फिलिप्पियों 1:20 - सिरमौरी नौवाँ नियम

²⁰ मैरै दिल कै इछा औरौ आशा ऐजै औसौ, कै हांव कियौंई बै बातौ दा शर्मिंदा ना होऊं, पौरौ मुखै मसीह कै बारै मुंजी बौलणौ खै हिम्मत भैटौ जैशैकै मोऐं बीतैयौंदे सौमय दौ कौरे राए थियु। चाहै हांव जियुंदी रोऊं या मौरे जोऊं हांव आपणै पूरै जिन्दगी कै दवारा मसीह का आदर कौरदा रौंदा।

Sirmouri

²⁰ हाँव तअ दिल शो चहाऊँ, अरह् भूर्षा थऊँ; के हाँव कोसी बातो दा शर्मिन्दा ने होंऊ, परह् जेष्णी मेरी बड़ी हिमम्त्त के जाँणें मसीया के बड़ियाऐ मेरी देह्-शरीर के जाँणें सदा हंदी रंह्, तैष्णी ही ऐबे बे हंदी रंह्, हाँव जीऊदा रंऊँ भाँव मँरी ज़ाऊँ।

फिलिप्पियों 1:20 Cross References

यूहन्ना 21:19

यीशुए ऐजौ बौताणौ कारिए बौल़ौ कै पतरस कैशैकै मौरदा औरौ कैशैकै पौरमेशवर कै महिमा कौरदा; ऐजौ बौलेयौ तैणै तैसीखै बौल़ौ, “मैरा चैला बौणेयौंदा रो”

प्रेरितो कै काम 20:24

पौरौ हांव आपणै प्राणो खै किछै ना सौमझु कै आपी आरी प्यार कौरु, पौरौ ऐजौ कै हांव आपणै दौड़ खै, औरौ तियौं सेवा खै पूरी कौरु, जू मोऐं पौरमेशवर कै अनुग्रह कै सुसमाचार पांदी गवाही दैणौ कारिए प्रभु यीशु कैईंदै पाए राए।

प्रेरितो कै काम 21:13

पौरौ पौलुसे जोवाब दिया, “तुऐं ऐजौ का कौरौ, कै रुए-रुयो मैरा मन तौड़ौ? हांव तौ प्रभु यीशु कै नांव कारिए यरूशलेम शहर दा सिरफ बानणो कारिए ही नी पौरौ मोरणो कारिए बै तैयार औसौ।”

प्रेरितो कै काम 4:31

जोबै तिनुऐ प्रार्थना कौरे पाए, तौ सैजै जौगैह जिथै सै कौठै थिए हिंजल़ी गौए, औरौ सैजै सौबै पवित्र आत्मा दै भोरै गौवै, औरौ पौरमेशवर का वचन हिम्मत लैई शुणादै रौवै।

रोमियों 12:1

इथकारिए ओए रै बिशवाशी भाईयों, हांव तुऔं पौरमेशवर कै दया याद दियायौ बिन्ती कौरु, कै आपणै जीवनो कै जियुंदी, औरौ पवित्र औरौ पौरमेशवर खै भायो बलिदान कौरेयौ चौढ़ाव; ऐजा तोंवारै पौरमेशवर कै सेवा कौरणौ का साचा तरीका औसौ।

रोमियों 5:5

औरौ आशा लैई शर्म ना हौंव, जिथुकै पवित्र आत्मा जू पौरमेशवरे आमु दैय राए तैसकै दवारा पौरमेशवर का प्यार अमारै मनो कै आपणै प्यार लैई भोरै राए।

रोमियों 6:13

औरौ ना शोरीर कै अंगो कै बुरै मकसदो कारिए सौंपौ पौरौ आपी कै मौरेयौंदे मुंजीदै जियुंदी हौयौ जाणैबा, आपणै जीवन पौरमेशवर कै सौंपौ, औरौ आपणै शोरीर कै अंगो कै सोही काम कौरणौ कारिए पौरमेशवर कै सौंपौ।

रोमियों 6:19

मोऐं गुलामी का ऐजा उदारण तुऔं खै इथकारिए दिया ताकि तुऐं इनु कामकै सौमझै सौकौ कै मोऐं का शिखाए लो। जैशै तुऐं आपणै शोरीरो कै अंगो कै अशुध्दता औरौ कुकर्म कै दास कौरेयौ सौंपै राए थिए, तैशैखैई ऐबै आपणै अंगो खै पवित्रता कारिए धार्मिक जीवन जिणौ कारिए सौंपै दैव।

रोमियों 8:19

जिथुकै सारी दुनियाए बौड़ी आशा भोरी नोज़रो लैई पौरमेशवर कै संतानो कै प्रगट हौणौ कै ठोल़नाए कौरे लोए।

रोमियों 9:33

जैशैखै पवित्र शास्त्र दो लैखै राए, “दैखौ, मोऐं यरूशलेम शहर दा ठोकर लागणौ वाल़ा पाथर, औरौ लोगौ खै रिड़ाणौ वाल़ी चट्टान राखै लौए, औरौ जू तैसी पांदी बिशवाश कौरला, सै बैज्जत ना हौंदा।”

1 कुरिन्थियों 15:31

ओए रै बिशवाशी भाईयों, हांव हर दूस मारै जाणौ कै खतरै दा औसौ। ऐजौ साचौ औसौ कै मुखै तुऔं पांदी गर्व औसौ कै तुऐं अमारै प्रभु यीशु मसीह कै साथै एकजुट औसौ।

