फिलिप्पियों 4:8 - सिरमौरी नौवाँ नियम

⁸ इथकारिए ओए रै भाईटु जू-जू बातौ साची औसौ, औरौ आदर कै लायक औसौ, औरौ जू-जू बातौ धरमी औसौ, औरौ जू-जू बातौ पवित्र औसौ, औरौ जू-जू बातौ सुन्दर औसौ, औरौ जू-जू बातौ मनो कै भाणो वाल़ी औसौ, औरौ जू-जू बातौ बैजाए आछी औसौ, औरौ जू-जू बातौ तारीफ कै लायक औसौ, तिनु पांदी ध्यान कौरेया।

Sirmouri

⁸ ईन्देंखे हे भाऐ-बईणों जू-जू बातो साची असो, अरह् जू-जू बातो ईज्जत की असो, अरह् जू-जू बातो पबित्र असो, अरह् जू-जू बातो मंन लुभाणी असो, अरह् जू-जू बातो मंन दी भाँव, मतल्व जू भे सत्तगुण, अरह् तारीफ की बातो असो, तिन्दे गाशी ध्याँन लाव।

फिलिप्पियों 4:8 Cross References

मत्ती 22:16

पौरौ तिनुऐ आपणै चैलै खै हेरोदियों कै साथी तैसकै धोरे ऐजौ बौलदा भैजा, “ओए रै गुरुजी, आमै जाणुए, कै तू साचा औसौ, औरौ कोसी कै पोरवा ना कौरे कै लोग मुखै का बौलल़ै; औरौ पौरमेशवर कै बाट सोच्‍चाई शै शिखांए। जिथुकै तू आदमी कै मुं दैखैयो बातौ ना कौरे।

मरकुस 6:20

जिथु हेरोदेस यूहन्ना खै धरमी औरौ पवित्र आदमी जाणैबा तेसिदा डौरौ थिया, औरौ तैसकै कोयदै दै बै रक्षा कौरौ थिया। औरौ यूहन्ना कै बातौ शौणैबा बैजाए होड़बड़ाए जांव थिया, पौरौ तोबै बै सै तैसकी बातौ शुणणी पसन्द कौरौ थिया।

लूका 16:15

यीशुए तिनु बौल़ौ, “तुऐं तौ आपी खै लोगौ कै सामणै सोही दिखांव, पौरौ पौरमेशवर तोंवारै मनो कै जाणौए, जिथुकै जू बुरी चीज़ौ आदमी कै नोजरी दी खास औसौ, सैजी पौरमेशवर कै सामणै बैकार औसौ।”

लूका 2:25

तैसी सौमय यरूशलेम शहर दा शमौन नांव का ऐक आदमी थिया औरौ सैजा आदमी धरमी औरौ भकत थिया, औरौ बैसब्री शै मसीह कै आणौ का इंतजार कौरे लौआ थिया कै सै इस्राएल देश कै शान्तै दैंव, औरौ पवित्र आत्मा तैसी पांदी थै।

लूका 23:50

तिथै यूसुफ नांव का ऐक महासभा का ऐक सदस्य थिया, जू भला औरौ धरमी मर्द थिया।

यूहन्ना 7:18

जू आपणै ढौबौ शो किछै बौल़ौ, सै आपणै तारीफ चांव, पौरौ जू आपणै भैजणौवाल़ै खै तारीफ चांव सैजाई भोरोशे कै लायक औसौ। औरौ तैसदी कुणजी बैईमानी ना आथी।

प्रेरितो कै काम 10:22

तिनुऐ बौल़ौ, “कुरनेलियुस सूबेदार जू धरमी औरौ पौरमेशवर शै डोरणोवाल़ा औरौ सौबै यहूदी जाति कै लोगौ दा सुनांव आदमी औसौ, तैणै ऐक पवित्र स्‍वर्गदूतौ शै ऐजै बात पाए राए, कै ताखै आपणै घोरे बौएदैयौ तांव कैईंदा उपदैश शुणौ।”

