फिलिप्पियों 3:9 - Sirmouri

⁹ अरह् हाँव तिन्दा संमाँऐ ज़ाऊँ, के आप्णी तियों धार्मिक्त्ता आरी, जुण्जी अज्ञाँ-निय्म शी माँनी ज़ाँव; परह् तेसी धार्मिक्त्ता आरी, जुण्जें के मसीया दी बिश्वाष कर्णों के कारण असो; अरह् तेसी बिश्वाष लंई पंण्मिश्वर आँमों आप्णी नंजरी दे धर्मी बंणाँऐ दियों।

सिरमौरी नौवाँ नियम

⁹ औरौ हांव तैसकै साथै एकता दा रौए सौकु; ऐबै मैरी धार्मिकता ऐजै ना आथी जू मूसा कै कानून का पालन कौरणौ शै भैटौ, पौरौ ऐबै मैरै धार्मिकता सैजी औसौ जू सिरफ मसीह पांदी बिशवाश कौरणौ कै बौजैह शै पौरमेशवर शै मुखै भैटौए।

फिलिप्पियों 3:9 Cross References

मत्ती 9:13

ईन्देखे तुऐं ज़ाव अरह् ऐजी अनाँणें का मतल्व अर्थ सम्झी पाव; ‘हाँव बल़ी-कुरबाँणीं ने परह् दया-रंय्म चहाँऊ।’ किन्देखे के हाँव धर्मियों खे ने, परह् पापियों खे बईददा आऐ रूवा।”

रोमियों 1:17

किन्देंखे के पंणमिश्वर के नंजरी दें लोग बै-कसूर बंणाँऐं गुऐं, यीशू मसीया की खुषख्बरी लई: जू बिश्वाष शी पर्गट हों; जेष्णों लिखी थो, “बिश्वाष शा पंणमिश्वर की नंजरी दा बै-कसूर ज़ण जीऊँदा रंह्दा।”

रोमियों 10:10

किन्देंखे के दिल शा बिश्वाष कर्णो शा पंणमिश्वर के नंजर दो बै-कसूर बंणों ज़ाव, अरह् मुँख शा माँनणों गाशी मुँक्त्ति भेटो।

रोमियों 16:7

अन्द्रुनीकुस अरह् यूनियास खे जू मेरे कुड़्बे के असो, अरह् मेरी गईलो कय्द हुऐ थिऐ, अरह् प्रभू यीशू के खास-चेलै मुझी माँने-गीणें असो, अरह् मुँह शे आगे मसीही बंणें थिऐ, नमंष्कार।

रोमियों 5:21

ऐशे दाँई पाप मऊँती के जाँणें राज्य करदा रूवा, परह् अमाँरे प्रभू यीशू मसीया के जाँणें, आँमों पंणमिश्वर की नंजरी दे बै-कसूर बंणाँऐंयों आप्णा राज्य की शुरूवात करले अरह् आँमों अमर-जीवन तोड़ी नींले।

रोमियों 8:1

तअ: ऐबे जू मसीया यीशू के असो, तिनू् गाशी पंणमिश्वर की सजा के अज्ञाँ ने आथी। (किन्देंखे के से देह्-शरीर के मंन की बुरी हिछ़ा शे ने, परह् पबित्र-आत्त्मा की हिछ़ा शे चालो।)

रोमियों 8:3

आदमी सभाव की मंम्जूरी के जाँणें ऋषी-मूसा खे दिता गुवा निय्म जुण्जा कार्य से करीने सकी, सेजा कार्य पंणमिश्वर करा, तिन्ऐं पाप के सजा शे बंचाँणों खे आप्णा बैटा डियाल़ा, जिन्ऐं पापी आदमी के जिऐं, देह्-शरीर धारण करा। ऐशे दाँई पंणमिश्वर आदमी के देह्-शरीर दी पाप खे सजा दिती,

1 कुरिन्थियों 1:30

परह् तेस्की ही ढबे शे तुँऐं मसीया यीशू के असो, जू पंणमिश्वर की ढबे शा आँमों खे ज्ञाँन बंणा, मतल्व धर्म, अरह् पबित्रता, अरह् मुँक्त्ति;

