फिलिप्पियों 2:6 - Sirmouri

⁶ जिन्ऐ पंण्मिश्वर के स्वरूप दे हंऐयों भें, पंण्मिश्वर शी आप्णीं बरा-बरी गाशी आप्णाँ हंकधिकार थंणाँ ठीक ने जाँणीं;

सिरमौरी नौवाँ नियम

⁶ जैणै पौरमेशवर खै रुपो दै हौयौ बै पौरमेशवर कै बराबर हौणौ खै आपणै काबू दै राखणौ खै चीज़ ना सौमझी।

फिलिप्पियों 2:6 Cross References

मत्ती 1:23

“दे:खो, ऐक कुवाँरी-कंन्याँ पेट्भारी हंदी, अरह् तियाँरे ऐक बैटा पय्दा हंदा, अरह् तेस्को नाँव इम्मानुएल थुओं ज़ाँदो”, जिन्दें का मतल्व असो-पंणमिश्वर आँमों आरी असो।

यूहन्ना 1:18

पंण्मिश्वर कुँणिऐं ने देखी थंई; सिर्फ पंण्मिश्वर के ऐक्लोत्ते बैटे ऐं ही देखी थुवा; जुण्जा आप्णें बाबा की हंगाल़ी दा असो, तेने ही पंण्मिश्वर पर्गट करा।

यूहन्ना 10:30

‘हाँव अरह् बाबा ऐक जीऊँ असो।’”

यूहन्ना 10:33

यहूदी अगवाल़े ऐ प्रभू यीशू खे जबाब दिता, “कंसी भले काँम-काज़ की ताँईऐं ने; परह् तू जू आप्खे पंण्मिश्वर आरी संनाँईऐं, आँमें तेसी ही कारण शी ताँव गाशी पंथराँच़ कर्णी चहाँव; किन्देंखे के तू आदमी हंऐईयों भे आपु खे पंण्मिश्वर बुले!”

यूहन्ना 10:38

जे मुँऐ ऐजे काँम-काँज़ करी लुऐ, तअ तुऐ भाँव मुँह्दा बिश्वाष भी ने करह्; तबे भे ईनू भले काँम-काज़ दा तअ बिश्वाष करह्, जिन्दें लई तुँऐ ऐजो जाँणीं पाव, अरह् संहम्झी पाव; के बाबा मुँह्दा असो, अरह् हाँव बाबा दा असो।”

यूहन्ना 14:28

तुँऐं मुँह ऐजो बुल्दे शुँणा, के ‘हाँव ज़ादा लागा, अरह् हजो पाछु तुओं कैई आऊँबा।’ जे तुँऐं मुँह आरी प्यार कर्दे, तअ ईयों बातो शुँणियों बैजाऐ खुशी हंदे; किन्देंखे के हाँव बाबा कैई ज़ाँदा लागा, जुण्जे के मुँह शे बैजाऐ महाँन बड़े असो।

यूहन्ना 14:9

प्रभू यीशू ऐ तेस्खे बुलो, “ओ फिलिप्पुस, हाँव कोद्दी शुभा बड़े बख्तो तोड़ी, तुँवाँरी गंईलो असो; तअ तबे भे तुऐं मुँह जाँण्दें ने? परह् जेने मुँह देखी थुवा; तेने बाबा भे देखी थुवा: तअ तबे तुऐ ऐजो कैई बुलो, के ‘आँमों कैई शे सिर्फ बाबा के दर्षण कराव?’

यूहन्ना 17:5

ईन्देंखे हे बाबा! तुऐं मेरी भे आप्णी गंईलो, तियों महाँ बंड़ियाई आरी, बड़याऐ करह्, जुण्जी बड़ियाऐ मेरी तुवाँरी गंईलो संईसारी की रंचणों कंर्णो शी आगे थी।

यूहन्ना 20:28

तबे थोंमा ऐ जबाब दिता; “हे मेरे प्रभू! हे मेरे पंण्मिश्वर!”

