फिलिप्पियों 1:27 - Sirmouri

²⁷ सिर्फ ऐतड़ो करह्, के तुवाँरा चाल-चल़्ण मसीया के खुषख्बरी के ज़ुगा हों, के हाँव आऐयों तुँओं देखू, भाँव ना देखू; परह् हाँव तुवाँरे बारे दो ऐजो ही शुणू, के तुँऐं ऐक ही आत्त्मा दे अट्ल़ असो, अरह् ऐक मंन हऐयों खुषख्बरी के बिश्वाष खे मेंह्नत कर्दे रंह्,

सिरमौरी नौवाँ नियम

²⁷ सिरफ ऐतरो कौरौ कै तोंवारा चाल चलन मसीह कै सुसमाचार कै लायक हौंव। चाहै हांव आयौ खै तुऔं दैखु, चाहै ना बै ओऊं, तोंवारै बारै मुंजी ऐजौ शुणु कै तुऐं ऐकैई मकसद दै मजबूत औसौ, औरौ ऐक साथै हौयौ सुसमाचार पांदी बिशवाश कारिए मैहनत कौरदै रौव।

फिलिप्पियों 1:27 Cross References

मत्ती 12:25

प्रभू यीशू ऐ तिनके मंन की बात जाँणियों तिनखे बुलो, जेसी-कसी राज्य दी, फूट हों, तेसी राज्य को ऊज़्डियों-छ़तिया नाँष हों; अरह् जे कोसी नंगर के घराने दी फूट पड़ो, तअ सेजा घर बंणाँ अंदा ने रंह्दा।

प्रेरितो कै काम 2:46

सेजे बादे बिश्वाषी लोग रोज ऐक मंन हऐयों देऊँठी दे कट्ठै हों थिऐ, अरह् घरह्-घरह् प्रभू भोज की रोटी खाँव थिऐ; अरह् से खुशी-आँनन्द मंनाँव थिऐ; अरह् नींष-कपट् मंन शो से बादे झोणें साथी भोजन करह् थिऐ।

प्रेरितो कै काम 24:24

कुछ़़ देसो बित्त्णों गाशी, हाकम-फेलिक्स आप्णी यहूदी घरवाल़ी द्रुंसिल्ला की गंईलो आया; तबे तेने संत्त-पौलुस बंईद्णों खे शुज़ा दिता, अरह् तेस कैई शी प्रभू यीशू दा बिश्वाष के बारे दी बातो शुँणी।

प्रेरितो कै काम 4:32

बिश्वाषियों के मँडल़ी ऐक चींत्त ऐक मंन, अरह् ऐक प्राँण थिऐ; तिनू मुँझी कुँऐ भे आप्णीं जंजाऐत्त खे आप्णी ने संहम्झों थिऐ, अरह् जुण्जो किऐ तिन कैई थियों; तिन्दा सोभी का ऐक्भाँता बरा-बुर साजा थिया।

रोमियों 1:16

किन्देंखे के हाँव यीशु मसीया की खुषख्बरी दा सरमाँदा ने, ईन्देंखे के से ऐक नाँम बिश्वाष कर्णो वाल़े खे आगे यहूदी खे, तबे यूनानी खे, मुँक्त्ति के मुँताबिक शी पंणमिश्वर के शक्त्ति असो।

रोमियों 1:5

तिनके जाँणें आँमों कृपा अरह् प्रभू यीशू के खास-चैला बंण्णों खे मुका भेटा, के तिनके नाँव के जाँणें बादी गऐर यहूदी के लोग बिश्वाष करियों तिनकी बष दे हों,

रोमियों 1:9

पंणमिश्वर जिनकी सेवा हाँव आप्णें पुरे दिल शी तिनके बैटे की खुषख्बरी के बारे दी करू, से मेरे गुवाह्-शाज़्त असो, के हाँव तुँओं केष्णें हमेशा चिंतोंदा रंहू।

रोमियों 10:8

परह् पबित्र-ग्रन्थों का बुलो? ऐजो के “बचन तेरे नंजींक असो, तेरी ज़ात्ती दा, अरह् तेरे मंन दा असो,” ऐ सेजा ही बिश्वाष का बचन असो, जू आँमें प्रचार करह्,

रोमियों 15:16

के हाँव गऐर यहूदी खे मसीया यीशू का दास बंणियों पंणमिश्वर की खुषख्बरी की सेवा याजकों जैष्णी करू; जिन्दे लई गऐर यहूदी लोग पंणमिश्वर कैईं धारण कर्णो ज़ुगी भेंट बंणी सको, अरह् पबित्र-आत्त्मा के जाँणें पंणमिश्वर खे पुरे ढंग शे पबित्र बंणों।

रोमियों 15:29

अरह् हाँव जाँणूऐं, के जबे हाँव तुँओं कैई आँऊबा, तअ मसीया की बादे आशिर्बाद आरी आँऊबा।

