फिलिप्पियों 1:16 - सिरमौरी नौवाँ नियम

¹⁶ ऐजै लोग मुंआरी प्यार कौरणौ की बौजैह शै प्रचार कौरौ जिथुकै सै जाणौए कै मसीह कै बारै मुंजी सुसमाचार कै रक्षा कौरणौ कै बौजैह शै मुखै कोयदै दा पाए राए।

Sirmouri

¹⁶ कुँऐं तअ ऐजो जाँणियों के मुँह खुषख्बरी देणों की जबाब खे चूणी थुवा, अरह् से प्यार शा प्रचार करह्।

फिलिप्पियों 1:16 Cross References

1 कुरिन्थियों 9:17

जै हांव ऐजा काम आपणी मर्जी शै कौरु तौ मुखै इनाम भैटदा। पौरौ जै पौरमेशवरे मुखै ऐजै जिम्मेदारी दैय राए, तौ हांव इनाम कि का उम्मीद कौर सौकु? हांव कोसी बै इनाम कै उम्मीद ना कौर सौकु।

2 कुरिन्थियों 2:17

जिथुकै आमै तिनु बौहितौ कै जैशणै नी, जू धन कारिए पौरमेशवर कै वचन का प्रचार कौरौ, पौरौ आमु पौरमेशवर कै वचन का प्रचार सौचाई औरौ मसीह कै औधिकार कै साथै कौरु, ऐजौ जाणदै बैई कै पौरमेशवरे आमु दैखै लौवै।

फिलिप्पियों 1:10

इथकारिए कै तुऐं जू बातौ भली औसौ तिथका चुनाव कौरणौ कै लायक बौणै जांव ताकि मसीह खै औटेयौ पाछु आणौ कै दूसौ तौड़ी शुध्द औरौ बैकसूर बौणैयौंदे रौंव।

फिलिप्पियों 1:12

ओए रै बिशवाशी भाईटु हांव चोऊं कै तुऐं ऐजौ जाणै पाव कै जू मुं पांदी बीतै रौ, तिथलैई बौहितै लोगौ खै सुसमाचार कै फौयलणौ मुंजी मौदद भैट रौए।

फिलिप्पियों 1:5

इथकारिए कै तुऐं ऐसी यीशु मसीह कै बारै मुंजी जू सुसमाचार औसौ तिथ पांदी बिशवाश कौरा औरौ ऐलो तौड़ी तुऐं ऐसी सुसमाचार फौयलणौ खै मैरै साथै रौए रौवै।

फिलिप्पियों 1:7

तुऔं सौबी कै बारै मुंजी ऐशणा विचार कौरणा मुं कारिए ठीक औसौ, जिथुकै हांव तुऔंआरी बैजाए प्यार कौरु। जौबेकै हांव इबी ज़ेलो दा औसौ तोबै बै हांव सुसमाचार का बौचाव कौरु औरौ ऐजौ साबित कौरु कै सुसमाचार साचा औसौ। इनु सौबी बातौ मुंजी तुऐं सौबै मैरै साथै पौरमेशवर कै अनुग्रह दै शामिल औसौ।

फिलिप्पियों 2:22

पौरौ तुऐं जाणौए कै तीमुथियुस का चाल चलन आछा औसौ। जैशै बैटा बापू कै साथै कौरौ, तैशैखैई तैणै सुसमाचार कै फौयलाणौ दै मैरै साथै मैहनत कौरे राए।

फिलिप्पियों 4:15

ओए रै फिलिप्‍पी शहर कै लोगौ, तुऐं आपी बै जाणौए कै तोंवारै बीच मुंजी सुसमाचार प्रचार कै शुरुआत दै मकिदुनिया प्रदेश शै आपणै यात्रा शुरु कौरेयौ हांव आगु हौटै गौआ। तोबै तुऔं छोड़ेयौ ओकी कोसी कलीसिया कै लोगै लैण दैण कै बारै मुंजी मैरी मौदद ना कौरी।

फिलिप्पियों 4:3

ओए रै साची सहयोगी सुजूगस, हांव तांव कैईंदै बिन्ती कौरु कै तू तिनु बैटमाणिशौ का मैल मिलाप कौरणौ मुंजी मौदद कौर, जिथुकै तिनुऐ मैरै साथै सुसमाचार फौयलणौ मुंजी क्‍लेमेंस औरौ मैरै बाकी सहयोगी कै साथै मैहनत कौरे राए जिनकै नांव जीवन कै किताबो पांदी लैखैयौंदे औसौ।