फिलिप्पियों 1:23 - Sirmouri

²³ किन्देंखे के हाँव दूई के बिचो दा अदमो दा लटकी रूआ, दिल तअ ऐशो चहाँव, के आप्णीं ऐजी देह्-शरीर छ़ुड़ियों ऐकदंम मसीया कैई ज़ाऊँ; किन्देंखे के ऐजो मुँखे बैजाऐ आछो असो।

सिरमौरी नौवाँ नियम

²³ हांव ना जाणु कै कोसी खै चुणु; जी तौ चांव कै मौरे जोऊं औरौ मसीह कै धोरे जायौ रोऊं, ऐजौ बैजाए आछौ औसौ।

फिलिप्पियों 1:23 Cross References

लूका 12:50

मेरे तअ ऐक नहाँण-नहाँणों, अरह् जाँव तोड़ी सेजो नहाँण पुरो ने हुओं; ताँव तोड़ी हाँव बैजाऐ बै-चय्न-बियाकुल असो!

लूका 23:43

प्रभू यीशू ऐ तैस्खे बुलो, “हाँव ताँव्खे खास बात बुलू, कि ऐत्त्लो ही तू मेरी गंईलो स्वर्गो दा हंईला।”

लूका 8:38

जैसी आदमी शी सेजी दुष्ट-आत्त्मा निक्ल़ी रंही थी, से प्रभू यीशू शी बीनत्ती करदा लागा, के मुँह भे आप्णी गईलो रंहणों दियो; परह् प्रभू यीशू ऐ तैस्खे बिदा कर्दे बुलो।

यूहन्ना 12:26

जे कुँऐं मेरी सेंवा करह्, तअ से मुँह पाछी आँव; अरह् जेथै हाँव असो, तेथै मेरा दास भे हंदा। जे कुँऐं मेरी सेंवा करह्, तअ बाबा तैस्की आदर-ईज्जत करला।

यूहन्ना 13:1

(फ़सह) के मेल़ै को देस थियो; अरह् प्रभू यीशू कैई ऐजा पता थिया, के ऐबे मेरा ईयों संईसारी छुड़ियों बाबा कैई पाछू ज़ाँणों का बख्हत्त नंजीक आऐ गुवा; तअ तबे: प्रभू यीशू ऐं जुण्जे तिनके ईयों संईसारी दे आप्णें प्यारे थिऐ, तिनू आरी तिन्ऐं आखरी बख्त्तो तोड़ी तेष्णों ही प्यार करो।

यूहन्ना 14:3

तेथै ज़ाऐयों हाँव तुओं खे जागा तियार करियों, हजो पाछ़ू आँऊबा; अरह् तुओं भे आप्णी गंईलो तेथै नींह्ऊँबा जेथै हाँव असो, अरह् तबे तुऐं भे मेरी गंईलो तैथी ही रंह्ले।

यूहन्ना 17:24

हे बाबा! मेरी हिछ़्या ऐजी असो, के ऐजे लोग भे जिनू तुऐं मुँह कैई देऐ थुऐ; ऐ भे मेरी गंईलो, तेथी रंह्; जेथै हाँव असो, के ऐ मेरी सेजी बड़ियाऐ देखी सको; जुण्जी तुऐं मुँखे देऐ थंऐ थी, किन्देंखे के ईयों संईसारी की रंचणाँ कर्णो शो आगे भे तुऐं मुँह आरी प्यार करह् थिऐ।

प्रेरितो कै काम 7:59

जबे तिनू लोगें ऐ स्तिफ़नुस दे पात्त्थर लाऐ लुऐ थिऐ, तअ तेने ऐजी प्रार्थना करी, “हे प्रभू यीशू! मेरी आत्त्मा धारंण करह्!”

2 कुरिन्थियों 5:8

ईन्देंखे आँमें हिम्मत्त थंह्, अरह् देह्-शरीर शे ज़ई रंऐयों, प्रभू आरी रंहणों आछ़ो जाँणों।

2 कुरिन्थियों 6:12

तुँओं खे अमाँरे मंन दा किऐ खोट ने आथी, परह् तुवाँरे ही मंन दा खोट असो।

फिलिप्पियों 1:24

परह् देह्-शरीर दो रंहणों तुँवारी ताँईऐं बैगेही जरूरी असो।

1 थिस्सलुनीकियों 2:1

हे भाऐ-बंईणों, तुँऐं आपु भे जाँणो ऐ के अमाँरो तुँओं कैई आँणों बै-कार ने गई।

1 थिस्सलुनीकियों 2:13

ईन्देंखे आँमें भे पंण्मिश्वर का धन्यबाद सदा कर्दे रंह्, के जबे अमाँरे जाँणें पंण्मिश्वर की खुषख्बरी का बचन तुँओं कैई पईचा, तअ तुँऐं तेसी आदमी का ने; परह् पंण्मिश्वर का बचन जाँणा, (अरह् सत्तिखे ऐ ऐष्णों ही असो) तुँऐं भे माँनों; अरह् से तुँओं बिश्वाषी मुँझी जू बिश्वाष थंह्, ऐक दब-दबा बंणा अंदा रंह्।

1 थिस्सलुनीकियों 4:17

तबे आँमें जू जीऊँदे अरह् बंचे अंदे असो, आँमों भे तिनकी गईलो बाद्ल़ो मुझी ऊबे टिप्दे, के बाद्ल़ो दे प्रभू कैई शे भेंटिऊँबे; अरह् तेषे दाँई आँमें प्रभू आरी संदा रह्ऊबे।

2 तीमुथियुस 4:6

किन्देंखे के ऐबे मेरी बल़ी जेऐ चड़ाऐ लंऐ, अरह् ऐबे मेरा निक्ल़णों का बख्त आई पुज़ा।

प्रकाशितवाक्य 14:13

तबे मुँऐ स्वर्गो शी ऐजी धाव शुणीं, “लिख: भागोईत हंदें से मंरे अंदे, किन्देंखे के ऐबे तिनकी मंऊँत प्रभू दे हंदी,” ऐजो “साच्चो असो!” पबित्र-आत्त्मा बुलो, “होर, से आप्णी कष्टो-मेंह्नत शा बिषाँव कर्दे, किन्देखे के तिनके भले काँम-काज़ तिनकी ही गईलो असो।”