फिलिप्पियों 1:1 - सिरमौरी नौवाँ नियम

¹ मोऐं पौलुसे तीमुथियुस कै साथै ऐजै चिट्ठी लैखै लौए औरौ आमै मसीह कै सेवक औसौ। मोऐं ऐजै चिट्ठी फिलिप्‍पी शहर दै रौणौवाल़ै कलीसिया कै सौबी ठोगड़े कै औरौ सेवको सहित पौरमेशवर कै पवित्र लोगौ कारिए लैखै लौए।

Sirmouri

¹ मसीया प्रभू यीशू के दास संत्त-पौलुस अरह् तीमुथियुस के ढबे शे बादे फिलिप्पियों के पबित्र लोग मसीया प्रभू यीशू आरी बिश्वाष करियों रंह्, कलीसिया के अगवाँल़ अरह् कलीसिया दे सेंवा कर्णों वाल़े सोभी लोगो खे ऐजी पत्री लिखी थऐ थी;

फिलिप्पियों 1:1 Cross References

मरकुस 13:34

मैरै जाणौ औरौ पाछु आणौ का तरीका ऐशैखैई हौंदा जैशै ऐक आदमी प्रदेश जाणौ कै सौमय आपणौ घोर छोड़े दैंव, औरौ आपणै नोकर खै घोरो कै रोखवाल़ी कि जुमैवारी दैयौ जांव, औरौ सौबी खै तैसका काम बौताए दैंव, औरौ चोकीदार खै बौताए दैंव कै मैरै आणौ तौड़ी चौकश रौया।

यूहन्ना 12:26

जै कुणिए मैरी सेवा कौरणै चांव, तौ आगै तैसी मैरा चैला बौणणौ चैंई, औरौ जिथै हांव औसौ तिथै मैरा सेवक बै हौला; औरौ जू कुणिए मैरी सेवा कौरला तौ पिता पौरमेशवर बै तैसकै इज्जत कौरदा।

प्रेरितो कै काम 1:20

जिथुकै राजा दाऊदे भजन संहिता दो लैखै राए, ‘तैसकौ घोर उजडै़ जांव, औरौ तिथै कुणिए ना बोसो, औरौ राजा दाऊद ओकी जौगैह ऐशैखै बौल़ौ तैसका ठाँव कुणिए ओका लोए लो।’

प्रेरितो कै काम 20:28

इथकारिए आपणै औरौ पूरै झुंड की दैख-रैख कौरौ; जिथमुंजी पवित्र आत्माए तुऔं ठोगड़े बाणै राए कै तुऐं पौरमेशवर कै कलीसिया कै रोखवाल़ै कौरौ, जिथुकै पौरमेशवरे आपणै लोगौ खै आपणै लोऊ लैई खरीदै राए।

प्रेरितो कै काम 9:13

हनन्‍याहए जोवाब दिया, “ओए रै प्रभु मोऐं ऐसी आदमी कै बारै मुंजी बौहितै लोगौ शै शौणै राए कै ऐणै यरूशलेम शहर दै तैरै पवित्र लोगौ कै साथै बैजाए बुरु कौरे राए।

रोमियों 1:1

हांव पौलुस ऐजै चिट्ठी लिखु, जू यीशु मसीह का सेवक औसौ, पौरमेशवरे मुखै चोणेयौंदा चैला हौणौ कारिए चोणे राए औरौ पौरमेशवर कै ढौबौशा तैसी सुसमाचार का प्रचार कौरणौ कारिए जौई कौरे राए।

रोमियों 1:7

ऐजै चिट्ठी रोम शहर दै रौणौवाल़ै सौबी लोगौ कै नांव दै औसौ जिनु पौरमेशवर प्यार कौरौ औरौ तैसकै पवित्र लोग हौणौ कारिए बौएदै राए: अमारै पिता पौरमेशवर औरौ प्रभु यीशु मसीह कै ढौबौशा तुऔं अनुग्रह औरौ शान्तै भैटैया कौरौ।

1 कुरिन्थियों 16:10

जै तीमुथियुस तोंवारै धोरे कुरिन्थुस शहर दा आंव तौ तैसका आपी मुंजी स्वागत कौरेया, जिथुकै सै मैरै जैशणा प्रभु का काम कौरौ।

2 कुरिन्थियों 1:1

मोऐं पौलुसे, तुऔं ऐजी चिट्ठी लैखै लौए। हांव पौरमेशवर कै इछा शै मसीह यीशु का चोणेयौंदा चैला औसौ, औरौ अमारा साथी बिशवाशी भाई तीमुथियुस कै ढौबौशै कुरिन्‍थुस शहर कै कलीसिया कै औरौ अखाया प्रदेश कै सौबै पवित्र लोगौ कारिए ऐजै चिट्ठी लैखै लौए।

