JOSHUA 1:9 - Sumi Naga CL (Re-edited) Bible (BSI)

⁹ Akumto shilo eno amlo kuloghi shilopi azah o tsüve ake kumo keshea? Msa kevi momu amlo tülalo kevilo kughengu ni Ampeu o Lhou ye nono khilekhile chemu, o gholo che nani.”

BAIBEL (BSI)

⁹ Mtotoi shi amlo kuloghi shilo pi ino ahza tsukeu ithilo, msakevilo momu amlo tulalo kevilo kughengu ni AMPEU oLhou no nono khile cheni keno ogholo che nani.”

JOSHUA 1:9 Cross References

BOTHUBO 28:15

Julo, I no o gholo ani eno nono khile khile wunamu I no o süsho nani, eno ayeghi hipau lo o sachile ighi nani. Kughengu I no o lau ashoqhi kiu shi keno tipau shive moke kutolo Ni ye o qhivemo nani.”

BOTHUBO 39:2

Ampeu no Joseph gholo ae, eno pa ye tokulu shiuve, pa ye pa mpeu Egyptmi kilo ngove.

BOTHUBO 39:3

Ampeu no pa gholo akeu eno pa u no mlakeu kümtsü lo tokulu shikeu pa mpeu no ithive.

SAMUEL AKINIU 13:28

Tishino Absalom no pa qemi azah tsü, “Amnon no aji shove no amlo lo alokivi shi akeu amichi shivelo, eno kughou I no o vilo, ‘Amnon ghiqhive lo,’ ipini keno pa pithive lo. I no azah o tsü anike kumo? Msa kevilo; Amlo loghilo eno akumto shilo.”

YEKIKITHI ATUGHIU 28:20

Tithiu David no itaghi pa nu Solomon vilo pi, “Mtotoi amlo loghi no mlalo. Msa kevi eno aghüthisü kevilo, kughengu Ampeu Alhou, I Lhou, no o gholo ani. Ampeu huthuni ke ghenguno akümla shiqhi moke kutolo Pa ye o qhivemo momu o phevemo nani.

YEKIKITHI AKINIU 15:7

Ikemu nongu ye akumto shilo! Nongu u qeive kevilo, kughengu nongu kümla ghenguno asaxü tsü nani.”

LESHELE 46:7

Aqokitikhi Mpeu ye ningu gholo ani; Jacob Lhou ye niw sükusho liwo ke.

ISAIAH 41:10

I no o sacheni ke msa kevilo; aghüthisü kevilo kughengu Ni ye o Lhou ke; I no o shikumto eno o kuphu nani, I chipiu mikucho pesü I no o süqhe nani.

ISAIAH 43:1

Ikemu itehi ye Ampeu no ishi piani, Pa no o lhoke, O Jacob, Pa no o koghe mla tsüe, O Israel: “Msa kevilo, kughengu I no o xaphe luvae; I no o je ku ghi o kuluvae, no ye Iw.

ISAIAH 43:5

Msa kevilo, Ni ye o gholo ani; I no kipelau no o tikughuko saghi nani, eno kulolau no nongu hekütsü saghi nani.

ISAIAH 8:12

“Timi hipaqo no kiu küsüqe ani keno ti ye kumoke tishi kevilo, eno panoqo no kiu msa ani keno msaighüve kevilo.

DANIEL 10:19

Pa no pi, “O shishe kimiyekicheu timi, msa kevilo, aloino keu o lolo alo; akumto shilo eno amlo loghilo.” Eno pa no I pütsa akelo ni ye akumto shikithe luve no pi, “I mpeu no pijulo, kughengu nono I shikumtovae.”

HAGAYI 2:4

Tishimu mtolo, O Zerubbabel, Ampeu no asheshue. Mtotoi lo, O Jehozadak nu achinetou Joshua. Mtotoi lo, nongu ayeghi lo akemi, Ampeu no asheshue. Mlalo, kughengu Ni ye nongu gholo ani, aqokitikhi Mpeu no asheshu,

HAGAYI 2:5

kughou nongu no Egypt lono ipeghi keno tileno I no nongu sasü puloshoqhi shikeu kiqi lono ke. I Ghungu no nongu gholo ani, msa kevilo.

Apostolmi 4:19

Ikemu pama no khochile, “Alhou nguno alau nongu gholuni keu ye Alhou zülo achipi kemo keno nongu no küghatha lo,

ZAKINIU 1:21

Ampeu ni Lhou no nongu zülo ayeghi ikhiphetsü ani. Ampeu nongu puasü Lhou no nongu vilo pike toi wuno now shilulo. Msa kevi momu alomtshü kevilo.’

ZAKINIU 20:1

“Nongu no aghü küpüghü wukelo, now khurshi ngo khurkulu eno ghüshimi nguno alau ithulu namu msa kevilo, kughengu Ampeu khuu Egypt lono nongu xaphelu keno nongu Lhou no nongu gholo anani.

ZAKINIU 31:23

Eno Ampeu no Nun nu Joshua süküsü shino pa vilo pi, “Akumto shilo eno amlo mtolo, kughengu nono Israelmi sasü I no tushoqhi keu yeghi lo ilo nani, eno I no o gholo anani.”

ZAKINIU 31:28

Alagha lo sakiphemi ngo kijemi kümtsü I zülo hekütsü lo, I no hipaqo pesü panongu vilo pini, eno panongu shou thopi shipenike kungugha ngo ayeghi kusüni.

JOSHUA 1:10

Tishino Joshua no ghüshimi kijemi azah tsü,

JOSHUA 1:17

Ningu no thokha lo Moses gholu cheke toi o gholuni. Ampeu o Lhou pelo Moses gholo acheke toi o gholo ghi apeniu.

JOSHUA 1:18

Khuu no nono azah tsükeu ghechile eno o tsa pape moni keno, pa ye pithiveni. Qeti akumto shilo eno amlo kuloghi shilo.”

JOSHUA 10:25

Tishino Joshua no panongu vilo pi, “Msa momu amlo tülalo kevilo ikemu amlo loghilo kughengu Ampeu no nongu ghümi kümtsü shou titoi shi nani.”

JOSHUA 10:8

Ampeu no Joshua vilo pi, “Panongu msa kevilo, I no panoqo pesü o u lo süve tsüae. Panongu lakhimu o zülo puthugho lumo nani.”

JOSHUA 3:7

Ampeu no Joshua vilo pi, “Ishi no huthu no I no Israelmi zülo o süqhe niae tishikeu lono panongu pelo I no Moses gholo acheke toi o gholo anipi ithi peni.

JOSHUA 6:27

Ampeu no titoi Joshua gholo ae eno pa jekipi no ayeghiqha kümtsü lo acheke.

JOSHUA 8:1

Ampeu no Joshua vilo pi, “Msa kevi eno amlosa kevilo. Ithulo, Ghüshimi kümtsü o gholo sasü Ai lo iqholo. I no Ai kükau eno paw timi, mishighüna ngo yeghi o u lo süve tsüae.

XAKUTHAMI 6:14

Ampeu no pa lau tsüghü ighi no pi, “O kumto hipau lono wuno Midianmi u lono Israelmi xalu lo. I no o puwu anike kumo?”

SAMUEL ATUGHIU 10:7

Kughou amchipu hipaqo sholuni keno, kiu mla kepu keno mlalo, kughengu Alhou ye o gholo ani.