फिलिप्पियों 2:3 - सिरमौरी नौवाँ नियम

³ स्वार्थ औरौ घमण्‍ड कारिए किछै ना कौरौ, पौरौ दीनता शै ऐकी दूजै कै आपी शै जादा आछोड़ै सौमझौ।

Sirmouri

³ बिरूध, झूठी बड़ियाऐं, तारीफ, खे किऐ ने करे, परह् नंरमाँऐं, शे ओका ओकी खे आपु शा आछा जाँणे।

फिलिप्पियों 2:3 Cross References

लूका 18:14

यीशुए बौल़ौ हांव तुऔं खै बुलू, कै फरीसी आदमी ना, पौरौ मामला लोणो वाल़ा आदमी पौरमेशवर कै नज़र दा धरमी हौयौ आपणै घोरे हौटै गौआ; जिथुकै जू कुणिए आपी खै बौड़ा सौमझला सै नानड़ा हौंदा; औरौ जू आपी खै नानड़ा सौमझला, सै बौड़ा बौणाए जांदा।”

रोमियों 12:10

जैशणा प्यार आपणै परिवार आरी कौरौ तैशणाई प्यार ओकीआरी बै कौरौ; आपी मुंजी आदर कौरणौ दै ऐकी दूजै शै बौढ़ेयौ चालौ।

रोमियों 13:13

आमु आपणा बर्ताव ठीक कौरे दैणा चैंई, तिनु लोगौ साए जू पेयाशै दै रौंव, औरौ इनारै दै ना रौंव, ना कै लीलाक्रीड़ा, औरौ पियक्‍कड़, ना गौलत सौमबंध दै औरौ लुचपन दै, औरौ ना झोगड़े औरौ ना ज़लन दै हौयौ बर्ताव कौरौ।

रोमियों 2:8

पौरौ जू मतलबी औसौ औरौ सौचाई कै ना मानौ, यानी जू बुराई कौरणी चांव, तिनु पांदी पौरमेशवर बैजाए गुस्सा कौरदा।

1 कुरिन्थियों 15:9

जिथुकै हांव चोणेयौंदे चैलो मुंजीदा सौबिदा कम खास औसौ, सौथी कै चोणेयौंदा चैला बोल़णो कै लायक बै ना आथी, जिथुकै मोऐं पौरमेशवर कै कलीसिया दै बिशवाशियौं खै सोताए राए थिए।

1 कुरिन्थियों 3:3

जिथुकै ऐबै बै तुऐं इयौं दुनिया कै लोगौ कै जैशणै रौंव। इथकारिए, कै जोबै तुऔं मुंजी ज़लन औरौ झोगड़े औसौ, का ऐजौ साबित ना हौंव कै तुऐं पाप वाल़ी इछा कै काबू दै औसौ? तुऐं दुनिया कै लोगौ कै जैशणै जियौं जू प्रभु कै ना आथी।

2 कुरिन्थियों 12:20

जिथुकै मुखै डौर औसौ, कोदी ऐशैखै ना हौंव, कै हांव आयौ जैशै चोऊं, तैशै तुऔं ना पोऊँ, औरौ मुखै बै जैशैखै तुऐं ना चांव तैशैखैई पांव, मुखै डौर औसौ कै तुऐं मुंजी झोगड़ा, बौदला, गुस्सा, मतलबीपन, ज़लन, चुगली, घमण्‍ड औरौ बौवाल ना हौंव।

गलातियौं 5:15

पौरौ जै तुऐं लगातार ऐकी दुजैआरी लोड़दै रौंव औरौ ऐकी दूजै खै पौरैशान कौरदै रौंव तौ चौकश रौया, तुऐं आपी खै बोरबाद कौरे दैंदै।

गलातियौं 5:26

आमु घमण्‍ड नै कौरणा चैंई, आमु ऐकी दूजै शै पौरैशान नी हौणौ चैंई, औरौ आमु ऐकी दूजै शै ज़लन नै राखणै चैंई।

इफिसियों 4:2

औरौ पूरै दीनता, औरौ नम्रता कै साथै, औरौ धीरज धोरेयौ ओकी कै बर्ताव कै सैहन कौरौ,

इफिसियों 5:21

औरौ मसीह कै प्रति खुशी शै औरौ भोक्‍ती राखणौ कै बौजैह शै, तुऐं ऐकी दूजै कै अधीन रौव।

फिलिप्पियों 2:14

सौबै काम बिना कुड़कुड़ाए औरौ बिना बैहस कै कौरेया कौरौ।

कुलुस्सियों 3:12

पौरमेशवरे तुऔं आपणै पवित्र लोग हौणौ कारिए चोणे राए औरौ सै तुऔंआरी प्यार कौरौ इथकारिए बौड़ै दया औरौ भोलाए, दीनता औरौ नम्रता औरौ सैहन शीलता धारण कौरौ।

कुलुस्सियों 3:8

पौरौ ऐबै तुऔं बै इनु सौबै कामौ कै यानी गुस्सा, रुशणौ, बैरभाव, नेंदैया औरौ गाल़ी दैणी बन्द कौरे दैणी चैंई।

1 तीमुथियुस 6:4

तौ सै घमण्डी औसौ, औरौ सै किछै बै ना सौमझौ। ऐशणा आदमी बैकार कै मुदै औरौ बातौ कै बारै मुंजी बैहसबाजी औरौ झोगड़ा कौरणौ कै इछा राखौ, जिनु लैई ज़लन औरौ झोगड़े औरौ नेंदैया की बातौ, औरौ बुरै-बुरै शक हौं,

1 पतरस 3:8

आखरी दौ हांव तुऔं सौबी खै बुलू, कै तुऔं सौबी का ऐक मन हौणा चैंई औरौ ऐकी दूजै कै फिकर कौरौ औरौ ऐकी दुजैआरी भाई-बौईणी कै जैशणा प्यार कौरौ औरौ ओकी पांदी दया कौरौ औरौ ऐकी दूजै कै साथै नम्र बौणौ।

1 पतरस 5:5

ऐशैखैई तुऔं जोवान लोगौ कै, अगुवो कै बात मानणै चैंई। तुऔं सौबी खै नम्रता कै साथै ऐकी दूजै कै सेवा कौरणै चैंई। जिथुकै पवित्र शास्त्र दौ लैखै राए कै, “पौरमेशवर घमण्डी लोगौ का विरोध कौरौ, पौरौ नम्र पांदी अनुग्रह कौरौ।”