गलातियौं 1:10

साफ सीधै बात ऐजै औसौ कै मोऐं लोगौ कै खुश कौरणौ कै कौचिश ना कौरे लैई, पौरौ पौरमेशवर कै खुश कौरणा चोऊं। जै हांव इबी तौड़ी बै आदमी खै खुश कौरदा रौंदा तौ मसीह का दास नै हौंदा।

गलातियौं 3:26

जोबै तुऐं मसीह कै नांव लैई बपतिस्मा लौआ, तौ तुऐं मसीह कै स्‍वभाव कै मानौ बाम्बै पाए। इथकारिए, जोबै तुऐं यीशु मसीह पांदी बिशवाश कौरा, तोबै तुऐं सौबै पौरमेशवर कै ओलाद बौणै गौवै।

गलातियौं 3:28

मसीह दै ऐक यहूदी या बैगानै यहूदी लोग या ऐक दास या ऐक आज़ाद आदमी कै बीच मुंजी कुणजाई अंतर ना आथी। इथमुंजी कुणजाई भैदभाव ना आथी कै तुऐं ऐक मर्द औसौ या बैटमाणिश औसौ। आमै सौबै मसीह यीशु दै ऐक जैशणै औसौ।

इफिसियों 1:1

मोऐं पौलुसे इयौं चिट्ठी कै लैखै लोए। हांव पौरमेशवर कै इछा कै हिसाब शै यीशु मसीह का चोणेयौंदा चैला औसौ। मोऐं ऐजै चिट्ठी इफिसुस शहर दै रौणौवाल़ै पौरमेशवर कै लोगौ कै लैखै लौए, जू मसीह यीशु कै प्रति वफादार औसौ।

इफिसियों 1:15

पौरमेशवरे जू किछै कौरे राए तिथकी बौजैह शै, हांव बै प्रभु यीशु पांदी तोंवारै बिशवाश औरौ पौरमेशवर कै पवित्र लोगौ कै प्रति तोंवारै प्यार कै बारै मुंजी शोणेयो,

इफिसियों 6:24

पौरमेशवर तिनु सौबी कै आपणा अनुग्रह दिखांव जू अमारै प्रभु यीशु मसीह आरी प्यार कौरौ, सैजा प्यार जू कौलोंई खत्म ना हौंव।

फिलिप्पियों 2:19

मुखै प्रभु यीशु दै आशा औसौ, कै हांव तीमुथियुस खै तोंवारै धोरे झट भैजदा, ताकि जोबै सै पाछु आला, तोबै तुऔं लोगौ कै बारै मुंजी समाचार शोणेयो मुखै हिम्मत भैटौ।

फिलिप्पियों 2:5

जैशै मसीह यीशु का स्‍वभाव थिया, तैशैखैई तोंवारा बै स्‍वभाव हौंव;

फिलिप्पियों 3:12

हांव ऐजा दावा ना कौरु कै मोऐं इनु सौबी चीज़ौ कै आगै दी ही पाए रैई, या मोऐं तैसी सिध्दता कै पाणौ कारिए बैजाए कौचिश कौरे लौए। पौरौ हांव तियौं चीज़ कै पाणौ कारिए आगै बौढ़दा जांदा लागै रौआ ताकि हांव सिध्द हौए जोऊं जिथकारिए मसीह यीशुए मुखै चोणे राए थिया।

फिलिप्पियों 3:3

जिथुकै पौरमेशवर कै साची लोग आमु औसौ, जू पौरमेशवर कै आराधना तैसकै आत्मा कै दवारा कौरु, औरौ आपणै जिन्दगी दै मसीह यीशु कै साथै एकता दै खुश हौंव; औरौ तिनु चीज़ौ पांदी भोरोशा ना कौरौ जू आमुए कौरे राए।

फिलिप्पियों 3:8

जिथुकै हांव मसीह यीशु प्रभु कै जाणणा चोऊं जू बाकी सौबी चीज़ौ शै कीमती औसौ औरौ हांव सौबी चीज़ौ कै बैकार सौमझु। जिथकै बौजैह शै मोऐं सौबी चीज़ौ कै छोड़े दी औरौ तिनु साट कोबाड़ सौमझु ताकि हांव मसीह कै जादा जाणै पोऊँ।

1 थिस्सलुनीकियों 1:1

ऐजी चिट्ठी पौलुस, सीलास औरौ तीमुथियुस खै ढौबौशी औसौ। ऐजी थिस्‍सलुनीका शहर कै कलीसिया कै आमुए लैखै लोए, जू पिता पौरमेशवर औरौ प्रभु यीशु मसीह कै बारै मुंजी औसौ। हांव प्रार्थना कौरु कै पौरमेशवर तुऔं पांदी अनुग्रह कौरौ औरौ तुऔं शान्तै दैंव।