प्रेरितो कै काम 22:12

“तोबै हनन्‍याह नांव का कानून खै हिसाब शै ऐक भोक्‍त आदमी जू मूसा कै कानून खै मानणौ वाल़ा थिया, जू दमिश्क नगर कै रौणौवाल़ै सौबी यहूदी लोगौ मुंजीदा सुनाम थिया, मैरै धोरे ओऊवा।

प्रेरितो कै काम 6:3

इथकारिए ओए रै बिशवाशी भाईयों, आपी मुंजीदै सात इजतदार मर्दो कै जू पवित्र आत्मा औरौ बुध्दि शै भौरेयौंदे हौंव, जिनकै बारै मुंजी सौबै जोणे जाणौ हौलै, चोणे पाव, कै आमु तिनु ऐसी कामौ कै जुमैवारै सौंपै सौकु।

रोमियों 13:13

आमु आपणा बर्ताव ठीक कौरे दैणा चैंई, तिनु लोगौ साए जू पेयाशै दै रौंव, औरौ इनारै दै ना रौंव, ना कै लीलाक्रीड़ा, औरौ पियक्‍कड़, ना गौलत सौमबंध दै औरौ लुचपन दै, औरौ ना झोगड़े औरौ ना ज़लन दै हौयौ बर्ताव कौरौ।

रोमियों 13:3

जिथुकै जै कुणिए आछै काम कौरौ, तौ तैसी औधिकार शै डौरणो कै जौरुरत ना आथी। पौरौ जै सै बुरै काम कौरौ तौ तैसी डौरणो कै जौरुरत औसौ, निडर हौयौ औधिकारियो कै साथै आछा काम कौर, तौ सै तुऔं आदर दैंदै;

रोमियों 14:18

जू कुणिए इयौं बौजैह शै मसीह कै सेवा कौरौ, तैसदा पौरमेशवर खुश हौंव औरौ लोग बै तैसकै बारै मुंजी आछौ बौल़ौ।

रोमियों 2:29

ऐक साचा यहूदी आदमी सैजा औसौ जैसका मन पौरमेशवर कै साथै सोही औसौ। औरौ साचा खतना सिरफ मूसा कै कानून का पालन कौरणा ना आथी; पौरौ, ऐजा मन का बदलाव औसौ, जू पौरमेशवर कै आत्मा कै दवारा हौंव। ऐशणा आदमी लोगौ शै नी, पौरौ पौरमेशवर शै तारीफ पांव।

1 कुरिन्थियों 4:5

इथकारिए जांव तौड़ी प्रभु ना आंव, तांव तौड़ी कोसी का न्याय ना कौरौ: सै सीधै तरीकै शै तिनु सौबी विचारो खै बौतांदा जू लोगौ कै धोरे औसौ जिथकै बारै मुंजी ओका कुणिए ना जाणौ। सै तिनु मकसदो खै प्रकट कौरदा जू तिनकै दिलो दै औसौ। तोबै पौरमेशवर कै ढौबौशै हरेक आदमी कै तारीफ हौन्दै।

2 कुरिन्थियों 13:7

औरौ आमै आपणै पौरमेशवर कैईंदै प्रार्थना कौरु कै तुऐं कुणजै बुराए ना कौरौ; चाहै तोंवारै ऐजौ जाणियौ कै आमै साची चोणेयौंदे चैलै ना आथी, तौ बै आमु तुऔं कारिए प्रार्थना कौरु कै कुणजाई गौलत काम कौरे बिना, तुऐं सिरफ आछै ही काम कौरौ।

2 कुरिन्थियों 6:8

चाहै लोग अमारा आदर कौरौ या निरादर कौरौ; तारीफ कौरौ या शराप दैंव, आमुए हमैशा आपणै बारै मुंजी साचौ बौल़ौ। पौरौ किछै लोगै बौल़ौ कै आमु झूठै औसौ।

