फिलिप्पी 4:7 - घले नयाँ करार

⁷ मेस्‍ये ङीनजे ज्ञानदे क्‍वने अङ्ख्‍वब परमेश्‍वरजे शान्‍ति ख्यङ्, हम्‍ब शान्‍तिदे नमयूजे ह्‍वे चे ख्‍वब शक्ति मेस्‍ये सेम्ने येशू ख्रीष्‍टने जूक्‍तीदे येम्‍मीय।

फिलिप्पी 4:7 Cross References

लूका 1:79

मेस्‍ये मून्‍दूङ्ने टूङबयू मेस्ये कालजे ङूर्‌ने पर्‌दीब मेल्‍नबयूदे ओथ्याङ् प्रेक्‍क्‍य, मेस्‍ये ङीनजे तोप् शान्तिजे लम्तेले स्‍योल्‍क्‍य।”

लूका 2:14

“पात्‍ताफ्‍याजे स्‍वर्गजे परमेश्‍वरने महिमा, मेस्‍ये पृथ्वीने कम्‍ब मीयूप्रे ङू बेस्‍से सूग ख्यङ्, हम्‍ब मीयूने शान्‍ति!”

यूहन्‍ना 14:27

ङ नमयूने शान्ति पोङ्‍गीय। ङ रङ्सेजे शान्ति नमयूने पीन्‍क्‍य। ङ नमयूने संसारदे पीनप्र अम्‍पीन्। नमयूजे सेम् अन्‍ठोस्‍य, मेस्‍ये अम्‍फस्‍य।

यूहन्‍ना 16:33

नमयू ङै प्रे क्‍यूप्‍प शान्ति क्यूस्स्य यदेबे नमयूने अम्‍ब पो येरेक्‍यूत्‍देबे य ख्यङ्। संसारने टूङ्ब नमयूने सकस् क्‍यूक्‍क्‍य, तर बोङ् ची, ङैदे संसार ट्‌याक ख्यङ्।”

रोमी 1:7

परमेश्‍वरदे छेब नम रोमजे मीयू क्‍वाने ङूजे पवित्र मीयू क्‍यूरने क्व ख्यङ्: ङीनजे प परमेश्‍वर मेस्‍ये प्रभू येशू ख्रीष्‍टदे नमयूने अनुग्रह मेस्‍ये शान्ति पीन्‍स्‍य।

रोमी 14:17

चेनेयलो परमेश्‍वरजे राज्‍य च-थूङने दी, तर अम्‍ब पवित्र आत्माने धार्मिकता, शान्ति मेस्‍ये आनन्‍द ख्यङ्।

रोमी 15:13

पीनब परमेश्‍वरने नमयूदे विश्‍वास चे ख्यङ्। ङूदेने नमयूने आनन्‍द मेस्‍ये शान्ति पीन्‍क्‍य। होरप्रने पवित्र आत्माजे शक्तिदे नमयू थेप् चेखूस्‍य।

रोमी 5:1

येरेक्‍यूत्‍देबे ङीन परमेश्‍वरने विश्‍वास चीत्‍देबे धर्मी ठर्‌दे ख्यङ्, होर्‌दे ङीन प्रभू येशू ख्रीष्‍टप्रे क्यूत्देबे परमेश्‍वरप्रे मिलाप क्‍यूर ख्यङ्।

रोमी 8:6

चेनेयलो पापी स्वभाव अनुसार प्रब मीयूब सीब पर्‌दे ख्यङ्, तर पवित्र आत्‍मा अनुसार प्रब मीयूदेब मेस्‍ये शन्ति प्रेक्‍क्‍य।

२ कोरिन्थी 10:5

परमेश्‍वरजे ज्ञानजे विरुद्ध लङब च्‍य-फा क्‍यूस्‍से पीनब, मेस्‍ये त्वोत्देबे बाधा पीनब साप्‍ता पोयूने ङी नाश चीक्‍क्‍य, मेस्‍ये साप्‍ता थर्‌जे विचारयूने ख्रीष्‍टजे आज्ञा मन्‍दीस्ये पीनजे लागि काबूने रेक्‍क्य।

२ कोरिन्थी 13:11

अत-अची च्योन्‌यू, जेम्‍से अम्‍ब पोयू यदेबे लिख्‍देने बन्‍द चीक्‍क्‍य। सिद्ध क्यूरने बोङ् चीदो, ङैजे पो ङ्यीनो, त्‍या त्‍याप्रे थून्‍देबे टूङो, शान्तिने टूङो, मेस्‍ये प्रेम, शान्ति पीनब परमेश्‍वर नमयूप्रे क्‍यूक्‍क्‍य।

