फिलिप्पियों 2:21 - सिरमौरी नौवाँ नियम

²¹ सौबै आपणै ही मतलब खै खोज़ दै रौंव, सै यीशु मसीह शै जोड़ेयौंदे बातौ कै बारै मुंजी फिकर ना कौरौ।

Sirmouri

²¹ किन्देंखे के बादे आप्णे-आप्णे मतल्व की खोज दे रंह्, ना के यीशू मसीया की खोज दे।

फिलिप्पियों 2:21 Cross References

मत्ती 16:24

तोबै यीशुए आपणै चैलै कै बौल़ौ, “जै तुऐं मैरै चैलै बौणणे चांव, तौ तुऔं खै आपणी इछाएं छुड़णी पौड़ली। औरौ आपणा क्रूस टिपयौ मैरै पौछौड़ियौ हांडणौ पोड़लो (आपणै क्रूस उठाणौ का मतलब औसौ, दुख औरौ नेंदैया सोणै पोड़दै औरौ आपणै प्राण तक बै दैणै पोड़लै)।

लूका 14:26

“जै तुऐं मैरै चैलै बोणणा चांव, औरौ तुऐं आपणै माँ औरौ बापू औरौ घोरवाल़ै औरौ नानड़िया औरौ भाईयों औरौ बोइणी औरौ आपणै प्राण कै जादा प्यार कौरौ, तौ तुऐं मैरै चैलै ना बौण सौकौ।

प्रेरितो कै काम 13:13

पौलुस औरौ तैसकै साथीए पाफुस शहर शै समुन्द्री यात्रा शुरु कौरे औरौ सै पंफूलिया प्रदेश कै पिरगा शहर दै पौंचै गौवै, औरौ यहून्ना जैसीखै मरकुस बै बौल़ौ तिनु छोड़ेयौ यरूशलेम शहर कै हौटै गौआ।

प्रेरितो कै काम 15:38

पौरौ पौलुसे यहून्ना (मरकुस) कै जू पंफूलिया प्रदेश दा तिनुदा जौई हौए गौआ थिया, औरौ कामौ पांदी तिनकै साथी ना हुटी, साथ निणा आछौ ना सौमझी।

1 कुरिन्थियों 10:24

कुणिए आपणै ही भोलाए खै ना सुंचौ पौरौ ओकी कै भोलाए कै बारै मुंजी बै ध्यान दैया।

1 कुरिन्थियों 13:5

सै ओकी कै साथै गौलत बर्ताव औरौ अनादर ना दिखांव, सै सिरफ खुद कै खुश कौरणौ कै बारै मुंजी ना सुंचौ, सै तावल़ै गुस्से ना हौंव औरौ तिनु तिनकै खिलाफ कौरेयौंदी बुरी बातौ याद ना रौंव।

2 कुरिन्थियों 1:5

जिथुकै जैशैखै आमु मसीह दी पीड़ो सैहन कौरी तैशैखैई मसीहे बै पीड़ो सैई। तैशैखैई आमु बै मसीह कै दवारा जादा शान्तै भैटदी।

फिलिप्पियों 2:4

हरेक आपणै भोलाए कै नी, पौरौ ओकी कै भोलाए कै बै फिकर कौरौ।

2 तीमुथियुस 1:15

तू जाणैए कै एशिया प्रदेश दै रौणौवाल़ै कैई बिशवाशीए मुखै छोड़े दिया, जिनुमुंजी फूगिलुस औरौ हिरमुगिनेस औसौ।

2 तीमुथियुस 3:2

जिथुकै लोग सिरफ आपी आरी प्यार कौरदै ओकी लोगौआरी नी, धन कै लोभी, डींगमार, घमण्डी, ओकी लोगौ की बैज्जती कौरणौवाल़ै, माँ बापू कै आज्ञा ना मानणोवाल़ै, ओकी लोगौ का सान ना मानणोवाल़ै, अपवित्र,

2 तीमुथियुस 4:10

जिथुकै देमासे इयौं दुनिया कै चीज़ौ शै प्यार राखैयौ मुखै छोड़े दिया, औरौ थिस्सलुनीके शहर खै हौटै गौआ। बिशवाशी भाई क्रेसकेंस गलातिया प्रदेश कै हौटै गौआ औरौ तीतुस दलतिया प्रदेश कै हौटै गौआ।

2 तीमुथियुस 4:16

आगली बैई जोबै हांव रोम शहर कै अदालत दा आपणी बेगुनाई साबित कौरणौ कै हौटा, तोबै मैरै तरफ शै बौलणौ वाल़ा कुणिए बै ना थी, औरौ सौबीए मैरा साथ छोड़े दिया। हांव प्रार्थना कौरु कै पौरमेशवर इयौं बातौ कारिए तिनु माफ कौरौ।