फिलिप्पियों 4:9 - Sirmouri

⁹ जुण्जी बातो तुँऐं मुँह कैई शी शिखी अरह् तुऐ माँनी, अरह् शुँणीं अरह् मुँदी देखी, तिन्दी का पाल़्ण करिया करह्, तबे पंण्मिश्वर जू शाँण्त्ति का दाता असो, से तुँवारी गईलो रह्दा।

सिरमौरी नौवाँ नियम

⁹ जू बातौ तुऐं मुंवादी शैखै रैई, औरौ पाए रैई औरौ शौणै रैई, औरौ मुं दी दैखै रैई, तिनका पालन कौरेया कौरौ, तोबै शान्तै का पौरमेशवर तोंवारै लोगौ कै साथै रौन्दा।

फिलिप्पियों 4:9 Cross References

मत्ती 1:23

“दे:खो, ऐक कुवाँरी-कंन्याँ पेट्भारी हंदी, अरह् तियाँरे ऐक बैटा पय्दा हंदा, अरह् तेस्को नाँव इम्मानुएल थुओं ज़ाँदो”, जिन्दें का मतल्व असो-पंणमिश्वर आँमों आरी असो।

मत्ती 28:20

अरह् जुण्जी मुँऐं अज्ञाँ देऐ थई, सेजी बादी बातो तिन कैई शी माँनणीं शिखाव: अरह् दे:खो, हाँव संईसारी की अंन्त्त तोड़ी सदा तुँवारी गईलो असो।”

मत्ती 7:21

“मुँखे ‘हे प्रभू! हे प्रभू!’ बुल़्णों वाल़े, ऐक नाँम आदमी स्वर्गो के राज्य दे ने ज़ाँदी; परह् सेजे ही स्वर्गो दे ज़ाऐ सको, जुण्जे स्वर्गो के पिता की हिछ़या पुरी करह्।

लूका 6:46

“जबे तुँऐं मेरा कऐणाँ ने माँन्दे। तअ मुँखे ‘हे प्रभू, हे प्रभू’ किन्दें खे बुलो?

लूका 8:21

प्रभू यीशू ऐ तैस्खे जबाब दिता, “मेरी माँ, अरह् मेरे भाऐ, सेजे असो; जू पंण्मिश्वर का बचन शुण्णों, अरह् माँनों ऐ।”

यूहन्ना 13:17

तुऐ ऐजी बातो तअ जाँणों ऐ, अरह् जे तुऐ ईनू बातो गाशी चालो, तअ तुऐं भागोंईत्त असो।

यूहन्ना 15:14

जे तुऐं मेरी अज्ञाँ का पाल़्ण करह्; तअ तुऐं मेरे दोस्त्त-साथी बँण्दे।

यूहन्ना 2:5

तबे प्रभू यीशू की माँ ऐं तिनू टोह्लुवा खे बुलो, के “जुण्जो किऐ ऐ तुओं खे बुलो, तुऐं सेजो ही करे।”

प्रेरितो कै काम 9:6

ऊँबा बींऊँजियों नंगर दा ज़ा, अरह् ताँव जुण्जो कर्णो पड़लो, सेजो ताँव कैई तेथी ही बुलो ज़ालो।”

रोमियों 15:33

शान्त्ति का पंणमिश्वर तुँओं सोभी आरी रंह्। आमीन।

रोमियों 16:20

शाँण्त्ति का पंणमिश्वर शैतान तुँवारी लातो थाँई शिघा घिंज्णों खे पाँदा। अमाँरे प्रभू यीशू मसीया की कृपा तुँओं गाशी हंदी रंह्।

1 कुरिन्थियों 10:31

ईन्देंखे तुँऐं किऐ खाँव, भाँव पींयों, भाँव किऐ भे करह्, सेजो सब-कुछ पंणमिश्वर की बड़ियाऐ खे हों।

