फिलिप्पियों 3:15 - Sirmouri

¹⁵ आँमों मुझ्शे केतोड़े लोग आपु आप्खे सीद्ध जाँणों, अरह् ऐजा ही बिचार थुऐं; अरह् जे कोसी बातो दे तुवाँरा ओका ही किऐ बिचार असो, तअ पंण्मिश्वर तेसी भे तुँओं गाशी पर्गट करह्।

सिरमौरी नौवाँ नियम

¹⁵ आमै सौबै जू मोजबूती शै मसीह दै भोरोशा कौरु, ऐकैई तरह शै सुंचणौ वाल़ै हौंव, औरौ जै कोसी बातौ दा तोंवारा ओका ही विचार हौंव तौ पौरमेशवर तैसी बै तुऔं पांदी प्रगट कौरे दैन्‍दा।

फिलिप्पियों 3:15 Cross References

मत्ती 5:48

ईन्देंखे ऐशो चेंई के जेष्णाँ तुवाँरा स्वर्गो का पिता साच्चा-पाक्का असो, तेष्णें ही तुँऐं भे साच्चै-पाक्कै बंणों।

लूका 11:13

बुरे हंणों गाशी भे जे तुऐं आप्णे नहाँन्ड़िया खे आच्छ़ी चींजो देणी जाणों, तअ तबे कियों रे, तुवाँरा स्वर्गो का बाबा आप्णें माँगणों वाल़े खे पबित्र-आत्त्मा कैई ने देंदा?”

यूहन्ना 6:45

ऋषियों ऐ पबित्र-ग्रन्थों दो लिखी थो, के सेजे लोग बादे पंण्मिश्वर कैई शी शिक्क्षा पाँदे; जेने कुँणिऐं बाबा कैई शो शुँणी अरह् शिखी थो, से मुँह कैई आँदा।

यूहन्ना 7:17

जे कुँऐं आदमी पंण्मिश्वर की हिछ़या पुरी कर्णो का परण करह्, तअ से ऐजो जाँणी पाँदा; के ऐजी शिक्क्षा पंण्मिश्वर की तरफ शी असो; के मेरी तरफ शी असो।

रोमियों 15:1

तअ: आँमों पाके बिश्वाषी खे ऐशो चेंई, के जुण्जें बिश्वाष दे कंंमजोर असो, आँमें तिन्की कंमजूरी सह्ऐन करह्, ना के आपु-आप्खे खुशी करह्।

1 कुरिन्थियों 14:20

हे भाईयों-बंईणों, तुऐं सम्झदे बालक ने बंणें, बुराई खे तअ बालक बंणों परह् संम्झदें ठग्ड़े बंणों।

1 कुरिन्थियों 2:6

तबे भे संम्झदार लोगो मुँझी आँमें ज्ञाँन की बात शुणाँव, परह् ऐजा ईयों संईसारी का अरह् ईयों संईसारी के नाँष हंणों वाल़े हाक्मों का ज्ञाँन ने आथी;

गलातियौं 5:10

हाँव प्रभू गाशी तुवाँरे बारे दा भूर्षा थोऊँ, के तुवाँरा किऐ ओका बिचार ने हंदी; परह् जू तुँओं डराऐयों दो मंन्नै करी दियों, से भाँव कुँऐं भे हों, से सजा पाँदा।

इफिसियों 1:17

के अमाँरे प्रभू यीशू मसीया का पंण्मिश्वर जू शक्त्तिशाली पिता असो; से तुओं खे ज्ञाँन अरह् बखाँण के आत्त्मा दियों; जिन्दें लंई तुऐ सोत्तिखे पंण्मिश्वर आच्छ़े ढंग शा जाँणीं सको।

कुलुस्सियों 1:28

जिनका प्रचार करियों आँमें हर ऐक आदमी च़ौक्क्ष करी दियों, अरह् बादे ज्ञाँन शे ऐक नाँम आदमी कैई शो शिखाँव ऐ, के आँमें ऐक नाँम आदमी खे मसीया दा पाक्का सीद्ध करियों हाजिर करह्।

कुलुस्सियों 4:12

भाऐ-इपफ्रास, जू तुँओं मुझ्षा असो, अरह् मसीया का दास असो, तुँओं खे नमंष्कार बुलो, अरह् सदा तुँओं खे प्रार्थना दा लागा अंदा रंह, जिन्दे लई तुऐ लोग बादी बातो दे पंण्मिश्वर के हिछ़या पुरी करियों, पुरी कर्णो दे पाक्के बंणों।

1 थिस्सलुनीकियों 4:9

परह् भाई के प्यारो के बारे दो ऐजो जरूरी ने आथी, के हाँव तुँओं खे किये लिखू, किन्देंखे के आपु मुँझी प्यार थंणों, आँमें आपु ही पंण्मिश्वर कैई शो शिखी थो;

2 तीमुथियुस 3:17

जू पंण्मिश्वर का जंण सीद्ध बंणों, अरह् ऐक नाँम भले काँम कंर्णो खे संदा तैयार हों।

इब्रानियों 5:14

परह् नाँज अरह् भारी खाणाँ, तअ बह्ड़े सम्झदार लोगों खे ही हों, जुण्जे ज्ञाँन-संहम्झ़ दे अरह् भले बुरे के भेंद् कर्णो दे संहम्झ़दार हों।

1 यूहन्ना 2:5

परह् जू कुँऐं तिनके बचन दे चालो, तअ तैस्दो सोतिखे पंण्मिश्वर को पियार साचो हुओ। ईन्दी लई आँमें जाँणी पाँव, के आँमें तिन्दे बंसे अंदे असो: