फिलिप्पियों 3:9 - सिरमौरी नौवाँ नियम

⁹ औरौ हांव तैसकै साथै एकता दा रौए सौकु; ऐबै मैरी धार्मिकता ऐजै ना आथी जू मूसा कै कानून का पालन कौरणौ शै भैटौ, पौरौ ऐबै मैरै धार्मिकता सैजी औसौ जू सिरफ मसीह पांदी बिशवाश कौरणौ कै बौजैह शै पौरमेशवर शै मुखै भैटौए।

Sirmouri

⁹ अरह् हाँव तिन्दा संमाँऐ ज़ाऊँ, के आप्णी तियों धार्मिक्त्ता आरी, जुण्जी अज्ञाँ-निय्म शी माँनी ज़ाँव; परह् तेसी धार्मिक्त्ता आरी, जुण्जें के मसीया दी बिश्वाष कर्णों के कारण असो; अरह् तेसी बिश्वाष लंई पंण्मिश्वर आँमों आप्णी नंजरी दे धर्मी बंणाँऐ दियों।

फिलिप्पियों 3:9 Cross References

मत्ती 9:13

इथकारिए तुऐं जाएयो इथका मतलब शैखै पाव, कै हांव बलिदान नै पौरौ दया चोऊं, जिथुकै हांव पापी लोगौ खै बोईददा आए रौआ, ना कै तिनु बोईददा जू आपी कै धरमी बौणौ।”

रोमियों 1:17

जिथुकै सुसमाचार दा पौरमेशवर लोगौ कै आपणै साथै सोही बौणांव औरौ पूरी तरह शै तिथपांदी भोरोशा कौरणा चैंई; जू शुरु शै आखरी तौड़ी बिशवाश पांदी टिकैयौंदा औसौ: जैशै पवित्र शास्त्र दो लैखै राखौ, “सैजा आदमी जू बिशवाश शै धरमी बौणै रौआ सै जियुंदी रौंदा।”

रोमियों 10:10

आमै आपणै मन शै बिशवाश कौरु, औरौ इथकारिए आमु पौरमेशवर कै साथै धरमी साबित होऊं। औरौ अमारै मुँह कै अंगीकार अमारै बिशवाश कै दिखांव जिथलैई आमै बौचाए जोऊं।

रोमियों 16:7

अन्‍द्रुनीकुस औरौ यूनियास कै जू मैरै साथी यहूदी औसौ, औरौ मैरै साथै कैदी बै थिए औरौ चोणेयौंदे चैलै तिनु आछै शै जाणौए, औरौ ऐजै दुईनै जोणे मुं दै आगै मसीह दै आए गौवै थिए, नमशकार।

रोमियों 5:21

कै जैशै सौबै लोगै पाप कौरा औरौ सै सौबै मौरे गौवै, तैशैखैई अमारै प्रभु यीशु मसीह कै दवारा पौरमेशवर का अनुग्रह तिनु धरमी औरौ सौदा कै जिन्दगी दैंदा।

रोमियों 8:1

इयौं बौजैह शै ऐबै जू मसीह यीशु दै औसौ, तिनु पांदी सौजा कै आज्ञा ना आथी।

रोमियों 8:3

जिथुकै जू काम मूसा कै कानून अमारै पापी स्‍वभाव दै कमजोर हौयौ ना कौरे सौकी, तैसी काम कै पौरमेशवरे कौरा, यानी आपणै ही बैटै कै अमारै जैशणा आदमी हौणौ कारिए, औरौ अमारै पापौ कै बलिदान हौणौ कारिए भैजा। आपणै बैटै कै शोरीर कै दवारा पौरमेशवरे पाप कै शौकतै कै मिटाए दी।

1 कुरिन्थियों 1:30

पौरौ पौरमेशवरे तुऔं मसीह यीशु कै साथै एकजुट कौरे राए, औरौ मसीह कै दवारा सै आमु आपणा ज्ञान दैंव। पौरमेशवर बै आमु तैसकै नज़र दै धरमी बाणौ। मसीह कै दवारा आमु पवित्र बाणै जांव औरौ सै आमु पापौ शै आज़ाद कौरौ।

2 कुरिन्थियों 5:17

इथकारिए जै कुणिए मसीह दा बिशवाश कौरौ तौ तैणै मसीह दा नौवाँ स्‍वभाव पाए राए: पुराणा स्‍वभाव बीती गौआ; औरौ दैखौ, सैजौ सौबै नौंओ हौए गौ।

2 कुरिन्थियों 5:21

मसीह जू पाप शै अणजाण थिया, पौरमेशवरे अमारै पापौ कारिए मसीह खै दोषी ठैहरोऊवा, ताकि आमै पौरमेशवर कै नज़र दै धरमी बौणै जोऊं जिथुकै मसीहे अमारै पापौ कै सौजा आपी पांदी लौए।

गलातियौं 2:16

तोबै बै आमु यहूदी बिशवाशी जाणुए कै मूसा कै कानून का पालन कौरेयौ कुणजाई बै आदमी पौरमेशवर कै नज़र दा धरमी ना ठोहरदा। पौरौ सिरफ यीशु मसीह पांदी बिशवाश कौरणौ कै दवारा धरमी ठोहराए जांव। इथकारिए आमुए आपी बै यीशु मसीह पांदी बिशवाश कौरा, कै आमै मूसा कै कानून कै कामौ लैई नी पौरौ यीशु मसीह पांदी बिशवाश कौरणौ शै धरमी ठोहरदै; जिथुकै मूसा कै कानून का पालन कौरणौ शै कुणिए बै आदमी धरमी ना ठोहरदा।

फिलिप्पियों 3:6

जोश कै बारै मुंजी जै बुलू तौ हांव कलीसिया कै सोताणो वाल़ा थिया; औरौ यहूदी कानून का पालन कौरणौ मुंजी हांव ऐक धरमी आदमी थिया जिथुकै मोऐं तिनु सौबी बातौ का पालन कौरा।

2 तीमुथियुस 1:9

जैणै अमारा उध्दार कौरा, औरौ आमु ऐक पवित्र जीवन जिणौ कारिए बोइदै औरौ तैणै आमु इथकारिए ना बौएदै रैई जिथुकै आमै आछै काम कौरे राए; पौरौ आपणी योजना औरौ तैसी अनुग्रह कै हिसाब शै; जोबै इदै औगौड़ियौ कै पौरमेशवरे दुनिया बाणै, मसीह यीशु कै दुनिया दा मौरणौ कारिए भैजणौ कै दवारा आपणै दया दिखाणौ कै योजना बाणै राए थै।

तीतुस 3:5

तैणै आमु अमारै पापौ कै सौजा शै बौचौऊवै, औरौ ऐजौ धार्मिक कामौ की बौजैह शै नी, जू आमुए आपी कौरे, पौरौ बौजैह शै जू तैणै आमु पांदी दया कौरे राए। पौरमेशवरे आमु नौवाँ जीवन दैय राए। तैणै अमारै पापौ कै आमुवा दै दूर कौरे दिए औरौ आमु इथ लायक बाणै कै आमै ऐक नौवें तरीकै शै बर्ताव कौरणा शुरु कौरु। तैणै आपणै पवित्र आत्मा कै अमारै भीतरै राखैयौ ऐशै कौरे राए।

इब्रानियों 6:18

तौ तोबै ऐजी दौ बातौ औसौ तैसका वादा औरौ तैसकै शौं जू कौलोंई ना बौदलै सौकौ औरौ जिथकै बारै मुंजी पौरमेशवर कौलोंई झूठु ना बौल़ै सौकौ। इथकारिए आमै जू पौरमेशवर कै नेड़िक रक्षा पाणौ खै ओऊं औरौ जू आशा तैणै आमु दैय राए, तियौं थाम्बैयौ, बैजाए खुशी औसौ।

याकूब 3:2

आमै सौबै बौहितै बैई चौकी जोऊं पौरौ जै कुणिए आदमै जू सै बौल़ौए तिथमुंजी कौलोंई गौलती ना कौरौ सैजाई तौ सिध्द आदमै औसौ, औरौ सै आपणै सौबी कामौ दा आपी खै काबू कौरे सौकौ।

2 पतरस 1:1

मोऐं शमौन पतरसे ऐजै चिट्ठी लिख लोए जू यीशु मसीह का सेवक औरौ चोणेयौंदा चैला औसौ। मोऐं तुऔं सौबी कारिए लैख लोए जू तैसी कीमती बिशवाश कै साझा कौरौ जू आमुदा औसौ, सैजा बिशवाश जू अमारै पौरमेशवरे मोक्ति दैणौवाल़ै यीशु मसीह कै दवारा आमु दैय राए, जू आमु पौरमेशवर कै साथै सोही बाणौ।

1 यूहन्ना 3:4

जू कुणिए आदमी लगातार पाप कौरौए, सै पौरमेशवर कै कानून खै मानणौ शै मौना कौरौ, औरौ पाप कौरणा कानून कै मानणौ शै मोना कौरणा औसौ।