1 कुरिन्थियों 1:10

हे मेरे भाऐ बंईणों, हाँव तुँओं शी अमाँरे प्रभू यीशू मसीया के नाँव शी ढाल-अरज करू, के तुँओं मुझी फुट् ने पड़ो, तुऐं ऐक ही मंन अरह् ऐक ही बात अरह् ऐक ही मत्त दे मिली-झुलियों रंह्।

1 कुरिन्थियों 15:58

ईन्देंखे हे मेरे प्यारे भाऐ बंईणों पाके, अट्ल़, डटेअंदे रूऐ, अरह् तुऐं प्रभू की काँम-काज़ कर्णो खे बड़दे ज़ाव, किन्देंखे के तुँऐं ऐजो जाँणों ऐ, के तुऐं जू प्रभू खे मेंह्नत्त करी लऐ से बै-कार ज़ाँदी ने।

2 कुरिन्थियों 13:11

तअ: हे भाऐ, बंईणों, आँन्दित्त-खुशी रंह्; साच्चै बण्दे ज़ाव; हिम्मत थुऐं; ऐक ही मंन थुऐ; मेल शे रूऐ। अरह् पियार अरह् शाँण्त्ति का दाता पंण्मिश्वर तुँवारी गईलो हला।

2 कुरिन्थियों 4:4

अरह् तिनू बै-बिश्वाषी खे, जिनकी बुद्धी ईयों संईसारी के ईश्वर ऐ शैड़ी बाँणी थऐ, जे मसीया जू पंण्मिश्वर का सरूप असो, तिन के त्तेजमंऐं खुषख्बरी का प्रकाष तिनू गाशी ने चंम्को।

2 कुरिन्थियों 9:13

किन्देंखे के सेवा का नंतिजा स्बीकार करियों से पंण्मिश्वर की बड़ियाऐ पर्गट करह्, के तुँऐं मसीया की खुषख्बरी मानियों तेसी ही बिसाब शे चाले, अरह् तिनकी ढबे शी सोभी की सहाय्ता-मंद्दत कर्णो की हिछ़या पर्गट करह्।

गलातियौं 1:7

परह् सेजी ओकी खुषख्बरी बिल्कुल भे आथी ही ने: परह् बात ऐजी असो, के कैतोड़े ऐष्णें असो, जू तुँओं दुबिदा दे पाँऐयों डराऐ दियों; अरह् मसीया की खुषख्बरी बिगाड़ी देंणी चहाँव।

इफिसियों 1:13

तुँऐं सच्चाई का बचन मतल्व आप्णी मुँक्त्ति की खुषख्बरी शुँणियों मसीया दा बिश्वाष किया अरह् तुँओं गाशी तियों पबित्र-आत्त्मा के मूँहर-छाप लागी गऐ, जिन्दे का बाय्दा तिन्ऐं करी थुवा थिया।

इफिसियों 1:15

प्रभू यीशू गाशी तुवाँरा बिश्वाष अरह् सोभी भगत्तो के बारे दा तुवाँरे प्यार के बारे दो शुँणी थुओ, हाँव तुवाँरे जाँणें पंण्मिश्वर का धन्बाद देदा रंऊँ;

इफिसियों 4:1

ईन्देंखे हाँव जू प्रभू खे कय्दी असो, तुँओं खे ढाल-अरज करू; के जेसी बुलावे शे तुँओं बय्दी थुऐ, तिन्दे ज़ूगी तुऐ चाल भे चालो,

फिलिप्पियों 1:5

ईन्देंखे के तुँऐं आगले देसो शे ऊबे ऐतलो तोड़ी खुषख्बरी देणों खे अमाँरें साथी असो।

फिलिप्पियों 2:12

ईन्देंखे हे मेरे प्यारे, तुँऐं सदा मेरी बात मान्दे रंह्, ऐबे हाँव तुँओं शा दुरका असो, ईन्देंखे जबे हाँव तुँओं आरी थिया, तिन्दे शे कंम ने; परह् तिन्दे शे भे जादा होंस्ले शे तुँऐं डर्दे, अरह् आप्णे पाप के छुट्कारे के काँँम-काज़ दे लागे अंदें रूऐ;

फिलिप्पियों 2:24

अरह् मुँह प्रभू गाशी भूर्षा असो, के हाँव आपु भे शट आँऊबा।

फिलिप्पियों 3:18

किन्देंखे के कऐयों ऐशी चाल-चालो, जिनकी चर्चा मुँऐ तुँओं कैई बार-बार करी थऐ, अरह् ऐबे भे रूई-रूईयों बुलू; के कुछ़ लोग आप्णी चाल-चलण लंई यीशू मसीया की शुँल़ी-फ़ाँषी की कुरूबाँणीं के बऐरी असो।

