फिलिप्पियों 2:12 - Sirmouri

¹² ईन्देंखे हे मेरे प्यारे, तुँऐं सदा मेरी बात मान्दे रंह्, ऐबे हाँव तुँओं शा दुरका असो, ईन्देंखे जबे हाँव तुँओं आरी थिया, तिन्दे शे कंम ने; परह् तिन्दे शे भे जादा होंस्ले शे तुँऐं डर्दे, अरह् आप्णे पाप के छुट्कारे के काँँम-काज़ दे लागे अंदें रूऐ;

सिरमौरी नौवाँ नियम

¹² इथकारिए ओए रै मैरै प्यारो, जोबै हांव तोंवारै साथै थिया तोबै तुऐं हमैशा पौरमेशवर कै आज्ञा का पालन कौरा। ऐबै जोबै हांव दूर हौए गौआ, तौ तुऔं हौजौ बै बात मानणै चैंई। डौरेयौ औरौ कामणैयौ आपी मुंजी हर ऐकी कै तिनु चीज़ौ कै कौरणी चैंई जू तिनु लोगौ कारिए सोही औसौ जिनुखै पौरमेशवरे बौचाए राए।

फिलिप्पियों 2:12 Cross References

मत्ती 11:12

संत्त-यूहन्ना नहाँण-नहाँणों वाल़े के बख्तो शा ऊबा, हेभी तोड़ी जुण्जे लोग स्वर्गो के राज्य दे मुँढ़ाईऐ ज़ाँदे रूऐ, परह् बलवाँन लोग तिनका हंक भे ऊढा दड़ो।

मत्ती 11:29

मेरो षमाँऐं आपु गाशी थागो, अरह् मुँह कैई शो शिखों; किन्देखे के हाँव निस्त्त अरह् मंन शा शरीफ असो, तुऐं आप्णें मंन दा बिषाँव पाँदे:

प्रेरितो कै काम 16:29

तबे तेने ठाँणेंदारे ऐ दिवा अंणाँया अरह् कंय्दखाँने दा से भींटा हुटा, अरह् से काँम्ब्लियों संत्त-पौलुस अरह् सीलास के लात्तो गाशी पड़ा;

प्रेरितो कै काम 9:6

ऊँबा बींऊँजियों नंगर दा ज़ा, अरह् ताँव जुण्जो कर्णो पड़लो, सेजो ताँव कैई तेथी ही बुलो ज़ालो।”

रोमियों 2:7

जुण्जे आछे काँम-काज़ कर्दें अट्ल़ रंह्ले, से बड़ियाऐ, अरह् आदर-ईज्जत, अरह् अमर हंणों की खोज दा असो, तिनखे से अमर जीवन देंदा;

1 कुरिन्थियों 15:58

ईन्देंखे हे मेरे प्यारे भाऐ बंईणों पाके, अट्ल़, डटेअंदे रूऐ, अरह् तुऐं प्रभू की काँम-काज़ कर्णो खे बड़दे ज़ाव, किन्देंखे के तुँऐं ऐजो जाँणों ऐ, के तुऐं जू प्रभू खे मेंह्नत्त करी लऐ से बै-कार ज़ाँदी ने।

1 कुरिन्थियों 2:3

हाँव कंमजूरी अरह् डरियों, अरह् बैजाऐ काँम्ब्लियों तुँवारी गईलो रूआ;

1 कुरिन्थियों 4:14

हाँव तुँओं शर्मिन्दा कर्णो खे ऐजी बातों ने लिख्दा, परह् आप्णें प्यारे नहाँन्ड़िया जाँणियों तुँओं कैई शो ऐजो चित्ते कराँऊ।

2 कुरिन्थियों 7:15

जबे तुँओं खे अज्ञाकारी हंणों को चित्ते आँव, के कैष्णें तुँऐं डर्दें अरह् काँम्लिन्दें तिनू आरी मेल-भेंट करी; तअ तैस्को पियार भे तिवाँरी ढबे बढ़दो ज़ाँव।

इफिसियों 6:5

हे दासो, जू लोग ईयों संईसारी दे तुवाँरे माँलिक असो, आप्णें मंन की सच्चाई शे डर्दे अरह् काँम्बलिंदे, जेष्णी मसीया की तैष्णी तिनकी भे अज्ञाँ मानों।

फिलिप्पियों 1:27

सिर्फ ऐतड़ो करह्, के तुवाँरा चाल-चल़्ण मसीया के खुषख्बरी के ज़ुगा हों, के हाँव आऐयों तुँओं देखू, भाँव ना देखू; परह् हाँव तुवाँरे बारे दो ऐजो ही शुणू, के तुँऐं ऐक ही आत्त्मा दे अट्ल़ असो, अरह् ऐक मंन हऐयों खुषख्बरी के बिश्वाष खे मेंह्नत कर्दे रंह्,

