फिलिप्पियों 1:1 - Sirmouri

¹ मसीया प्रभू यीशू के दास संत्त-पौलुस अरह् तीमुथियुस के ढबे शे बादे फिलिप्पियों के पबित्र लोग मसीया प्रभू यीशू आरी बिश्वाष करियों रंह्, कलीसिया के अगवाँल़ अरह् कलीसिया दे सेंवा कर्णों वाल़े सोभी लोगो खे ऐजी पत्री लिखी थऐ थी;

सिरमौरी नौवाँ नियम

¹ मोऐं पौलुसे तीमुथियुस कै साथै ऐजै चिट्ठी लैखै लौए औरौ आमै मसीह कै सेवक औसौ। मोऐं ऐजै चिट्ठी फिलिप्‍पी शहर दै रौणौवाल़ै कलीसिया कै सौबी ठोगड़े कै औरौ सेवको सहित पौरमेशवर कै पवित्र लोगौ कारिए लैखै लौए।

फिलिप्पियों 1:1 Cross References

मरकुस 13:34

(हाँव ईथे ऐक अनाँणों लिख्णों चहाँऊ, के आदमी के बैटे के आँवणीं केष्णी हंदे) ऐक आदमी थिया, से ओकी देशो प्रदेश खे ज़ादा लागा थिया, तबे तिन्ऐ जाँदी बई आप्णो घर छुड़ी दितो, अरह् तेथू तिन्ऐ आप्णें दास के अधीन करी दिता: अरह् ऐकी नाँम खे तेस्की टअल संम्झाऐ दिती, अरह् देऊँल़ी के जगवाल़े खे बीऊँजी रंहणों के अज्ञाँ दिती।

यूहन्ना 12:26

जे कुँऐं मेरी सेंवा करह्, तअ से मुँह पाछी आँव; अरह् जेथै हाँव असो, तेथै मेरा दास भे हंदा। जे कुँऐं मेरी सेंवा करह्, तअ बाबा तैस्की आदर-ईज्जत करला।

प्रेरितो कै काम 1:20

भजन संहिता दो लिखी थो, के तेस्को घरह् घोराच़ रंह्लो, अरह् तिदा कुँऐं ने बसो; अरह् तेस्का पद्-भार कुँऐ ओका लंह्दा।

प्रेरितो कै काम 20:28

“तुऐं लोग आपु खे, अरह् आप्णीं बादी मंडल़ी खे संक्न्नै-च़ौक्ष रूऐ; ईन्देंखे के पबित्र-आत्त्मा ऐ तुओं खे ईयों मंडल़ी की रंख्वाल़ी का पंद्-भार देऐ थुवा, के तुऐं पंण्मिश्वर की कलीसिया के साच्चै भेंड़वाल़े बंणों; जिनू पंण्मिश्वर ऐं आप्णें बैटे के लंह्ऊँ देऐयों धारण करी थुऐ।

प्रेरितो कै काम 9:13

परह् हनन्याह ऐ बुलो, “हे प्रभू! मुँऐ कंई लोगों कैई शो शुँणीं थो; के ऐने आदमी ऐं यरूशलेम दे तुवाँरे भगत्तों गाशी अत्त्याचार करी थुवा।

रोमियों 1:1

संत्त-पौलुस की ढबे शी जू यीशू मसीया का दास अरह् प्रभू यीशू के खास-चैला बण्णों खे बंईदा गुआ, अरह् पंणमिश्वर की तियों खुषख्बरी की प्रचार खे ज़ई करा गुवा,

रोमियों 1:7

तिनू सोभी के नाँव जू रोम दे पंणमिश्वर के प्यारे असो, अरह् पबित्र लोग बण्णों खे बय्दी थूऐ: अमाँरे परमं-पिता पंणमिश्वर अरह् प्रभू यीशू मसीया की ढबे शी तुँओं खे कृपा अरह् शाँण्त्ति भेट्दी रंह्।

1 कुरिन्थियों 16:10

जे तीमुथियुस आऐ ज़ाव, तअ दे:खे के से तुँवारी गईलो निडर रंह्; किन्देंखे के से मेरी जेऐ प्रभू के काँम-काज़ करह्।