2 कुरिन्थियों 8:18

औरौ आमुए तैसकै साथै औकै बिशवाशी भाई खै बै छाड़ै राए जैसकौ नांव सुसमाचार कै बौताणौ कारिए सौबै कलीसिया कै बिशवाशी मुंजी आछो औसौ,

2 कुरिन्थियों 8:21

जिथुकै जू बातौ सिरफ प्रभु ही कै नेड़िक नी, पौरौ आदमी कै नेड़िक बै भली औसौ आमै कामौ कै सोही तरीकै शै कौरणौ पांदी आपणा ध्यान दियु।

गलातियौं 5:22

सैजै गुण जू पौरमेशवर कै आत्मा कै दवारा पौयदा हौंव, ऐजै औसौ प्यार, आनन्द, शान्तै, धीरज, औरौ दया, भोलाए, बिशवाश,

इफिसियों 4:25

ऐसी बौजैह शै झूठ बौलणौ छोड़ेयौ, हरेक आपणै साथी बिशवाशी शै साचौ बौल़ौ, जिथुकै आमै सौबै ऐकी शोरीर कै अंग औसौ।

इफिसियों 5:9

जिथुकै जै कुणिए आदमी पेयाशै दा औसौ, तौ तैसका बर्ताव आछा औरौ धार्मिक हौंव, औरौ तैसी पांदी भोरोशा कौरे सौकौ।

इफिसियों 6:14

पौरमेशवर कै सच कै आपणै कमर दै बेल्ट कै जैशणै बानै पाव, औरौ धार्मिकता कै कवच कै जैशणा बाम्बै पाव।

फिलिप्पियों 3:1

इथकारिए ओए रै मैरै बिशवाशी भाईटु, प्रभु दै सौदा खुश रौव। सैजी बातौ तुऔं कै बार बार लिखणौ मुंजी मुखै तौ कुणजाई कोष्ट ना हौंव, बल्कि ऐजी बातौ झूठै गुरुओं शै तुंआरी रक्षा कौरदी।

कुलुस्सियों 4:5

हर मोके का आछै शै इस्तैमाल कौरौ ऐजौ दिखाणौ कारिए कै तुऐं बिशवाशी औसौ औरौ जू लोग यीशु पांदी बिशवाश ना कौरौ तिनकै साथै बुध्‍दिमानी शै बर्ताव कौरौ।

1 थिस्सलुनीकियों 4:12

ताकि सैजै लोग जू अबिशवाशी औसौ दैखौ कै तुऐं रौज कैशणा बर्ताव कौरौ, औरौ सै तोंवारा आदर कौरौ औरौ तुऐं आपणी जौरुरतौ कारिए कोसी कै भोरोशे दै ना रौलै।

1 तीमुथियुस 2:2

राजाओं कारिए औरौ तिनु सौबी लोगौ कारिए प्रार्थना कौरौ जू औधिकार दै औसौ ताकि सै आमु शान्तै औरौ सुरक्षा शै रौणौ दै मौदद कौरौ ताकि आमै पौरमेशवर कै आराधना कौरे सौकु औरौ ओकीआरी सौदा सोही बर्ताव राखु।

1 तीमुथियुस 3:11

ऐशैखैई तिनकी घोरवाल़ी सौबी कै दवारा आदर पाणौ कै लायक हौणी चैंई। निन्दा कौरणौवाल़ी नी हौणी चैंई, शान्त तरीकै शै बर्ताव कौरणौवाल़ी हौणी चैंई औरौ पूरी तरह शै भरोसेमंद हौणी चैंई।

1 तीमुथियुस 3:4

तैसी आपणै घोरो का आछा इतंजाम कौरणौवाल़ा हौणौ चैंई, औरौ तैसी आपणै नानड़िया कै शिखाणौ चैंई कै सै हर बात दै आदर कै साथै तैसकी आज्ञा खै मानौ।