फिलिप्पियों 1:29

किन्देंखे के मसीया के जाँणें तुँओं गाशी ऐजी कृपा हऐ रऐ, तेस गाशी सिर्फ बिश्वाष ही ने करे, परह् तिनकी ताँईऐं दु:ख भे भूगो,

फिलिप्पियों 1:5

ईन्देंखे के तुँऐं आगले देसो शे ऊबे ऐतलो तोड़ी खुषख्बरी देणों खे अमाँरें साथी असो।

फिलिप्पियों 1:6

मुँह ईयों बातो का भूर्षा असो, के जिन्ऐं तुँओं कैई शे आच्छ़े काँम-काज़ कराँणें शुरू कराऐ थिऐ, सेही तिनू यीशू मसीया के आँणों के देसो तोड़ी पुरो करला।

फिलिप्पियों 2:19

मुँह प्रभू यीशू दा भूर्षा असो, के हाँव तिमुथियुस तुँओं कैई हेभी भेजुबा, जू तुँवारा हाल-चाल शुँणियों मुँह शाँण्त्ति भेंटो।

फिलिप्पियों 4:1

ईन्देंखे हे मेरे प्यारे भाऐ-बईणों, जिंदा मेरा जिऊँ लागी रंह्, जू मेरा आनन्द, अरह् शीर का ताज असो, हे मेरे दोस्तो, प्रभू दे ऐष्णें ही अट्ल़ रंह्।

फिलिप्पियों 4:15

हे फिलिप्पियों, तुँऐं आपु भे जाँणोंऐं के खुषख्बरी के प्रचार के शुरू दे जबे हाँव मकिदुनिया शा बिदा हुआ, तबे तुँओं छुड़ियों ओकी कोसी भी कलीसिया शी मुँखे किऐ भे मंद्दत्त-साय्ता ने भेटी।

1 थिस्सलुनीकियों 1:3

अरह् आप्णें परंम पिता-पंण्मिश्वर के सहाँम्णें तुवाँरे बिश्वाष के काँम-अरह् प्यारों के मेंहन्त्त अरह् अमाँरे प्रभू यीशू मसीया दे अटल भोर्षे के धिरज दे हमेशा चींत्ते थंह्।

2 तीमुथियुस 2:10

ईन्देंके कारण हाँव च़ूंणें-छाटे अंदें लोगो की ताँईऐं सब-कुछ सऐन करू, के से भे तेसी छ़ुट्कारा जुण्जा के मसीया यीशू दा असो; से तेसी भे सदा की बड़ियाई आरी पाँव।

इब्रानियों 12:1

ईन्देंखे जबे अमाँरे चोंऊँ ढंबै गुवाह्-शाज़्त्त का ऐक बोड़ो बाद्ल़ जियों छ़ाँऐ रूओं; तअ आँमें भे रूकाव्ट देंणों वाल़ी चींज अरह् ऊल़्झ़ाँणों वाले पाप दूर करियों, सेजी दोऊँड़ जिन्दें अमाँरे दोऊँड़्णो ऐ तिन्दे आँमें धिरज शे दोऊँड़ो।

इब्रानियों 4:1

ईन्देंखे आँमें ऐसी बारे दे खास करियो च़ौक्क्ष रंह, के जाँव तोड़ी तिनके बिषाँव देसो का बाय्दा माँना ज़ाँव; ताँव तोड़ी तुओं मुँझ़्शा कुँऐं भे हाजीर हंणों शा पाछ़ू ने छुटी ज़ाँव।

इब्रानियों 4:11

ईन्देंखे आँमें तेसी बिषाँव के देसो दे हाजीर हंणों के पुरी हिमम्त्त आरी कोशिष करह्; के कोसी भी अज्ञाँ ना माँन्णों के कारण किऐ भे सजा ने पाँणीं पड़ो।

इब्रानियों 5:9

अरह् सीद्ध बंणियों आप्णें बादे अज्ञाँ माँनणों वाल़े की ताँईऐं सदा खे छ़ुट्कारा देणों वाल़े बंणें;

1 पतरस 2:11

हे प्यारों, हाँव तुँओं शी अरज करू के तुँऐं आपु खे प्रदेशी अरह् मुसाफर जाँणियों ईयों संईसारी की बुरी हिछ़या शे दुर्के रूऐ; जू तुँवारी आत्त्मा आरी ज़ूद्ध करह्।

2 पतरस 3:18

परह् अमाँरें प्रभू अरह् बंचाँणों वाल़े, प्रभू यीशू मसीया की कृपा अरह् पछ़याँण दे बढ़्दे ज़ाव। तिन्ही की बड़ियाऐ ऐबे भे हों; अरह् सदा ज़ूगौ-ज़ूगौ तोड़ी हंदी रंह्। आमीन।