2 कुरिन्थियों 5:17

ईन्देंखे के जे कुँऐं मसीया दा असो, तअ से नऐ सृष्टि असो: पुराँणी बातो ज़ाँदी रंई; दे:खो, बादी बातो नंई हऐ गई।

2 कुरिन्थियों 5:21

जू पाप शा अजाँण्दा थिया, तेसी ही तेने अमाँरी ताँईऐं पापी बंणाँऐया, के आँमें तिन के जाँणें धार्मिक्त्ता बंणी ज़ाँव।

गलातियौं 2:16

तबे भे ऐजो जाँणी पाव, के आदमी यहूदियों के ज्ञाँन-निय्म की काँम-काज़ शे ने; परह् सिर्फ यीशू मसीया गाशी बिश्वाष कर्णो शा पंण्मिश्वर के सहाम्णें धर्मी बंणों। आँमें आपु भे मसीया यीशू गाशी बिश्वाष करा, परह् आँमें यहूदी लोगो के ज्ञाँन-निय्म के पाल़्ण कर्णो शे ने, परह् सिर्फ यीशू मसीया गाशी बिश्वाष कर्णो शे पंण्मिश्वर के सहाम्णें धर्मी बंणें। ईन्देंखे के यहूदियों के अज्ञाँ-निय्म का पाल़्ण कर्णो लऐ कुँऐं भे प्राँणी धर्मी ने बंण्दा।

फिलिप्पियों 3:6

यहूदी धर्म दा ऐत्रा पाक्का थिया, के हाँव कलीसिया का सताँणों वाल़ा थिया; अरह् शिक्क्षा धार्मिक्त्ता के बारे दा जे बुलो तअ बै-कसूर असो।

2 तीमुथियुस 1:9

जिन्ऐं आँमों खे छ़ुट्कारा दिता, अरह् पबित्र बुलावे लंई बईदे, ऐष्णों अमाँरी काँम-काज़ के कारण ने हई; परह् तिनके ईरादे अरह् तेसी कृपा के मुँताबिक असो, जू मसीया यीशू के कारण ज़ूगौ-ज़ूगौ शा ऊँबा आँमों गाशी हुआ।

तीतुस 3:5

तअ तिन्ऐ अमाँरी मुँक्त्ति कराऐ; अरह् ऐजो अमाँरे धर्म की काँम-काज़ के जाँणें ने, जुण्जे आँमें आपु करे, परह् तिनकी दया-रंय्म के जाँणें नुंऐं जन्म के नहाँण-नहाँणों अरह् पबित्र-आत्त्मा के जाँणें नुंऐं बणाऐं गुऐ।

इब्रानियों 6:18

परह् दो अट्ल़ बातो, के कारण, जिन्देके बारे दे पंण्मिश्वर झूठे बाँण्णें कठीण असो, किन्देखे के आँमों खे तिन्ऐं शंरण देऐ थंऐ, अरह् सेजा ही भोरषा पाक्का हंणों खे आँमो दीड़-हिम्मत्त भेंटो; जुण्जी दोऊँड़ अमाँरे सहाँम्णें तिन्ऐ थंऐ।

याकूब 3:2

आँमें बादे झोणें कैथी ना कैथी किऐ ना किऐ भूल-चूक जरूर करह्, परह् सिद्ध-पाक्का सेजा असो, जू किऐ भे बचन दी भूल-चूक ने करदा, किन्देंखे के सेजा आदमी आप्णी देह्-शरीर दी लगाम आप्णें बष दी थऐ सको।

2 पतरस 1:1

शमौन संत्त-पतरस की ढबे शी, जू प्रभू यीशू मसीया का दास अरह् चूंणा-छ़ाटा अंदा प्रभू यीशू का खास-चैला थिया, तिनू लोगो के नाँम जिन्ऐं अमाँरे पंण्मिश्वर अरह् बंचाँणों वाल़े प्रभू यीशू मसीया के धार्मिक्त्ता के जाँणें आँमों जेष्णाँ किम्त्ति बिश्वाष करी थुवा।

1 यूहन्ना 3:4

जुण्जा कुँऐं पाप करह्, से पंण्मिश्वर की अज्ञाँ भंग करह्; किन्देंखे के अज्ञाँ ना माँन्णीं के भंग कर्णी ही पाप असो।