फिलिप्पियों 1:12 - सिरमौरी नौवाँ नियम

¹² ओए रै बिशवाशी भाईटु हांव चोऊं कै तुऐं ऐजौ जाणै पाव कै जू मुं पांदी बीतै रौ, तिथलैई बौहितै लोगौ खै सुसमाचार कै फौयलणौ मुंजी मौदद भैट रौए।

Sirmouri

¹² हे भाऐ-बईणों, हाँव चहाऊँ के तुँऐं ऐजो जाँणी पाव के मुँह गाशी जू बिती रंऐ, तिन्दे लई खुषख्बरी की ही बड़ोत्री हऐ रंऐ।

फिलिप्पियों 1:12 Cross References

लूका 21:13

पौरौ ऐजा तुऔं कारिए मैरै बातौ कै बारै मुंजी बौताणौ का मौका हौंदा।

प्रेरितो कै काम 8:4

पौरौ जू बिशवाशी बैखरै रौवै थिए सै सुसमाचार शुणादै रौवै।

रोमियों 8:28

औरौ आमै जाणुए, कै जू लोग पौरमेशवर आरी प्यार राखौ, पौरमेशवर तिनु लोगौ कै खातिर सौबी चीज़ौ कै ऐक आछै अन्त पांदी लांदा जू तैसीआरी प्यार कौरौ। यानी तिनु कारिए जू तैसकै इछा शै चोणे राए।

रोमियों 8:37

पौरौ इनु सौबी बुरी बातौ दै आमु तैसकै दवारा जैणै आमुआरी प्यार कौरा, जीत पूरी तरह शै अमारै औसौ।

फिलिप्पियों 1:5

इथकारिए कै तुऐं ऐसी यीशु मसीह कै बारै मुंजी जू सुसमाचार औसौ तिथ पांदी बिशवाश कौरा औरौ ऐलो तौड़ी तुऐं ऐसी सुसमाचार फौयलणौ खै मैरै साथै रौए रौवै।

फिलिप्पियों 1:7

तुऔं सौबी कै बारै मुंजी ऐशणा विचार कौरणा मुं कारिए ठीक औसौ, जिथुकै हांव तुऔंआरी बैजाए प्यार कौरु। जौबेकै हांव इबी ज़ेलो दा औसौ तोबै बै हांव सुसमाचार का बौचाव कौरु औरौ ऐजौ साबित कौरु कै सुसमाचार साचा औसौ। इनु सौबी बातौ मुंजी तुऐं सौबै मैरै साथै पौरमेशवर कै अनुग्रह दै शामिल औसौ।

फिलिप्पियों 2:22

पौरौ तुऐं जाणौए कै तीमुथियुस का चाल चलन आछा औसौ। जैशै बैटा बापू कै साथै कौरौ, तैशैखैई तैणै सुसमाचार कै फौयलाणौ दै मैरै साथै मैहनत कौरे राए।

फिलिप्पियों 4:15

ओए रै फिलिप्‍पी शहर कै लोगौ, तुऐं आपी बै जाणौए कै तोंवारै बीच मुंजी सुसमाचार प्रचार कै शुरुआत दै मकिदुनिया प्रदेश शै आपणै यात्रा शुरु कौरेयौ हांव आगु हौटै गौआ। तोबै तुऔं छोड़ेयौ ओकी कोसी कलीसिया कै लोगै लैण दैण कै बारै मुंजी मैरी मौदद ना कौरी।

फिलिप्पियों 4:3

ओए रै साची सहयोगी सुजूगस, हांव तांव कैईंदै बिन्ती कौरु कै तू तिनु बैटमाणिशौ का मैल मिलाप कौरणौ मुंजी मौदद कौर, जिथुकै तिनुऐ मैरै साथै सुसमाचार फौयलणौ मुंजी क्‍लेमेंस औरौ मैरै बाकी सहयोगी कै साथै मैहनत कौरे राए जिनकै नांव जीवन कै किताबो पांदी लैखैयौंदे औसौ।

1 तीमुथियुस 2:8

हांव चोऊं कै हर जौगैह सभाओ दै सैजै मर्द जू पवित्र जीवन जियौं, आपणै हाथौ खै टिपयौ, बिना खीजै औरौ बिना बैहस कै प्रार्थना कौरेया कौरौ।

2 तीमुथियुस 2:9

मोऐं कोयदखाने दा ऐक अपराधी कै जैशणा दुख सौयन कौरे लौआ जिथुकै हांव सुसमाचार का प्रचार कौरु। पौरौ कुणिए बै लोग पौरमेशवर कै वचन कै प्रचार कौरणौ शै रौकै ना सौकौ।

2 तीमुथियुस 4:17

पौरौ प्रभु मैरा मौददगार रौआ, औरौ मुखै शौकतै दै; ताकि हांव इथ लायक बौणै सौकु कै यीशु मसीह कै सुसमाचार तिनु लोगौ खै साफ-साफ शुणाए सौकु जू बैगानै यहूदी लोग अदालत दै मौजूद थिए। औरौ प्रभुए मुखै मौत शै बौचौऊंवा ठीक तैशैखै जैशै भूखै शेर कै मुँह शै बौचाया जांव।