2 कुरिन्थियों 1:1

संत्त-पौलुस के ढबे शा जू पंण्मिश्वर के हिछ़या शा मसीया यीशू का खास-चैला असो, अरह् अमाँरे भाऐ तीमुथियुस की ढबे शा पंण्मिश्वर की तियों कलीसिया के नाँम, जुण्जी कुरिन्थस नंगर असो, अरह् बादे अखया ईलाके के पबित्र लोगो के नाव:

गलातियौं 1:10

कियों ईन्दें लई तुवाँरे ऐशो जाँणियों, के हाँव आदमी की सहाऐता चहाँऊ? के ऐजो, के मुँह पंण्मिश्वर के सहाऐता भेटी चेंई? के हाँव आदमी खुशी कर्णें चहाऊँ? परह् जे हाँव आदमी खुशी करदा तअ हाँव मसीया के दास जेष्णाँ ने हंदा।

गलातियौं 3:26

किन्देंखे के तुँऐं बादे तेसी बिश्वाष के जाँणें जू प्रभू यीशू मसीया गाशी असो; तुँऐं पंण्मिश्वर के नहाँन्ड़िया अलाद असो।

गलातियौं 3:28

ऐबे कोसी दा किऐं फर्क ने रंई, किन्देंखे के ना तअ कुँऐं यहूदी रूवा, ना यूनानी, ना कुँऐं दास ना कुँऐं अजाद ना कुँऐं नंर अरह् ना कुँऐं नारी, किन्देंखे के तुँऐं बादे यीशू मसीया दे ऐक असो।

इफिसियों 1:1

इफिसुस नंगर के भगत्तों अरह् यीशू मसीया दे साच्चै बिश्वाषियों के नाँम संत्त-पौलुस के पत्री, जेसी पंण्मिश्वर की हिछ़्या शा प्रभू यीशू मसीया का खास-चैला बंणाँया गुवा:

इफिसियों 1:15

प्रभू यीशू गाशी तुवाँरा बिश्वाष अरह् सोभी भगत्तो के बारे दा तुवाँरे प्यार के बारे दो शुँणी थुओ, हाँव तुवाँरे जाँणें पंण्मिश्वर का धन्बाद देदा रंऊँ;

इफिसियों 6:24

जुण्जा कुँऐ अमाँरे प्रभू यीशू मसीया शो साच्चो प्यार करह्, तिनू सोभी गाशी अपरंम-पार कृपा हंदी रंह्।

फिलिप्पियों 2:19

मुँह प्रभू यीशू दा भूर्षा असो, के हाँव तिमुथियुस तुँओं कैई हेभी भेजुबा, जू तुँवारा हाल-चाल शुँणियों मुँह शाँण्त्ति भेंटो।

फिलिप्पियों 2:5

जेष्णाँ मसीया यीशू का सभाव थिया, तेष्णा ही तुवाँरा भे सभाव हुआ चेंई;

फिलिप्पियों 3:12

ऐजा मतल्व ने आथी के मुँह् से भेटी रूऐ, के हाँव सिद्ध बंणीं गुवा; परह् हाँव तियों चींजो थाँमबड़णों खे दोऊँड़ी रूआ, जिन्दे की ताँईऐ मसीया यीशू ऐ मुँह थाँम्बड़ी थुवा।

फिलिप्पियों 3:3

किन्देंखे के खतना वाल़े तअ आँमें ही असो, जू पंण्मिश्वर की आत्त्मा के गुवाह्-शाज़्त्ति शी आरार्धना करह्, अरह् मसीया यीशू गाशी तारीफ करह्, अरह् आप्णी देह्-शरीर की बातो गाशी भूर्षा ने कर्दे।

फिलिप्पियों 3:8

ऐती ने, परह् हाँव आप्णें प्रभू मसीया यीशू पंह्छ़याँण्णों खे सोभी शा आछा फाय्दा जाँणू; अरह् ऐसी ज्ञाँन की बरा-बरी दी ऐक नाँम चींजो नुकसाँन ही जाँणू, तिनही के कारण मुँऐ हर ऐक च़ीज छ़ुड़ी दित्ती, अरह् सेजो सब-कुछ़ मुँऐ कुडा़-कर्क्ट जाँणों, जिन्दे लई मुँह मसीया भेटी सको;