1 थिस्सलुनीकियों 2:2

तुऐं आपी बै जाणौए कै, तोंवारै धोरे आणौ शै आगै आमुए फिलिप्‍पी शहर दै जादा दुख सैहन कौरे राए, तोबै बै पौरमेशवरे आमुखै ऐशणै हिम्मत दैय राखै, कै आमै तोंवारै शहर कै लोगौ कै दवारा अमारा बैजाए विरोध हौणौ कै बावजूद बै तुऔं खै पौरमेशवर का सुसमाचार शुणौऊवा।

2 थिस्सलुनीकियों 1:1

ऐजै चिट्ठी पौलुस, सीलास औरौ तीमुथियुस कै ढौबौशी औसौ। ऐजै चिट्ठी थिस्‍सलुनीका शहर कै कलीसिया खै लैखै राए, जू अमारै पिता पौरमेशवर औरौ प्रभु यीशु मसीह शै जोड़ेयौंदे औसौ।

2 थिस्सलुनीकियों 1:10

ऐजी बातौ तौलौ हौंदी जौल़ौ प्रभु यीशु मसीह तिनु पवित्र लोगौ कै दवारा महिमा पाणौ कारिए पाछु आन्दा जू तैसी पांदी बिशवाश कौरौ। औरौ हैरान हौयौ बिशवाशी लोग प्रभु कै दैखदै। औरौ तैसी दूसै तुऐं तिनु लोगौ मुंजी तैसकै महिमा कौरदै, जिथुकै तुऐं तैसी पांदी बिशवाश कौरे राए थिया।

1 तीमुथियुस 1:2

मोऐं ऐजै चिट्ठी तीमुथियुस कै लैखै लोए। तू मैरै आपणै बैटै कै जैशणा औसौ जिथुकै तू बै मसीह दा बिशवाश कौरे: हांव प्रार्थना कौरु कै पिता पौरमेशवर औरौ अमारै प्रभु यीशु मसीह दै ताखै अनुग्रह औरौ दया, औरौ शान्तै भैटदै रौंव।

1 तीमुथियुस 3:8

तैशैखैई कलीसिया कै सेवको कै ऐशणै आदमी हौणौ चैंई जिनका लोग आदर कौरौ। तिनु दुगल़ै औरौ सूरवाए नी हौणौ चैंई, बैसब्री औरौ धौखा दैयौ धन कमाणौ वाल़ै नी हौणौ चैंई।

तीतुस 1:1

मोऐं, पौलुसे ताखै ऐजी चिट्ठी लैखै लोए, जू पौरमेशवर का सेवक औरौ यीशु मसीह का चोणेयौंदा चैला औसौ, मुखै पौरमेशवर कै चोणेयौंदे लोगौ कै बीच मुंजी बिशवाश कै मोजबूत औरौ साची शिक्षाओं कै जाणणौ कै मौदद कौरणौ कारिए भैजै राए ताकि सै ऐशणा जीवन जियौं जू पौरमेशवर कै खुश कौरौ।

तीतुस 1:7

जिथुकै ऐक अगुवे कै पौरमेशवर का भण्‍डारी हौणौ की बौजैह शै निर्दोष हौणौ चैंई; औरौ ना हठीला, ना गुस्से बाज, ना पियक्कड़, ना मारपीट कौरणौवाल़ा औरौ ना नीच कमाई का लालची हौणा चैंई।

फिलेमोन 1:1

ओए रै फिलेमोन मोऐं पौलुसे इयौं चिट्ठी कै लैखै लोए औरौ हांव यीशु मसीह कै बारै मुंजी प्रचार कौरणौ की बौजैह शै कोयदखाने दा औसौ। हांव औरौ अमारा बिशवाशी भाए तीमुथियुस तुऔं नमशकार कौरौ। तू अमारा प्यारा दोस्त औसौ औरौ तू मसीह कारिए तैशैखैई काम कौरे जैशैखै आमै कौरु।

इब्रानियों 13:23

तुऐं ऐजौ जाणै पाव कै तीमुथियुस अमारा बिशवाशी भाई कोयदखाने पौरैशा बायरै आए गौआ औरौ जै सै तावल़ा आए गौआ, तौ हांव तैसकै साथै तुऔंआरी भैटिंदा।

याकूब 1:1

मोऐं याकूबे ऐजै चिट्ठी लैखै लोए। हांव पौरमेशवर औरौ प्रभु यीशु मसीह का सेवक औसौ। मोऐं ऐजै चिट्ठी इस्राएल देश कै बारौ गोत्रो कै लोगौ कारिए लैखै लोए, जू दुनिया दै बिखरे रौवै, तुऔं सौबी लोगौ कै मैरा नमशकार।