1 कुरिन्थियों 14:33

किन्देंखे के पंणमिश्वर गड़ब्ड़ी का ने, परह् शाँण्त्ति का पंणमिश्वर असो। जेष्णों पबित्र लोगो की सोभी कलीसिया दो असो।

1 कुरिन्थियों 4:16

ईन्देंखे हाँव तुँओं खे ढाल-अरज करू, के मुँह जैष्णी चाल-चालो।

2 कुरिन्थियों 13:11

तअ: हे भाऐ, बंईणों, आँन्दित्त-खुशी रंह्; साच्चै बण्दे ज़ाव; हिम्मत थुऐं; ऐक ही मंन थुऐ; मेल शे रूऐ। अरह् पियार अरह् शाँण्त्ति का दाता पंण्मिश्वर तुँवारी गईलो हला।

फिलिप्पियों 3:17

हे भाऐ-बईणों तुँऐं बादे मीलियों मेरी जेष्णी चाल-चालो, अरह् तिनकी मिशो करह्, जू ऐसी ढंग शे चालो; जिन्दे का उदारण तुँऐ आँमों दा पाँव,

फिलिप्पियों 4:7

तबे पंण्मिश्वर के शाँण्त्ति, जू बादी संम्झ शे बाऐर असो, तुवाँरें दिल अरह् तुवाँरे बिचार मसीया प्रभू यीशू दे बचाऐं दियों।

1 थिस्सलुनीकियों 1:6

तुँऐं बड़े कल़ेष दे पबित्र-आत्त्मा के मंजे आरी, बचन माँनींयों अमाँरी अरह् प्रभू की जैष्णी चाल चाल्दे लागे।

1 थिस्सलुनीकियों 2:14

ईन्देंखे तुँऐं, हे भाऐ-बंईणों, पंण्मिश्वर की तिनू कलीसियों की जेऐ चाल-चालदे लागे, जू यहूदिया दे मसीया प्रभू दी असो, किन्देंखे के तुँऐं भे आप्णे लोगो मुझी जैष्णें दु:ख्ह झेले, तेष्णें ही तिन्ऐं भे यहूदी लोगो मुँझी झेले थिऐ;

1 थिस्सलुनीकियों 5:23

शाँण्त्ति का दाता पंण्मिश्वर आपु ही तुँओं पुरी रित्ती शे पबित्र करह्; अरह् तुँवारी आत्त्मा अरह् जीयाँन-प्राँण अरह् देह्-शरीर अमाँरे प्रभू यीशू मसीया के आँणों तोड़ी शुरे-पुरे अरह् नीर्दोष आछे थों।

2 थिस्सलुनीकियों 3:4

आँमों प्रभू दा तुँओं गाशी भोर्षा असो, के जुण्जी-जुण्जी अज्ञाँ आँमें तुँओं खे दियों, तिनू माँनें, अरह् माँन्दे भे रंह्ले।

2 तीमुथियुस 4:22

प्रभू तेरी आत्त्मा की गईलो रंह्; अरह् ताँव गाशी तिनकी कृपा हंदी रंह्।

याकूब 1:22

परह् बचनों गाशी चाल्णों वाल़ें बंणों, सिर्फ शुण्णों वाल़े ही ने बणें जू आप्खे धोखा दियों।

2 पतरस 1:10

ईन्देंखे हे भाऐ बंईणों आप्णे बईद्णों गाशी, अरह् चूणें-छ़ाटे अंदे खे साचे कर्णो खे आछ़ी-भली कोशिष कर्दे ज़ाव, किन्देंखे के जे तुऐं ऐष्णों कर्ले, तअ तुँऐं कद्दी भी ठूकर ने खाँदी;

1 यूहन्ना 3:22

तअ जबे आँमें तिन कैई शी, बिनती करह्, तअ तिन कैई शो आँमों भेटी ज़ाँव; किन्देंखे के आँमें तिनकी अज्ञाँ का पाल़्ण करह्; अरह् तिनकी हिछ़या के मुँताबिक आप्णा सभाव थंह्।