1 थिस्सलुनीकियों 1:1

संत्त-पौलुस अरह् सिलवानुस अरह् तीमुथियुस के ढबे शे थिस्सलुनीकियों की कलीसिया के नाँव, दी परंम-पिता पंण्मिश्वर अरह् जुण्जे प्रभू यीशू मसीया दे असो: कृपा अरह् शाँण्त्ति तुँओं भेंटदी रंह्।

1 थिस्सलुनीकियों 2:2

परह् तुँऐं आपु ही जाँणो ऐ, के आगे फिलिप्पी दा दु:ख्ह भुगणें अरह् कल़ेष सुँहणों गाशी भे अमाँरे पंण्मिश्वर ऐ आँमों खे ऐशी दीड़-हिम्मत दिती, के आँमें पंण्मिश्वर की खुषख्बरी का बैजाऐ बिरूध हंदे भे तुँओं कैई शी शुँणाँऐ।

2 थिस्सलुनीकियों 1:1

संत्त-पौलुस अरह् सिलवानुस अरह् तीमुथियुस के ढबे शी थिस्सलुनीकियों की कलीसिया खे, जू अमाँरे परंम-पिता पंण्मिश्वर अरह् प्रभू यीशू मसीया दे असो:

2 थिस्सलुनीकियों 1:10

ऐजो तेसी देसे होंदो, जबे से आप्णे पबित्र लोगो शी बड़ियाऐ अरह् बादे बिश्वाष कर्णें वाल़े मुँझ़ी हेरानी के कारण आँदे; किन्देंखे के तुँऐं अमाँरी गुवाह्-शाज़्त्त गाशी बिश्वाष करा।

1 तीमुथियुस 1:2

तीमुथियुस, के नाँम जू बिश्वाष दा मेरा साच्चा बैटा असो: परंम-पिता पंण्मिश्वर अरह् अमाँरे प्रभू यीशू मसीया की ढबे शी ताँव्खे कृपा, अरह् दया-रंय्म अरह् शाँण्त्ति भेंट्दी रंह्।

1 तीमुथियुस 3:8

तेष्णा ही कलीसिया दा सेवा कंर्णो वाल़ा आदमी भे ईमाँनदार हुवा च़ैई; अरह् से ना तअ दुगला, च़ुगलियारा, अरह् ना नींच कंमाई का लाल़्ची, अरह् ना सुराऐ चैईं;

तीतुस 1:1

संत्त-पौलुस की ढबे शी जू पंण्मिश्वर का दास अरह् यीशू मसीया का खास-चैला असो, पंण्मिश्वर के छाँटे अंदे लोगो का बिश्वाष अरह् तियों सच्चाई की पछ़याँण के मुँताबिक असो, जू भगत्ति के मुँताबिक शो असो,

तीतुस 1:7

किन्देंखे के कलीसिया के देख्ह-रेख्ह कर्णो वाल़ा, जेस कैई पंण्मिश्वर के काँम-काज़ देऐ थुऐ, से बै-कसूर हुआ चेंई; ना हठाव्णा, ना झुकी, ना पिय्कड़, ना झोकड़ू, ना मारपीट कर्णो वाल़ा, अरह् ना नींच कमाई का लाल़्चीं हों,

फिलेमोन 1:1

पौलुस की ढबे शी जू मसीया प्रभू यीशू का कय्दी असो, अरह् भाऐ तीमुथियुस की ढबे शी, अरह् अमाँरी काँम-काज दा साथ देणों वाल़े प्यारे फिलेमोन,

इब्रानियों 13:23

हाँव ऐशो जाँणू, के ऐजो जाँणी पाव के अमाँरा भाऐ तीमुथियुस, कय्दी शा छूटी गुआ; जे से शीघा ही पईचला तअ हाँव तेसी ही आरी तुँओं भेंट्दा आऊँबा।

याकूब 1:1

पंणमिश्वर का अरह् प्रभू यीशू मसीया का दास संत्त-याकूब कि ढबे शी बहारी गोह्त्र खे जू खिदर-भिदर हऐयों रंह्, तिनखे नमंष्कार पऊँची चेंई।