1 तीमुथियुस 4:12

ऐशैखै बर्ताव कौरौ कै कुणिए बै तैरा अनादर नी कौरौ, जिथुकै तू जोवान औसौ, पौरौ ताखै आपणै बौल चाल दो आछै बर्ताव कै साथै, प्यार कै साथै, मसीह कै बिशवाश कै साथै औरौ पवित्र जीवन जिणौ कै साथै बिशवाशी लोगौ कारिए नमूना बोणणौ चैंई।

1 तीमुथियुस 5:10

औरौ ओकी लोगौ कै इयौं बातौ कै पौछेयाण कौरणी चैंई कै तियैं सौदा आछै काम कौरे राए हौलै; जैशैखै, तियैं आपणै नानड़िया का पालन पोषण आछै तरह शै कौरे राए हौला, तियैं यात्रा कौरणौवाल़ै बिशवाशियौं का आपणै घोरे स्वागत कौरे राय हौला, तियैं ओकी बिशवाशियौं कै सेवा ऐक नौकराणी कै जैशणै कौरे राए हौलै औरौ तियैं तिनु लोगौ कै मौदद कौरे राए हौलै जू पौरैशानी दै थिए। तियैं हर तरह कै भले काम कौरणौ कारिए खुद कै पूरी तरह शै दैय राए हौला।

1 तीमुथियुस 5:2

आपी दी बौड़ी बैटमाणिशौ कै आपणी माँ कै जैशणा बर्ताव कौरेया, औरौ आपी दी नानड़ी बैटमाणिशौ कै साथै आपणी बोईण कै जैशणा शुध्द मन कै साथै बर्ताव कौरेया।

तीतुस 1:8

पौरौ पौऊंणै का आदर कौरणौवाल़ा, भोलाए का चाणो वाल़ा, सौब्री, धरमी, पवित्र औरौ भावनाओं पांदी काबू राखणौ वाल़ा; हौणा चैंई।

तीतुस 2:14

यीशु मसीह आमु कारिए बलिदान हौए गौआ ताकि आमै सौबै जोणे पापौ शै आज़ाद हौए सौकु औरौ आमु संस्कार दै शुध्द हौए सौकु ताकि आमै तैसकै खास लोग बौणै जोऊं, जू भले काम कौरणौ कै बौड़ै इछा राखौ।

तीतुस 2:2

बुजूर्ग मर्द कै आपी पांदी काबू राखणा चैंई औरौ ऐशैखै बर्ताव कौरणा चैंई ताकि लोग तिनका आदर कौरौ औरौ सौमझदारी शै बर्ताव कौरणा चैंई। तिनु पौरमेशवर पांदी मोजबूती शै बिशवाश कौरणा चैंई, औरौ ओकी लोगौआरी सौचाई शै प्यार कौरणा चैंई औरौ सैहनशोकती राखणै चैंई।

तीतुस 2:7

ताखै सौबी बातौ दै उदारण कै रुप दै आछै काम कौरणै चैंई, जिथका औकै लोग सौदा पालन कौरे सौकौ। जोबै तू बिशवाशियौं खै पौरमेशवर कै बारै मुंजी शिखाए, तौ ताखै आछै मकसद कै साथै शिखाणौ चैंई औरौ ऐशैखैई लोग तैरा आदर कौरलै।

तीतुस 3:14

सिरफ ऐशैखैई नी, पौरौ तू बिशवाशियौं कै शिखांदा रो कै सै आछै काम कौरणौ कै लगातार मैहनत कौरदै रौंव ताकि तिनु लोगौ की जौरुरतौ पूरी कौरे सौकौ जिनुवागै जौरुरत की चीज़ौ ना आथी। ऐजै बात बिशवाशियौं कै शिखा कै सै बैकार कै जिन्दगी ना जियौं।

