghümono kümtsü pithive, panongu no Jericho kükau lau shike toi tipau kükau lau shive.

JOSHUA 10:32

Eno Ampeu no Lachish pesü Israelmi u lo süvetsü eno thoghiu ye pa no aphughi tipau leluve eno Libnah lo toi timi kümtsü azütakikihi pesü ghiqhive.

JOSHUA 10:35

Tipani no aphughi tipau leve eno azütakikihi pesü kütsave. Lachish lo shi ketoi pa no timi kümtsü pithive.

JOSHUA 10:37

eno tighi leluve no azütakikihi pesü tile akükau ngo aphughiqo eno timi kümtsü kütsave. Pa no Eglon lau shi ketoi timi lakhimu qhimono pithive.

JOSHUA 11:13

Ikemu Hazor phughi Joshua no pitive tsükeu nguno alau ye mishighüna alughi shou shipüaghi keqo ye pititsü move.

JOSHUA 11:15

Ampeu no Pa qeu Moses lau azah tsüke toi, Moses no Joshua azah tsü eno Joshua no tipatho shie. Pa no Ampeu no Moses azah tsükeqo lakhimu vezü mono pekupu ke.

JOSHUA 13:6

Lebanon naghuto ghakhu lo akeqo lono Misrephoth-maim kutolo küxümi kümtsü eno Sidonmi kümtsü ishi. I no Israelmi nhethe lono hi kümtsü hapheveni. Ikehu I no azah o tsüke toi ayeghi kijepe Israelmi mheghi shive tsülo.

JOSHUA 21:44

Ampeu no pano puasü lau piqhi püake toi panongu pelo akulho qhilupe. Pano ghümi lakhi nomu pano zülo puthugho mlae, kughengu Ampeu no aghümi kümtsü Israelmi u lo süve tsüke.

JOSHUA 8:31

Ampeu qeu Moses no Israelmi azah tsükeu Moses Yezah Kaku lo yepüake toi, “Akiptia tipau ye ayi nhemgha no hetha pukumo keu tu no mlalo.” Tishino panongu no tipau shouno Ampeu lau akipti kümllagho ngo külakishi kümllagho pesü mllae.

JOSHUA 8:8

Nongu no aphughi leluve kemtsa Ampeu no Azah tsüke toi ami süvelo. I no azah nongu tsüvae.”

JOSHUA 9:24

Panongu no Joshua khochile, “Nino tishiveke, kughengu Ampeu o Lhou no Pa qeu Moses vecheo Azah tsükeu no ayeghi hi kümtsü nongu tsüni eno hipa yeghi lo küghüna akemi kümtsü nongu nhethe lono kütsavelo pike.