1 पतरस 2:25

किन्देंखे के तुँऐं आगे तअ भट्की अंदी भैढ़ो जेष्णें थिऐ, परह् ऐबे आप्णी आत्त्मा के रख्वाल़े अरह् बड़े हाक्मों कैई पाछू आऐ रूवे।

2 पतरस 1:1

शमौन संत्त-पतरस की ढबे शी, जू प्रभू यीशू मसीया का दास अरह् चूंणा-छ़ाटा अंदा प्रभू यीशू का खास-चैला थिया, तिनू लोगो के नाँम जिन्ऐं अमाँरे पंण्मिश्वर अरह् बंचाँणों वाल़े प्रभू यीशू मसीया के धार्मिक्त्ता के जाँणें आँमों जेष्णाँ किम्त्ति बिश्वाष करी थुवा।

यहूदा 1:1

संत्त-यहूदा के ढबे शा जू प्रभू यीशू मसीया का दास अरह् याकूब का भाऐ असो, तुँओं सोभी खे जुण्जे परमं-पिता पंण्मिश्वर के जाँणें बईदे गुऐ सेजै प्यारे असो; अरह् प्रभू यीशू मसीया खे बंचाऐयों थुऐ गुऐ।

प्रकाशितवाक्य 1:1

यीशू मसीया का बखाँण, जुण्जा तिनखे पंण्मिश्वर की ढंबे शा भेंटा थिया, जिन्दे लंई से आप्णें सेंवक-दास खे नंजीक आणों वाल़ी घट्णाँ देखाँव; तिन्ऐं आप्णें स्वर्गदूत्त डेयाल़ियों ऐसी बखाँण का ज्ञाँन आप्णें सेवक संत्त यहून्ना कैई शा कराया;

प्रकाशितवाक्य 1:20

ईनू सात्ते तारे, जुण्जे तुँऐं मेरे सुँऐं हाथो दे देखी लुऐ, अरह् सुन्नें के सात्त दिय्ट का गऐरा मतल्व भेद्: सेजा असो, के ऐजे सात्ते तारे सात्त कलीसिया खे डेयाल़े अंदे दूत्त असो, अरह् सेजे सात्त सुन्नें के दिय्ट सात्त कलीसिया असो।

प्रकाशितवाक्य 19:10

ईन्देंखे हाँव स्वर्गदूत्त खे नंमष्कार कर्णो खे लाँम्बा पसरियों तिनके लातो गाशी पड़ा। तिन्ऐ मुँखे बुलो, “देख, ऐष्णों ने करे, हाँव तेरा अरह् तेरे भाईयों का संगी दास असो, जू प्रभू यीशू की गुवाऐ-शाज़्त्त देंदा संईसारी दा आऐ रूवा। पंण्मिश्वर ही के लातो गाशी पसरियों नमंष्कार करह्;” किन्देंखे के प्रभू यीशू के गुवाऐ-शाज़्त्त ही ऋषियों के आत्त्मा असो।

प्रकाशितवाक्य 2:12

“पिरगमुना नंगर की कलीसिया के दूत्त खे ऐजो लिख: “जेस कैई दू-धारी अरह् पुईनी तरवार असो, से ऐजो बुलो के

प्रकाशितवाक्य 2:8

“स्मुरना नंगर की कलीसिया के दूत्त खे ऐजो लिख: “जू आगला अरह् आखरी असो, जू मँरी गुवा थिया, अरह् ऐबे जीऊँदा हऐ गुवा, से ऐजो बुलो के,

प्रकाशितवाक्य 22:9

परह् तेने स्वर्गदूत्तें मुँखे बुलो, “देख, ऐष्णों ने करे! किन्देंखे के हाँव तेरा अरह् तेरे भाऐ ऋषियों, अरह् ईयों कताबी की बातो माँनणों वाल़े का संगी-साथी दास असो, तुँऐं सिर्फ पंण्मिश्वर के सहाँम्णें आगुमुँईऐ लाँम्बे पसरियों तिनकी ही आरार्धना करे।”