यूहन्ना 5:18

ईन्दे का नंत्तिजा ऐजा हुवा, के यहूदी अगवाल़ प्रभू यीशू पाछ़ी हाथों धुऐयों पड़े; के ऐ सिर्फ बिशाँव के देसो का निय्म ही ने च़ूड़्दा, परह् ऐ तअ परंम-पिता पंण्मिश्वर खे भे आप्णाँ बाबा बुलियों आपु खे तिनका संग्गा बैटा हंईयों।

यूहन्ना 5:23

जिन्दें लई बादे लोग बैटे के भे तेष्णी ही आदर-ईज्जत करह्; जेष्णीं बाबा के आदर-ईज्जत करह्; किन्देंखे के जुण्जा कुँऐं बैटे की आदर-ईज्जत ने करदा, से बाबा के भे आदर-ईज्जत्त ने करदा; जिन्ऐं आप्णाँ बैटा डेयाल़ी थुवा थिया।

रोमियों 9:5

अमाँरे पुराँणिऐं भे ईन्हीं के असो; अरह् मसीया भी तिन्ही मुँझी पय्दा हुऐं। सेजा मसीया जू सोभी का पंणमिश्वर अरह् ज़ूगौ-ज़ूगौ तोड़ी भागोईत असो। आमीन।

2 कुरिन्थियों 4:4

अरह् तिनू बै-बिश्वाषी खे, जिनकी बुद्धी ईयों संईसारी के ईश्वर ऐ शैड़ी बाँणी थऐ, जे मसीया जू पंण्मिश्वर का सरूप असो, तिन के त्तेजमंऐं खुषख्बरी का प्रकाष तिनू गाशी ने चंम्को।

2 कुरिन्थियों 8:9

तुँऐं अमाँरे प्रभू यीशू मसीया की कृपा जाँणों ऐ, के से धनी-सेठ हऐयों भे तुँवारी ताँईऐं कंगाल बणे, जू तिनके कंगाल हणों शे तुँऐं सैठ बंणी ज़ाँव।

1 तीमुथियुस 1:17

ऐबे सदा का राजा मतल्व अ-बिनाषी, अनाँथों: खे, सिर्फ ऐक पंण्मिश्वर का आदर अरह् बड़ियाऐ ज़ूगौ-ज़ूगौ तोड़ी हंदी रंह्। आमीन।

1 तीमुथियुस 3:16

ईदा किऐ षक-शुभा ने आथी, के भगत्ति का भेद् गऐरा असो: मंतल्व से जू देह्-शरीर दे पर्गट हुऐ, अरह् पबित्र-आत्त्मा दे धर्मी बंणें; अरह् से स्वर्गदूत्तो कैई शे ऊडे देखाई पडे, अरह् गंऐर यहूदियों मुँझ़ी तिनका प्रचार हुआ; अरह् संईसारी दा तिनू गाशी बिश्वाष करा गुवा, अरह् बड़ियाऐ आरी तिनू स्वर्गो दे ऊबै टीपै गुऐ।

तीतुस 2:13

अरह् तेसी धन्यबाद के भुर्षें दे मतल्व आप्णे बड़े पंण्मिश्वर अरह् छुट्कारे देणों वाल़े प्रभू यीशू मसीया कि बड़ियाऐं के पर्गट हंणों की ताक दे रंह्।

इब्रानियों 1:3

सेजा बैटा पंण्मिश्वर की बड़ियाऐ का साच्चा अरह् तिनका सरूप-अंष असो; अरह् बादी चींजो से आप्णी बचन की शक्त्ति लई सभाल़ो; तिन्ऐं सोभी लोग पाप शे छुड़ोऐयों, अरह् आपु ऊगले स्वर्गो दे ज़ाऐयों, महाँ-प्रतापी परमं-पिता पंण्मिश्वर के सुऐं ढबे बऐठी गुऐं।

इब्रानियों 1:6

अरह् तबे से आप्णाँ जैठा बैटा संईसारी के सहाँम्णें हाजीर कर्दे बख्त्ते बुलो: “पंण्मिश्वर के बादे स्वर्गदूत्त तेस्खे लाँम्बे पसरियों प्रणाँम करह्।”

इब्रानियों 1:8

परह् बैटे के बारे दो से ऐजो बुलो: “पंण्मिश्वर! तेरो सिंगास्ण ज़ूगौ-ज़ूगौ का असो, अरह् तुऐं आप्णें राज का अंधिकार नियाँव आरी कर्दे।

इब्रानियों 13:8

प्रभू यीशू मसीया आगे भे अरह् ऐत्त्लो भे अरह् हजो भे ज़ूगौ-ज़ूगौ तोड़ी ऐक-भाँत्ते ही असो।

प्रकाशितवाक्य 21:6

तबे तिन्ऐ मुँखे हजो बुलो, “सब काँम-काज़ खत्त्म हऐ गुवा; हाँव, अल्फ़ा अरह् ओमेगा असो, मतल्व शुरू अरह् अंन्त्त असो। हाँव च़ीषै खे जीवन-जल के फ़ट्वाँणीं शो, ऐई मुँझ़ी पाँणीं पीयाँऊबा।