JOSHUA 10:20 - Sumi Naga CL (Re-edited) Bible (BSI)

²⁰ Joshua ngo Israelmi no ighono akumto shi panongu kümtsü ghiqhi pithive, ikemu khami ye aphughi liwo alou ilove no xüluve.

BAIBEL (BSI)

²⁰ Joshua ngo Israilmino panongu ghiqhive, ikemu khamiye aphughi liwo alou ilove no xuluve.

JOSHUA 10:20 Cross References

SAMUEL AKINIU 20:6

David no Abishai vilo pi, “Bikhri nu Sheba ye Absalom nguno alau ningu ghüza niye ani. O mpeu qemiqo sasü pa hawulo, tikumo aye pa ye aliwo akeu phughi lo ilove no ningu launo pokave nosae.”

KUKAMI ATUGHIU 20:21

Israel kükau no ipeghi no Syriami khurshi ngo khurkulu kutomo kütsave tsü, eno shishe Syriami kütsave.

YEKIKITHI AKINIU 13:17

Abijah ngo paw ghüshimi no akumto kije lono panongu pithive, ikehu Israel ghüshimi kishekiphe pano lakh pungu thive.

JEREMIYA 4:5

Judah lo asheshu lo, eno Jerusalem lo pikülha lo, “Ayeghi kümtsü lo afuko ighalo, ighamku pilo, ‘Kumqolo, ningu aliwo kumto mishighüna lo iloni!’

JEREMIYA 8:14

Kushiye ningu ye iqa aphia? Kumqo lo, ningu aliwo kumto phughiqo ilo no tileno thiveni, kughengu Ampeu ni Alhou no ni pühaveni ke kughuvae, eno tüghü zü pesü ningu piyeni ke tsüvae, kughengu ningu no Ampeu lau axine shiveke.

ZAKINIU 20:16

Ikemu Ampeu nongu Lhou no nongu tsü akeu mishighünaqo loye atuthu she aghike thaqhü lakhimu püxü moni,

JOSHUA 10:10

Ampeu no Israelmi nhethe lono pano shithüghüive no Israelmi no Gibeon lono kutomo ghiqhive tsü eno hasü Beth-horon naghuto la kuto iqive no Azekah ngo Makkedah kutolo hawu.

JOSHUA 10:19

ikemu nongu ye tile ngo kevilo. Aghümi hasü wuno pano thiu ghüshimi chekeqo lelo. Panongu pelo panow mishighüna lo ilope kevilo, kughengu Alhou no panongu shou tokulu pe nongu tsüvae.”

JOSHUA 10:21

Tishino timi kümtsü no Joshua lau Makkedah ghazü lo ideighive. Tipa yeghi lo khunomu Israelmi shou kiumu pipuku move.

JOSHUA 11:12

Joshua no kükami tipaqo phughi kümtsü leluve no azütakikihi pesü ghiqhi khave eno tipaqo kütsave tsü, eno ti ye Ampeu qeu Moses no azah tsükeu kiqi lono tishive.

JOSHUA 11:8

Ampeu no panongu pesü Israelmi lau phesüve tsüno Israelmi no panongu hasü Sidon Akijeu eno Misrephoth-maim, eno kipelau Mizpah khila kutolo wuve. Panongu no tipaqo lakhimu ghümono kütsave.

JOSHUA 8:24

Israelmi no yenguyi ke-a khile panongu no haighi keno, tile no panongu no Aimi kümtsü azütakikihi pesü ghiqhi khave eno lakhimu püxümo, tishino idewo Ai phughi lo ilo no kümtsü ghiqhi pithi khave.