फिलिप्पियों 3:20

परह् अमाँरा आप्णा देश स्वर्गो दा असो, अरह् आँमें ऐक मुँक्त्ति देणों वाल़े प्रभू यीशू मसीया की तेथै शी आँणो के बाट जूई लऐ।

फिलिप्पियों 4:1

ईन्देंखे हे मेरे प्यारे भाऐ-बईणों, जिंदा मेरा जिऊँ लागी रंह्, जू मेरा आनन्द, अरह् शीर का ताज असो, हे मेरे दोस्तो, प्रभू दे ऐष्णें ही अट्ल़ रंह्।

कुलुस्सियों 1:10

जू तुवाँरा चाल-चल़्ण प्रभू ज़ूगा हों, अरह् से हर तरेह् शे खुशी हों; अरह् तुँओं दे हर किस्म के भले काँम का फल़ लागो, अरह् पंण्मिश्वर के पछ़याण दे बढ़्दे ज़ाँव।

कुलुस्सियों 1:4

किन्देंखे के आँमें मसीया यीशू गाशी तुँवारा बिश्वाष अरह् पंण्मिश्वर के बादे पबित्र लोगो खे तुवाँरे प्यार के बारे दो शुँणी थुओ;

1 थिस्सलुनीकियों 3:6

परह् हेबी तीमुथियुस ऐ, जू तुँओं कैई शा ईथै आऐ रूआ, ऐने तुवाँरे बिश्वाष अरह् प्यार का समाँचार शुँणाँया, अरह् ऐजी बात भे शुँणाई के तुँऐं बादे प्यार शे आँमों चित्ते करह्; अरह् आँमों देखणों की हिछ़या करह्, जेष्णी आँमें भे तुँओं देखणों के हिछा करह्।

1 थिस्सलुनीकियों 4:1

ईन्देंखे हे भाऐ-बंईणों, आँमें तुँओं खे ढाल-अरज करह्, अरह् तुँओं प्रभू यीशू दे सम्झाँव, के जैष्णी तुँऐं आँमों शी आच्छ़ी चाल चाल्णी अरह् पंण्मिश्वर खुशी करणा शिखा, अरह् जैष्णें तुँऐं चालो भे ऐ, तेष्णे ही हजो भे बढ़्दे रंह्।

1 तीमुथियुस 1:11

ऐजी शिक्क्षा पंण्मिश्वर की बड़ियाऐ की खुषख्बरी के मुँताबिक शी असो, अरह् हर प्रकार के कृपा देंणों वाल़े, महाँन परंम-पिता पंण्मिश्वर शी भेंटी रंह्, जू मुँह कैई देऐ थऐ।

1 तीमुथियुस 1:19

अरह् बिश्वाष अरह् तेसी आछे सभाव-बरताव, थाँम्ड़ा अंदा थुऐ, जेसी दूर कर्णो के जाँणें कैतोड़े लोगो के बिश्वाषो का छ:त्तियाँनाँष हुआ।

2 तीमुथियुस 4:7

मुँऐ आच्छ़ी कुष्ती लड़ी थऐ, मुँऐं आप्णी दौड़ पुरी करी पाऐ, मुँऐ बिश्वाष की देख-भाल़ करी थऐ।

तीतुस 2:10

चोरी चलाकी ने करे, परह् हर-तरह् शे बिश्वाष दे नींक्ल़ै रंह्, अरह् से बादी बातो दे अमाँरे छूट्कारा देणों वाल़े पंण्मिश्वर की शुभा बड़ाँव।

फिलेमोन 1:5

किन्देंखे के हाँव तेरा प्रभू यीशू गाशी बिश्वाष अरह् सोभी प्रभू के लोगो आरी पियार के बारे दी बातो के चर्चा शुणू,

याकूब 3:18

मिलाप कराँणों वाल़ा, जू धार्मिक्त्ता का फल़ मेल-मिलाप आरी बोंह्।

2 पतरस 3:11

जबे के बादी चींजो ऐशी दाँई पीगल़्णों वाल़ी तअ तुऐ पबित्र चाल-चलण, अरह् भग्त्ति दे कैशे आदमी हुऐ चैई,

2 पतरस 3:14

ईन्देंखे, हे प्यारे साथियों, जबे के तुँऐं ईनू बातों का भूर्षा थह्, तअ कोशिष करह् के तुँऐं शाँण्त्ति शे तिनके साम्णें निरदोष-बै-कसूर भेटे चैई,

यहूदा 1:3

हे प्यारों! जबे हाँव तुँओं खे तैसी छुट्कारे के बारे दो लिख्णों खे बैजाऐ मेंह्नत्त कर्णो के कोशिष दा थिया, जिन्दें आँमें बादे साजी असो, तअ मुँऐं ऐजो जरूरी जाँणों के तेसी बिश्वाष खे जरूरी कोशिष करह्, जू पबित्र लोगो खे ऐकी ही बई देऐ थुवा।