1 पतरस 2:25

ऐक सौमय दै तुऐं तिनु भेड़ो कै जैशणै थिए जिनुऐ आपणै बाट बिसरै राए थै। पौरौ ऐबै तुऐं मसीह कै धोरे पाछु आए रौवै जू तोंवारै रोखवाल़ी कौरौ औरौ तुऔं पांदी नज़र राखौ।

2 पतरस 1:1

मोऐं शमौन पतरसे ऐजै चिट्ठी लिख लोए जू यीशु मसीह का सेवक औरौ चोणेयौंदा चैला औसौ। मोऐं तुऔं सौबी कारिए लैख लोए जू तैसी कीमती बिशवाश कै साझा कौरौ जू आमुदा औसौ, सैजा बिशवाश जू अमारै पौरमेशवरे मोक्ति दैणौवाल़ै यीशु मसीह कै दवारा आमु दैय राए, जू आमु पौरमेशवर कै साथै सोही बाणौ।

यहूदा 1:1

हांव, यहूदा तुऔं ऐजी चिट्ठी लिखु। हांव यीशु मसीह का सेवक औरौ याकूब का नानड़ा भाए औसौ। मोऐं तुऔं लोगौ खै लिख लौ, जिनु पौरमेशवरे आपी पांदी बिशवाश कौरणौ कारिए बौएदै राए। अमारा पौरमेशवर पिता तुऔंआरी प्यार कौरौ औरौ तुऐं यीशु मसीह दै ठीक ठाक औसौ।

प्रकाशितवाक्य 1:1

ऐजी किताब तिनु बातौ का जिक्र कौरौ जू पौरमेशवरे यीशु मसीह खै दिखाए राए। पौरमेशवरे तैसी दिखोऊ ताकि सै आपणै दासो खै तिनु घोटनाओ कै बारै मुंजी बौताए सौकौ जू तावल़ी ही पूरी हौंदी। यीशुए आपणै स्‍वर्गदूत खै तैसी सौंदेश कै साथै मैरै धोरे यानी आपणै दास यूहन्ना कै धोरे भैजा।

प्रकाशितवाक्य 1:20

ऐबै हांव बौतांदा कै मैरै सोऐं हाथ कै सात तारै का, का मतलब औसौ जू कै आगै पौता ना थी। इथका मतलब ऐजा औसौ: सात तारै तिनु स्‍वर्गदूतौ खै दिखांव जू सात कलीसियाओं कै रोखवाल़ी कौरौ औरौ सात दियोट सात कलीसियाओं खै दिखांव।

प्रकाशितवाक्य 19:10

जोबै मोऐं शुणु तौ हांव तैसी आदमी कै सामणै झौकै गौआ जैणै मुंआरी बातौ कौरे लोई थी, जिथुकै हांव तैसकी आराधना कौरणौवाल़ा थिया। तैणै मुंकैई बौल़ौ, “मैरी आराधना नी कौर। पौरमेशवर ही औसौ जैसकै ताखै आराधना कौरणै चैंई। जिथुकै हांव बै तैशैखैई पौरमेशवर का ऐक सेवक औसौ, जैशै तू औसौ औरौ तैशैखैई जैशै यीशु मसीह पांदी बिशवाश कौरणौवाल़ै तैरै बिशवाशी भाई औसौ, जू बिशवाश कौरौ कै यीशु तिनका प्रभु औसौ। ऐजी सौचाई जू यीशुए दिखाए राए थी, तिथु साबित कौरणौ कारिए पवित्र आत्मा लोगौ खै काबिल बाणौ।”

प्रकाशितवाक्य 2:12

पिरगमुन शहर कै कलीसिया कै स्‍वर्गदूत कै ऐजौ लिख: हांव ही औसौ जैसी कैई तैज दो धार वाल़ी तलवार औसौ। हांव ताखै ऐजौ बुलू:

प्रकाशितवाक्य 2:8

स्मुरना शहर कै बिशवाशी लोगौ कै मंडली कै स्‍वर्गदूत खै ऐजौ लिख: हांव आगला औरौ आखरी औसौ, हांव एकबेई मौरे गौआ थिया। पौरौ ऐबै हांव जियुंदी औसौ, औरौ हमैशा जियुंदी रौन्दा, जू हांव ऐजौ बुलू तिथु शुणौ:

प्रकाशितवाक्य 22:9

पौरौ तैणै मुखै बौल़ौ, “दैख, ऐशै नी कौर; मैरी आराधना नी कौर। पौरमेशवर ही औसौ जैसकै ताखै आराधना कौरणै चैंई। जिथुकै हांव बै तैरै जैशणा औरौ पौरमेशवर कै बातौ बौताणौवाल़ै कै जैशणा औरौ जू इयौं किताबो की बातौ मानौए, तिनकै जैशणा ऐक सेवक औसौ।”