गलाती 5:22

तर पवित्र आत्मादे पीनब फल अम्‍ब ख्यङ्- प्रेम, आनन्द, शान्‍ति, सैदीदेबे टूनख्‍वब, ङ्येमब सेम्, भलो चेब, भर् पर्‌ते ख्‍वब,

एफिसी 3:19

ज्ञानदे मेल अन्ख्‍वब हम्ब प्रेमने नमयूदे था प्रे खूस्‍य, होर्‌दे परमेश्‍वरजे प्रेमदे नमयूने भरीपूर्‌न क्‍यूर खूस्‍य।

फिलिप्पी 1:1

येशू ख्रीष्‍टजे त्वोयू पावल मेस्‍ये तिमोथीदे, ख्रीष्‍टने विश्‍वास चेब फिलिप्पीजे बिशपयू मेस्‍ये डिकनयू होर्‌दे परमेश्‍वरजे पवित्र मीयू क्‍वानेने अम्‍ब चिट्ठी लिख्दीन ख्यङ्।

फिलिप्पी 1:2

ङीनजे प परमेश्‍वर मेस्‍ये प्रभु येशू ख्रीष्‍टदे अनुग्रह मेस्‍ये शान्ति पीन्‍स्‍य।

फिलिप्पी 4:19

ङैजे परमेश्‍वरदे रङ्सेप्रे कोलानेयली म्‍यूर्‌नब सम्पत्ति अनुसार‌ नमयूजे साप्‍ता हर्‌जोयू ख्रीष्‍ट येशूने पूरा चीम्‍मीय।

फिलिप्पी 4:21

ख्रीष्‍ट येशूने ख्‍यब परमेश्‍वरजे पवित्र मीयू क्‍वानेने नमस्कार ख्यङ् य। ङै ट्‌याने ख्‍यब विश्‍वासीयूदे नमयूने नमस्‍कार येबे ख्यङ्।

फिलिप्पी 4:9

ङैदे लोम्‍मीब नमयूदे चै पो लोम्‍दे, ग्रहण चीत्दे, तदे मेस्ये ङैने तङ्दे, हम्बने ची, मेस्ये शान्तिजे परमेश्‍वर नमयूप्रे क्‍यूक्‍क्य।

कलस्सी 3:15

ख्रीष्‍टजे शान्तिदे नमयूजे सेम्ने राज्‍य चीस्‍स्‍य। अम्‍ब शान्तिजे लागि परमेश्‍वरदे नमयूने ङ्वत्‍याजे अङ्गयू क्‍यूरने क्‍व ख्यङ्, अम्‍बजे लागि नमयू येतार्‌ने धन्‍यवाद पीन्‍नू।

२ थेसलोनिकी 3:16

जेम्‍से शान्तिजे प्रभु रङ्सेदेने कन्‍छ्वाबने यली नमयूने येतार्‌ने शान्ति पीन्स्‍य। प्रभु नमयू क्वाप्रेने क्‍यूस्‍स्‍य।

हिब्रू 13:20

जेम्‍से कलङ्नेयली क्‍यून्‍नब करारजे कादे स्वान्‌यूजे पात्‍ता नङ्ने केन् सोम्प्रङ्ब ङीनजे प्रभु येशूने सीइली फेरि सोम्‍बो चीम्‍मेब शान्‍तिजे परमेश्‍वरदे,

यहूदा 1:1

ङ यहूदा, येशू ख्रीष्‍टजे त्‍वो मेस्‍ये याकूबजे च्‍योन् ख्यङ्। प-परमेश्‍वरदे सेल्‍देबे माया चेब मीयू मेस्ये येशू ख्रीष्‍टदे रक्षा चेब मीयूने अम्‍ब चिट्ठी लिख्दीन ख्यङ्:

प्रकाश 1:4

यूहन्‍नादे एशियाने ख्‍यब मण्डलीयू ङ्‍यीने लिख्दे ख्यङ्: परमेश्‍वरट्‍यादे नमयूने अनुग्रह मेस्‍ये शान्ति पीन्‍स्‍य, ङू चूजोये ख्यङ्, खूम्‍ये ख्‍य, ङ्येदेये रीय। ङूजे सिंहासन खूम्‍ने ख्‍यब आत्‍मा ङ्‍यीट्‍यादे,

प्रकाश 2:17

सूजे त ख्‍वब न ख्यङ्, पवित्र आत्मादे मण्डलीयूने यब पो ङूदे चेलाबे ङ्‍यीन्स्य। सूदे ट्‌याय, ङ ङूने नङ्सू हीतेब मन्‍न छीत्‍या स्‍यादेबे पीन्‍क्‍य, मेस्‍ये ङ ङूने सर् मीन् लिख्दीयेब पत्‍थर कर्‌ त्‍या पीन्‍क्‍य, हम्‍ब प्रेब मीदेत्‍या स्‍येय सूजो सूदेये अन्‍स्‍ये।