1 कुरिन्थियों 6:20

पौरमेशवरे यीशु मसीह का जीवन दैयौ तुऔं छुटकारा दैय राए इथकारिए आपणै शोरीर कै दवारा पौरमेशवर कै महिमा कौरौ।

1 कुरिन्थियों 7:34

औरौ तैसका ध्यान बौंटेयौंदा रौंव। तैशैखैई बिना घोरवाल़ै की औरौ कुंवारी बैटमाणिशौ का ध्यान बै प्रभु कै बारै मुंजी लागैयौंदा रौंव औरौ इथकारिए सै शोरीर औरौ आत्मा दी पवित्र रौणौ कै कौचिश कौरदै रौंव, पौरौ सैजै बैटमाणिश, जू बैयाएयौंदे औसौ, दुनिया कै बारै मुंजी ध्यान राखौ कै सै आपणै घोरवाल़ै खै कैशैखै खुशी राखै सौकौ।

2 कुरिन्थियों 10:8

जिथुकै जै हांव तैसी औधिकार कै बारै मुंजी हौजौ बै घमण्‍ड दिखोऊ, जू प्रभुए तोंवारै बिशवाश खै नाश कौरणौ कारिए नी पौरौ तोंवारै बिशवाश खै बौढ़ाणौ दै मौदद कौरणौ कारिए आमु दैय राखा, तौ शर्मिंदा ना हौंदा।

2 कुरिन्थियों 3:12

इथकारिए ऐशणै आशा राखैयौ आमै हिम्मत कै साथै बुलू,

2 कुरिन्थियों 4:10

आमै सौदा तिनु चीज़ौ खै आपणै शोरीरो दै महसूस कौरु जू यीशुए महसूस कौरी जोबै सै मौरा, ताकि जू काम आमै आपणै शोरीर लैई कौरु तिथकै दवारा लोग यीशु कै जीवन कै दैख सौकौ। जिथुकै आमु जीतै ज़ी हमैशा यीशु की बौजैह शै मौत कै खतरै दै औसौ कै यीशु का जीवन अमारै नाश हौणौ वाल़ै शोरीरो दा प्रगट हौंव।

2 कुरिन्थियों 5:15

औरौ इथकारिए मसीह सौबी कै खातिर मौरा, कै जू जियुंदै औसौ, सै आगै शै आपी खै खुश कौरणौ कारिए ना जियौं पौरौ तिनुकै मसीह कारिए जीणु चैंई। मसीह तिनकै खातिर मौरा औरौ पिता पौरमेशवरे तैसीखै जियुंदी कौरा।

2 कुरिन्थियों 7:14

जिथुकै जै मोऐं तैसकै सामणै तोंवारै बारै मुंजी किछै घमण्‍ड दिखोऊवा, तौ शर्मिंदा ना होई, पौरौ जैशै आमुए तुऔं खै सौबै बातौ साची-साची बौल़ै दी थी, तैशैखैई अमारा घमण्‍ड देखाणा तीतुस कै सामणै बै साचा निकल़ा।

2 कुरिन्थियों 7:4

मोऐं तुऔं कैंई बैजाए भोरोशे कै साथै बौल़ै लौ, मुखै तुऔं पांदी गर्व औसौ: मुखै बैजाए तसल्ली औसौ; औरौ आपणै सौबै कौल़ेशौ दा हांव खुशी शै बैजाए भौरेयौंदा रोऊं।

फिलिप्पियों 1:14

औरौ प्रभु दै जू बिशवाशी भाई औसौ, तिनुमुंजी दै भौरिशै मैरै कैद दै हौणौ की बौजैह शै उत्साह कै साथै पौरमेशवर का वचन निडर हौयौ शुणाणौ कै हौजौ बै जादा हिम्मत कौरौ।

फिलिप्पियों 2:17

प्रभु दा तोंवारा बिशवाश औरौ तोंवारै सेवा पौरमेशवर खै चौढ़ायौंदे बलिदान कै जैशणी औसौ। जै सै मुखै मारै बै दैंव, तौ बै हांव खुश औसौ, औरौ तुऔं सौबी खै साथै खुशी मौनौऊं।

कुलुस्सियों 1:24

ऐबै हांव तुऔं कलीसिया कै लोगौ कारिए जू दुख सैहन कौरु तिथकै बौजैह शै खुशी औसौ। औरौ मोऐं लगातार आपणै शोरीर दै दुखो कै सैहन कौरे लोए जैशै मसीहे सैहन कौरे राए थिए औरौ ऐजै दुख मोऐं मसीह कै कलीसिया कारिए झैलै लोए, जू तैसका शोरीर औसौ।

1 थिस्सलुनीकियों 5:23

पौरमेशवर जू शान्तै दैंव आपी ही तुऔं पूरी तरह शै पवित्र कौरौ; तोंवारै पोरे आत्मा, प्राण औरौ शोरीर अमारै प्रभु यीशु मसीह कै औटेयौ पाछु आणौ तौड़ी निर्दोष रौंव।

1 पतरस 4:16

पौरौ जै कोसी खै मसीही हौणौ कै नातै दुख सैहन कौरणा पौड़ौ, तौ तुऐं इयौं शर्म कै बात नी सौमझैया, पौरौ पौरमेशवर कै महिमा कौरौ कै तुऐं इथकारिए दुख सैहन कौरे लौआ जिथुकै तुऐं मसीह कै लोग औसौ।

1 यूहन्ना 2:28

ओए रै नानड़िया, मसीह कै साथै बौणैयौंदे रौव कै जोबै सै औटेयौ प्रगट हौंव तौ आमु हौंसला भैटौ, औरौ आमै तैसकै आणौ पांदी तैसकै सामणै बैज्जत ना हौंव।