JEREMIYA 7:9 - Sumi Naga CL (Re-edited) Bible (BSI)

⁹ Nongu ye püka, ghiqhi, shupu-salha, akimki shoqhi shi, Baal lau akümllagho tsü, eno nongu no mtha keu kütau lhouqo pape cheni

BAIBEL (BSI)

⁹ Nonguno puka, ghiqhi, salhashupu, tushoqhi kelo akimki tsa pi, Baal lau lhoxu heqhipe mllake eno nonguno puzuu mthakeu lhouqo mllake.

JEREMIYA 7:9 Cross References

KUKAMI ATUGHIU 18:21

Elijah no timiqo phivilo ighi no pi, “Nongu mlo lo hiküma dolo xatha nike ado khitohi luni kea? Ampeu no Alhou shiaghi aye, Pa papelo; ikemu Baal no shiaghi aye, pa papelo.” Timiqo ye atsa lakhimu piqhi move.

IPEKULU 20:3

“I zülo nongu ye alhouqo kütau mlla moni.

ISAIAH 1:13

Adou kümllagho süghi kevilo; axokütsüngü ye I ghenguno aphikümqhüpue. Aqhi kithe, Sabbath eno aqoaho hekükütsü, alhoksa eno aqo hoho hipaqo Ni ye kutuu mlae.

ISAIAH 58:2

Panongu ye achipiu-mikucho papeche keu shiye shi aghi kepu toi, momu Alhouw küghakütha milivemo kemi toi, Ghulo atsütsü I mlla acheni, eno I laghi ithini keu lo azüvü acheni, panongu no I vilo achipiu xakütha iniju ke; eno azüküvü shi Alhou lau kupunu wuke.

JEREMIYA 1:16

I pheve keu kümla lhoksa kümtsü ghenguno I no panongu mjochile keu tsakükügha shupheni. Panongu no akümllagho pesü alhou kütau tsüno panongu u no mla keqo mllauve ke.

JEREMIYA 11:13

O Judah, nongu lhouqo ye now mishighünaqo jehi shivae, eno Jerusalem laghila no khije akeno tijehi Baal lau akümllagho tsünike akiptiaqo shiqhe keu lono akukujopu shivae.

JEREMIYA 11:17

Aqokitikhi MPEU, khuu o shosü keno, Pa no o shou amhekiqi xaküthaza beva, kughengu Israel ngo Judah kibo no alhoksa kümla shike, Baal lau akümllagho tsü keu no I xukutho pe I mlo shikighide tsüe.”

JEREMIYA 13:10

Lhoksa kügha timiqo, I tsa chilumo keqo, khunono kuthovi ghi pano mlo ghola hawuve eno alhou kütauqo huthu no mlla nike pape wuve keno chighichephi avehu kühave ketoi shivetsü nani.

JEREMIYA 18:15

Ikemu Iw timiqo ye I kümsümavae; panongu no kichile lhou lau akümllagho tsüuve ke; tino mulhou laghi, panongu no cheche keu lo küpxalu pe, eno panongu pelo alaghila lo kumono alaphe lono püla pe,

JEREMIYA 19:4

Kughengu timiqo no I pheve no panongu eno pano puasüqo momu Judah kükami nomu mtha keu kütami lhou lau akümllagho tsüwuve keu lono a-a hipau shipixivae; eno pimihami ji pele keu pesü a-a hipau chhitoivae,

JEREMIYA 32:29

Chaldeami no mishighüna hipau sasü aghüshi akelo ighi no ami süvetsü nani, eno aki khipaqo kütsüqa lono Baal lau akümllagho leqhitsü eno kütau lhouqo lau atsaiji kümllagho tsükeu lono I mlo shikighide cheni keno ti kümtsü pitive nani.

JEREMIYA 44:3

ti ye panongu no axine shive keu ghenguno ke. Panongu eno pano puasü nomu mtha keu lhouqo lau panongu no akümllagho tsüno huthu kelono I mlo shikighide tsüke.

JEREMIYA 44:8

Kushiye nongu no xüuve niye ighikeu Egypt yeghi lo nongu ye kütau lhouqo lau axokütsüngü pesü mlla eno au no ajulho mlano I mlo shikighide ani kea? Nongu ye nongu ampi kütsave ani eno müsüinive keu shive no ayeghi lo shiyeqo kümtsü no cheqhi kepu vehu shivae.

JEREMIYA 44:9

No puasüqo, Judah kükami ngo pano nipuqo, nongu eno nongu nipuqo no Jerusalem laghila lo eno Judah ghakhu lo kixikila kümla shikeu nongu ye kümsümave akeshea?