इब्रानियों 11:2

अमारै पुराणिया का ऐशणा बिशवाश थिया। सिरफ इयौं बौजैह शै पौरमेशवर तिनुदा खुशी थिया।

इब्रानियों 13:18

अमारै खातिर प्रार्थना कौरदै रौव, जिथुकै आमै निशोंक हौयौ जाणुए, कै अमारा विवेक शुध्द औसौ, औरौ आमै जू बै काम कौरो तिनु सौबी कामौ दा पौरमेशवर का आदर कौरणा चांव।

याकूब 1:27

अमारै पौरमेशवर पिता खै नेड़िक साफ औरौ निर्मल भोक्‍ती ऐजै औसौ कै, अनाथो औरौ विधवा कै कौल़ेश दा तिनका ख्याल राखौ औरौ आपी कै दुनिया की बुरी बातौ शै बौचाए राखौ।

याकूब 3:17

पौरौ जू ज्ञान पौरमेशवर दैंव, सै आगै तौ पवित्र हौंव, तेई शान्तै दैणौवाल़ा, कोमल, औरौ सै ओकी कै अधीन रौणौवाल़ा हौंव, ऐजा दया औरौ आछै कामौ शै भौरेयौंदा औरौ ईमानदार औरौ बिना कपट वाल़ा हौंव।

1 पतरस 1:22

तुऔं तोंवारै पापौ शै शुध्द कौरे राए ऐबै तुऔं आपणै साथी बिशवाशी शै खराई कै साथै प्यार कौरणा चैंई। औरौ ऐकी दुजैआरी जादा शै जादा औरौ पूरै मन शै प्यार कौरणा जारी राखौ।

1 पतरस 2:12

बैगानै यहूदी लोगौ मुंजी तोंवारा बर्ताव आछा हौणा चैंई। जू लोग ऐबै तुऔं पांदी ऐशणै दोष लांव कै तुऐं बुरै काम कौरौ, सैजैई लोग जैसी दूसै पौरमेशवर आला तैसी दूसै तोंवारै आछै कामौ कै दैखियौ पौरमेशवर कै महिमा कौरदै।

1 पतरस 4:8

सौबदै खास बात ऐजै औसौ, कै ऐकी दुजैआरी जादा शै जादा प्यार कौरौ जिथुकै जै तुऐं लोगौआरी प्यार कौरलै तौ तुऐं हमैशा कोसी बै गौलत काम खै माफ कौरणौ कारिए तैयार रौंदै जू तिनुऐ कौरे राए।

2 पतरस 3:1

ओए रै बिशवाशी भाईटु, ऐबै हांव तुऔं ऐजी दूजै चिट्ठी लिखु, मोऐं तुऔं ऐजी दुईनै चिट्ठी इथकारिए लिखी ताकि जू बातौ तुऐं आगै शै ही जाणौए, तिनकै बारै मुंजी तुऔं याद दियाणौ कै दवारा हांव तोंवारै मन दै साफ विचारो खै पौयदा कौरे सौकु।

1 यूहन्ना 3:18

ओए रै प्यारे नानड़िया, तुऔं साची मौदद कौरेयौ ओकीआरी आपणा प्यार दिखाणा चैंई ना कै सिरफ प्यार कै बारै मुंजी बातौ कौरणी चैंई।

1 यूहन्ना 3:3

औरौ जू कुणिए मसीह पांदी आशा राखौ, सै आपणै आपी खै तैशैखैई पवित्र कौरौ जैशैखै सै पवित्र औसौ।

1 यूहन्ना 4:1

ओए रै प्यारो, हरेक आदमी पांदी बिशवाश ना कौरौ जू पवित्र आत्मा कै दवारा बौलणौ का दावा कौरौ: यानी आत्माओं खै पौरखौ कै सै पौरमेशवर कै ढौबौशै औसौ कै ना आथी; जिथुकै बौहितै झूठै पौरमेशवर कै बातौ बौताणौवाल़ै इयौं दुनिया पांदी आए गौवै।