JEREMIYA 48:35

Moabmi khunoqo no qhemghaike-a lo aghakishi kümlla tsü cheni eno akümllagho alhouqo tsü cheni keno, tipaqo ye I no püghave nani.

JEREMIYA 5:2

Panongu no, “Ampeu xü anike,” ipi anamu, akimki lono tushoqhi cheni.

JEREMIYA 5:7

“Ni ye kishino panongu kipimi qhitsüni kea? No tianuliqo no I kümsümavae eno alhou kumo keqo jeku ashoqhi shivae. I no pano ghakiqipu shi loji kelo panongu no shupu-salha eno küsalhami kilo kumqope ngoe.

JEREMIYA 7:6

nongu no kachenami, mighimi, chimemi qhasümo, momu hipa-a lono pimimo kemi ji pelemo, eno o ghüzapushi kütami lhouqo pape wumo aye,

EZEKEL 18:18

Papu ghenguu ye, pa no süxachu, pa thiküzüu pükaqhi, eno paw timi gholo kiu no akivi kumo keno tipau mla ishi kehu, julo, pa ye pa xine ghenguno thinani.

EZEKEL 20:30

“Tighenguno Israel kibolomi vilo pilo, Ampeu Alhou no ishi piani: Nongu ye no puasüqo ghola lono nongu ampi shikitiqe eno panow aphikümqhüpu thimeqo pape kütüqhani keshea?

EZEKEL 23:39

Kughengu kughou pama no asü-atu julho lau pama nuliqo akümllagho shi ghiqhive keno, tipau tsalani no pama no I kimthe chineki shikitiqe niye tile ighike. Eno julo, pama no I kilo shikeu ye hipau ke.

EZEKEL 5:11

Tighenguno Ampeu no asheshu, I no xü aketoi, nonguw aphikümqhüpu eno kuchhube kütsüla kümla vecheo nongu no I chineki shikitiqevae, tighenguno Ni ye Iw kikimiye ikhichile luveni eno amloighi nongu jumo momu akipimi qhitsümo nani.

HOSIYA 2:13

Baal ghulhu tsalaqo lo li no akümllagho pitipe tsü, anguthi ngo achiku no ananu shino alojipumi papewu, eno I kümsümave kehu I no li ghime nani, ipi Ampeu no asheshu.

HOSIYA 6:9

Küpkami no ala khe akeshi, achinemi ghi hekütsü kumqope acheni; panongu no Shechem laghi lono timi ghiqhi cheni; panongu no kixikila shi cheni.

AMUS 4:5

kholaqhi sükeu shikimthikütsü kümllagho pesü tsülo, eno pulokini kümllagho pesü pikülha asheshulo; kughengu nongu ye tishikeu alo chenie, O Israelmi!” ipi Ampeu no asheshu.

ZEFANIA 1:5

aki kütsüqa lono atsütsü lo aqokitikhi zülo qhoqhü chekemi, Ampeu zülo itsaqi eno tushoqhi ani kemu Milcom vecheo ghi tushoqhi chekemi,

MALAKI 3:5

“Tishino I no nongu lau küghakütha ghenguno kupunu ighi nani. Küdüumi, shupu chekemi, khunono akimki shoqhi shi cheni, khunono aqe kiqemi jume lo pishiqhi cheni, chimemi, mighimi eno inaghami qoqhi cheni, eno I sümsa chemo keno, I no panoqo shou küghatha nike ke-i thopi shi ighi nani, aqokitikhi Mpeu no pi.

Rommi 2:2

Khunono hitoi shicheni keno Alhouw küghakütha ye achipi lono pano shou ikughi chenie pi ningu no ithi ani.

ZAKINIU 32:17

Panongu no mthakeu lhou, alhou kumono tüghami lau aghashie, pano puasü no khilemu msamo keu lhou, alhou kithe ipeghi keqo mllae.

Piyeküsü 21:8

Ikemu amlo kulotimi, aküpülü pheve kemi, kitiqeve kemi, ghikiqhimi, küsalhami, küdüumi, ajulho kümllami, eno kimkimi, hipaqo saje ye ami eno amichu piti chekeu yizü lo anani, tino akithi akiniu.”

Piyeküsü 22:15

Kughengu khalau ye atsüqo, küdüu kishimi, ashupu asalhami, ghikiqhimi, ajulho kümllami, eno pishikiqhi kimiye no tipau lono xüche kemi no acheni.

XAKUTHAMI 5:8

Kughou alhou kithe kishe keno aphughi khagho lo aghükishi ighive. Israelmi 40,000 gholo azüto momu angu ithulu keshea?